அமெரிக்க அதிபர் டொனால்ட் டிரம்ப் சமீபத்தில் பத்திரிகையாளர்களிடம் பேசிய போது, இந்தியப் பிரதமர் நரேந்திர மோடியை மிகச் சிறந்த மனிதர் என்றும் நல்ல மனிதர் என்றும் புகழ்ந்தார். அதே நேரத்தில், இந்தியா ரஷ்யாவிடமிருந்து கச்சா எண்ணெய் வாங்குவதால் தான் மகிழ்ச்சியாக இல்லை என்பதை மோடிக்கு தெரியும் என்றும் கூறினார்.

டிரம்ப் கூறுகையில், "இந்தியா என்னை மகிழ்ச்சியாக்க விரும்பியது. மோடி மிகவும் நல்லவர். நான் மகிழ்ச்சியாக இல்லை என்பது அவருக்கு தெரியும். என்னை மகிழ்ச்சியாக்குவது முக்கியம். ரஷ்யாவின் கச்சா எண்ணெயை விட இந்தியா மீது வரிகளை உயர்த்த முடியும்" என்றார். 

ரஷ்யாவுடன் இந்தியா வர்த்தகம் செய்கிறது என்றும், ரஷ்ய பொருளாதாரம் மோசமாக உள்ளது என்றும் குறிப்பிட்ட அவர், உண்மையில் வெனிசுலா பொருளாதாரம்தான் மிக மோசமானது என்றும் தெரிவித்தார்.

இதையும் படிங்க: திமுக மகளிரணி மாநாடு தேதி மாற்றம்... தலைமை கழகம் முக்கிய அறிவிப்பு...!

இந்தியா ரஷ்ய எண்ணெய் இறக்குமதியை குறைத்து வருவதாகவும் டிரம்ப் கூறினார். ஆனால், ரஷ்ய எண்ணெய் விவகாரத்தில் உதவி செய்யாவிட்டால் இந்தியா மீது வரிகளை விரைவாக உயர்த்த முடியும் என்ற எச்சரிக்கையும் விடுத்தார்.

மறுபுறம், ரஷ்ய வெளியுறவு அமைச்சர் செர்ஜி லாவ்ரோவ் சமீபத்தில் கூறியதாவது: உக்ரைன் ரஷ்ய அதிபர் விளாடிமிர் புடினின் வடமேற்கு நோவ்கோரோட் பகுதியில் உள்ள வீட்டை ட்ரோன் தாக்குதல் மூலம் குறிவைத்தது. அனைத்து ட்ரோன்களும் சுட்டு வீழ்த்தப்பட்டன.

யாருக்கும் காயம் ஏற்படவில்லை என்று ரஷ்ய ராணுவம் தெரிவித்தது. இந்த குற்றச்சாட்டை உக்ரைன் அதிபர் வோலோடிமிர் ஜெலன்ஸ்கி முற்றிலும் பொய் என்று மறுத்தார்.

இந்நிலையில், ரஷ்யாவின் இந்த குற்றச்சாட்டை அமெரிக்க அதிபர் டிரம்ப் நிராகரித்துள்ளார். "ரஷ்யாவின் ட்ரோன் கதை பொய். புடினின் வீடு மீது உக்ரைன் ட்ரோன் தாக்குதல் நடத்தவில்லை என்று அமெரிக்க தேசிய பாதுகாப்பு அதிகாரிகள் முடிவு செய்துள்ளனர்" என்று டிரம்ப் தெரிவித்தார்.

இந்தியா-அமெரிக்க வர்த்தக உறவுகளில் ரஷ்ய எண்ணெய் விவகாரம் தொடர்ந்து பிரச்னையாக உள்ள நிலையில், டிரம்பின் இந்த கருத்துகள் கவனம் ஈர்த்துள்ளன. அதேநேரம், உக்ரைன்-ரஷ்யா போர் தொடர்பான குற்றச்சாட்டுகளில் அமெரிக்கா ரஷ்யாவின் பக்கம் நிற்கவில்லை என்பது தெளிவாகியுள்ளது.

இதையும் படிங்க: அரைகுறை திட்டங்கள்... ZERO செயல்பாடு... விளம்பரம் மட்டும் படுஜோர்..! TVK காட்டம்..!