காங்கிரஸ் கட்சி 10 ஆண்டுகால திமுக உறவை முறித்துக் கொண்டு தமிழக வெற்றி கழகத்திற்கு ஆதரவு தெரிவித்துள்ளது. அதிகாரப்பூர்வ ஆதரவு வெளியிடப்பட்டிருக்கிறது. சட்டமன்றத் தேர்தல் மட்டும் இல்லாமல் நாடாளownமன்ற தேர்தலிலும் தமிழக வெற்றி கழகத்திற்கு காங்கிரஸ் கட்சி ஆதரவு கொடுப்பதாக அதிகாரப்பூர்வ அறிவிப்பு வெளியாகியுள்ளது.

தமிழக வெற்றி கழகத்தின் பனையூர் அலுவலகத்திற்கு காங்கிரஸ் நிர்வாகிகள் புறப்பட்டு சென்றனர். காங்கிரஸ் தரப்பில் முக்கியமான ஆலோசனை நடைபெற்ற நிலையில் தமிழக வெற்றிக் கழகத்திற்கு ஆதரவு தரும் கடிதத்தை வழங்குகிறது காங்கிரஸ். காங்கிரஸ் எம்எல்ஏக்கள் ஐந்து பேரும் கையெழுத்திட்ட கடிதத்தை தமிழக வெற்றி கழகத்தின் தலைமையிடம் காங்கிரஸ் கட்சி வழங்குகிறது. இதன் மூலம் திமுக உடனான உறவு காங்கிரசுக்கு முறிந்துள்ளது.

கூட்டணிக்குள் வருவதற்கு காங்கிரஸ் கட்சி டிமாண்ட் வைத்துள்ளதாக கூறப்பட்டுள்ளது. மதவாத சக்திகளை கூட்டணியில் இணைக்க கூடாது என்ற நிபந்தனையுடன் தமிழக வெற்றி கழகத்தில் காங்கிரஸ் இணைந்து இருப்பதாக தகவல் வெளியானது. ஆட்சி அமைப்பதற்கு மட்டுமின்றி உள்ளாட்சி தேர்தல், மக்களவை மற்றும் மாநிலங்களவை என அனைத்து தேர்தல்களிலும் தமிழக வெற்றி கழகத்தின் உடனே கூட்டணி என்றும் கூறியுள்ளது.

இதையும் படிங்க: #BREAKING: முறிந்தது திமுக உறவு..! தமிழக வெற்றி கழகத்திற்கே ஆதரவு..! காங்கிரஸ் அதிகாரப்பூர்வ அறிவிப்பு..!

தமிழ்நாட்டில் மீண்டும் காமராஜர் ஆட்சியை கொண்டுவர வழி வகுப்போம் என்று தமிழ்நாடு காங்கிரஸ் கமிட்டி உறுதியுடன் தெரிவித்துள்ளது. அடுத்த 10 ஆண்டுகளில் பெருந்தலைவர் காமராஜர் கண்ட தமிழ்நாட்டை தமிழ்நாட்டின் பொற்காலத்தை மீட்டெடுக்க உறுதி ஏற்போம் எனவும் கூறியுள்ளது. தமிழ்நாட்டில் ஆட்சி அமைக்க தமிழக வெற்றி கழகத்திற்கு நிபந்தனையற்ற ஆதரவு தருவதாகவும் தெரிவித்துள்ளது. திமுகவிடமிருந்து மாநிலங்களவை உறுப்பினர் சீட்டை பெற்று விட்டு காங்கிரஸ் கூட்டணியை முறித்து கொண்டுள்ளது குறிப்பிடத்தக்கது. 

இதையும் படிங்க: பரபரக்கும் அரசியல் களம்..! ஆளுநரை சந்தித்து ஆட்சி அமைக்க உரிமை கோரும் விஜய்..!