தமிழ்நாட்டில் அக்டோபர் 6ஆம் தேதி நடைபெறவுள்ள மதுராந்தகம் மற்றும் தாராபுரம் சட்டமன்றத் தொகுதிகளுக்கான இடைத்தேர்தல் அரசியல் களத்தில் பெரும் சூட்டை ஏற்படுத்தியுள்ளது. இந்த இரண்டு தொகுதிகளும் அதிமுக சார்பில் 2026 சட்டப்பேரவைத் தேர்தலில் வெற்றி பெற்ற மரகதம் குமரவேல் மற்றும் சத்தியபாமா ஆகியோர் தங்கள் பதவியை ராஜினாமா செய்து தமிழக வெற்றிக் கழகத்தில் இணைந்ததால் காலியாகின.

இதையடுத்து தமிழக வெற்றிக் கழகம் இந்த இரு தொகுதிகளிலும் அவர்களையே வேட்பாளர்களாக அறிவித்தது. மதுராந்தகம் தனித் தொகுதியில் மரகதம் குமரவேல் தவெகவின் விசில் சின்னத்தில் போட்டியிடுகிறார்.இந்தப் பின்னணியில் மதுராந்தகம் தொகுதியில் தவெக வேட்பாளரை ஆதரித்து முதலமைச்சரும் தவெக தலைவருமான விஜய் நேரடியாக பரப்புரையில் இறங்கியுள்ளார். ஆத்தூர் சுங்கச்சாவடி அருகே உள்ள திறந்தவெளி மைதானத்தில் இன்று இப்பரப்புரை நிகழ்ச்சி நடைபெற்றது.

அப்போது முதல்வர் விஜய் பேசினார். விஜயும் கடன் தான் வாங்கினார் என்று பேசுகிறார்கள். மக்களுக்கு நல்லது செய்யவே கடன் வாங்குகிறேன். கொள்ளையடிப்பதற்காக அல்ல நான் வளர்ச்சிக்கு எதிரானவன் இல்லை. என்னால் எதைச் செய்ய முடியுமோ அதைச் செய்து வருகிறேன் என்று பரப்புரை கூட்டத்தில் முதல்வர் விஜய் பேசினார்.

இதையும் படிங்க: தோத்தாலும்… ஜெயித்தாலும் ஸ்டாலின் என் ஸ்வீட் அங்கிள்..! மதுராந்தகத்தில் முதல்வர் விஜய் பேச்சு..!!

இடைத்தேர்தலில் தீய சக்தி மற்றும் பலருக்கு மக்கள் பாடம் புகட்டுவார்கள் என்றும் பச்சை குழந்தைகளை சீரழித்தவனை சும்மா விட மாட்டோம் என்றும் அனைவரையும் சிறையில் அடைப்பது நிச்சயம் என்றும் தெரிவித்துள்ளார். தமிழகத்தில் உள்ள என் அம்மா, அப்பா, அக்கா என அனைவரையும் அவதூறாக பேசுவதாக கூறினார். விசிலுக்கு ஓட்டுப் போட்டால் நல்ல சாவே வராது என பேசுகிறார்கள் என்றும் மதுராந்தகத்தில் ஜெயித்தால் தவெக ஆட்சி கவிழும் என பேசுகிறார்கள் என்று தெரிவித்தார். திமுக தான் பாஜக என்றும் ஒரே குட்டையில் ஊறிய மட்டைகள் என்றும் தெரிவித்தார்.

இதையும் படிங்க: எம்ஜிஆர் சிலைக்கு முதல்வர் விஜய் மரியாதை... அரங்கம் அதிர உற்சாக வரவேற்பு..!! விழாக்கோலம் பூண்டது மதுராந்தகம்..!