அமெரிக்க அதிபர் டொனால்ட் டிரம்ப், உக்ரைன்-ரஷ்யா போரை முடிவுக்கு கொண்டு வர முயற்சி செஞ்சு வர்றார். ஆனா, ரஷ்யா உக்ரைனில் தாக்குதலை இன்னும் தீவிரப்படுத்தியிருக்கு. சமீபத்துல, டிரம்ப் ஒரு எச்சரிக்கை விடுத்து, “50 நாட்களுக்குள் உக்ரைன் போரை முடிவுக்கு கொண்டு வரலேன்னா, ரஷ்யா மீது கடுமையான பொருளாதாரத் தடைகளும், 100% வரிகளும் விதிக்கப்படும்”னு கூறியிருந்தார். 

இந்த நிலையில, நேத்து இந்த 50 நாள் கெடுவை 10-12 நாட்களுக்கு குறைச்சு பேசியிருக்கார். “புடினுக்கு இனி 10 முதல் 12 நாட்கள் மட்டுமே இருக்கு. இல்லேன்னா, கடுமையான வரிகளும் தடைகளும் வரும்”னு டிரம்ப் தெளிவா சொல்லியிருக்கார். 

ஸ்காட்லாந்தில், இங்கிலாந்து பிரதமர் கெய்ர் ஸ்டார்மரை சந்திச்ச பிறகு நிருபர்களிடம் பேசிய டிரம்ப், ரஷ்ய அதிபர் புடின் மீது தன்னோட விரக்தியை வெளிப்படுத்தினார். “நான் புடினால ரொம்ப ஏமாற்றம் அடைஞ்சிருக்கேன். என்ன நடக்கப் போகுதுன்னு எனக்கு தெரியும். அதனால, 50 நாள் கெடுவை 10-12 நாட்களுக்கு குறைக்கப் போறேன். காத்திருக்குறதுல அர்த்தமே இல்லை”னு கூறினார்.  

இதையும் படிங்க: உங்க பொருளாதாரத்தையே அழிச்சிருவோம்!! இந்தியாவுக்கு அமெரிக்கா பகிரங்க மிரட்டல்..!

ரஷ்யாவின் தொடர் தாக்குதல்கள், குறிப்பா கீவ் உள்ளிட்ட நகரங்களில் ட்ரோன்கள், ஏவுகணைகளால் பொதுமக்கள் உயிரிழப்பு, கட்டடங்கள் சேதமடைஞ்சது டிரம்புக்கு பெரிய கோபத்தை ஏற்படுத்தியிருக்கு. “நாங்க பலமுறை அமைதி பேச்சு நடத்த முயற்சி செஞ்சோம், ஆனா புடின் ஒவ்வொரு முறையும் ஏவுகணைகளை ஏவி மக்களை கொல்றார்”னு அவர் குற்றம்சாட்டினார். 

ரஷ்ய தரப்பில், டிரம்போட இந்த எச்சரிக்கைக்கு இதுவரை பெரிய பதில் இல்லை. ரஷ்ய துணை வெளியுறவு அமைச்சர் செர்ஜி ரியாப்கோவ், “எங்களுக்கு எந்த அல்டிமேட்டமும் ஏத்துக்க முடியாது. பேச்சுவார்த்தை மூலமா தீர்வு காணதான் விரும்புறோம்”னு கூறியிருக்கார். 

ரஷ்யாவின் முன்னாள் ஜனாதிபதி டிமிட்ரி மெட்வெடேவ், “டிரம்போட அல்டிமேட்டம் ஒரு நாடகம்தான். ரஷ்யாவுக்கு இது பொருட்டே இல்லை”னு சமூக வலைதளத்தில் எழுதியிருக்கார். புடின் இதுவரை நேரடியா பதில் சொல்லல, ஆனா கிரெம்ளின் செய்தி தொடர்பாளர் பெஸ்கோவ், “புடின் தேவைப்பட்டா பதில் சொல்வார்”னு மட்டும் சொல்லியிருக்கார்.

டிரம்போட இந்த புது கெடு, உக்ரைனுக்கு ஆயுத உதவிகளை அதிகப்படுத்துறதோடு, ரஷ்யாவோட வர்த்தக பங்காளிகளான இந்தியா, சீனா மாதிரியான நாடுகளுக்கு மறைமுக வரி அச்சுறுத்தலை விதிக்குது. ஆனா, உக்ரைன் மக்கள் இந்த 10-12 நாள் கெடுவை “ரொம்ப தாமதம்”னு விமர்சிச்சிருக்காங்க. 

கீவ் மேயர் விட்டாலி கிளிட்ஷ்கோ, “இந்த காலத்துல இன்னும் எத்தனை பேர் உயிரிழக்கப் போறாங்க?”னு கேள்வி எழுப்பியிருக்கார். உக்ரைன் ஜனாதிபதி ஜெலன்ஸ்கி, டிரம்போட ஆயுத உதவிக்கு நன்றி சொன்னாலும், “ரஷ்யா அமைதிக்கு தயாரா இல்லை”னு கூறியிருக்கார். இந்த புது கெடு, போரை முடிவுக்கு கொண்டு வருமா இல்லையா-ன்னு பார்க்க இன்னும் 10 நாட்கள் காத்திருக்கணும்.

இதையும் படிங்க: நேருக்கு நேர் சந்திக்க தயார்..! புதினுக்கு சவால் விடுக்கும் ஜெலன்ஸ்கி..!