நேத்து (ஜூலை 28, 2025) லோக்சபாவில் ஆபரேஷன் சிந்தூர் குறித்து நடந்த சிறப்பு விவாதம் பெரிய பரபரப்பை கிளப்பியிருக்கு. இந்த விவாதத்துல வெளியுறவு அமைச்சர் எஸ். ஜெய்சங்கர் பேசினப்போ, பஹல்காம் தாக்குதலுக்கு பிறகு இந்தியாவோட வெளியுறவு நிலைப்பாடு பற்றி சில முக்கிய விஷயங்களை தெளிவு படுத்தினார். 

இந்த ஆபரேஷன், ஏப்ரல் 22, 2025-ல் காஷ்மீரின் பஹல்காமில் நடந்த பயங்கரவாத தாக்குதலுக்கு பதிலடியா மே 7-ல் இந்திய ராணுவம் தொடங்கியது. இதுல பாகிஸ்தான் ஆக்கிரமிப்பு காஷ்மீர் மற்றும் பாகிஸ்தானில் இருந்த 9 பயங்கரவாத முகாம்கள் தகர்க்கப்பட்டன. இந்த ஆபரேஷனை இந்தியா ஒரு மாபெரும் வெற்றியா பார்க்குது.

ஜெய்சங்கர் தன்னோட உரையில, “பஹல்காம் தாக்குதலுக்கு பிறகு, ஏப்ரல் 22 முதல் ஜூன் 17 வரைக்கும் பிரதமர் மோடியும், அமெரிக்க அதிபர் டொனால்ட் டிரம்பும் தொலைபேசியில் பேசவே இல்லை”னு திட்டவட்டமா சொன்னார். 

இதையும் படிங்க: அனல் பறக்க காத்திருக்கும் பார்லிமென்ட்.. ஆபரேஷன் சிந்தூர் குறித்து மோடி, அமித் ஷா உரை..!

ஆனா, அமெரிக்க துணை அதிபர் ஜே.டி. வான்ஸ், பிரதமர் மோடியை தொலைபேசியில் தொடர்பு கொண்டு, “பாகிஸ்தான் மீதான தாக்குதலை நிறுத்துங்க”னு கேட்டுக்கொண்டாராம். இதுக்கு மோடி, “நாங்க தாக்குதலை நிறுத்துறதுக்கு பதிலா, இன்னும் தீவிரப்படுத்தப் போறோம்”னு பதிலடி கொடுத்தாராம். இந்த பதில், இந்தியாவோட உறுதியான நிலைப்பாட்டை காட்டுது. 

இதைத் தொடர்ந்து, வேறு சில நாடுகளும் இந்தியாவை தொடர்பு கொண்டு, “பாகிஸ்தானுடனான மோதலை நிறுத்துங்க”னு கோரிக்கை வைச்சாங்க. ஆனா, இந்தியா இதுக்கு ஒத்துக்கல. ஜெய்சங்கர் இதைப் பற்றி பேசும்போது, “பாகிஸ்தான் ராணுவத்திடம் இருந்து முறையான அழைப்பு வந்தா மட்டுமே, போர் நிறுத்தம் பற்றி பேச்சுவார்த்தை நடத்துவோம்னு சொல்லியிருக்கோம்”னு தெளிவா கூறினார். இது, இந்தியாவோட வெளியுறவுக் கொள்கையில உறுதியையும், பயங்கரவாதத்துக்கு எதிரான கடுமையான நிலைப்பாட்டையும் எடுத்துக்காட்டுது. 

இந்த விவாதத்துல எதிர்க்கட்சிகள், குறிப்பா காங்கிரஸ், ஆபரேஷன் சிந்தூரை ஆதரிச்சாலும், “இதுக்கு முன்னாடி பாகிஸ்தானுக்கு தகவல் கொடுத்தீங்களா? பஹல்காமில் பாதுகாப்பு குறைபாடு இருந்ததா?”னு கேள்வி எழுப்பி அரசை வறுத்தெடுத்தாங்க. 

ராகுல் காந்தி, மல்லிகார்ஜுன் கார்கே ஆகியோர், “பிரதமர் மோடி இந்த விவாதத்துல நேரடியா பதிலளிக்கணும்”னு வற்புறுத்தினாங்க. இதனால, இன்று (ஜூலை 29) மாலை 7 மணிக்கு மோடியும், பிற்பகல் அமித் ஷாவும் பேசப் போறது இன்னும் எதிர்பார்ப்பை அதிகப்படுத்தியிருக்கு. 

இந்த விவாதம், இந்தியாவோட தேசிய பாதுகாப்பு, பயங்கரவாதத்துக்கு எதிரான நடவடிக்கை, வெளியுறவுக் கொள்கையை மையப்படுத்தி நடக்குது. ஜெய்சங்கரோட உரை, இந்தியா எந்த வெளிநாட்டு அழுத்தத்துக்கும் அடிபணியாம, பயங்கரவாதத்துக்கு எதிரான தன்னோட உறுதியான நிலைப்பாட்டை தொடர்ந்து கடைபிடிக்கும்-னு உறுதிப்படுத்தியிருக்கு. 

இந்த விவாதம் மூலமா, இந்திய ராணுவத்தோட வலிமையும், அரசாங்கத்தோட தெளிவான அணுகுமுறையும் மக்கள் மத்தியில தெளிவா பதிய வைக்கப்பட்டிருக்கு. இனி வரும் நாட்களில் இந்த ஆபரேஷனோட முழு விவரங்களும், அதோட விளைவுகளும் பாராளுமன்றத்துல விவாதிக்கப்படும்னு எதிர்பார்க்கப்படுது.

இதையும் படிங்க: ஆபரேஷன் சிந்தூர்ல என்னதான் நடந்துச்சு!! காங்கிரஸ் - பாஜக காரசார விவாதம்..!