கன்னியாகுமரி மாவட்டத்தில் இன்ஸ்டாகிராம் மூலம் நட்பு வளர்த்து 17 வயது பிளஸ் 2 மாணவியை பாலியல் வன்கொடுமைக்கு உள்ளாக்கிய நான்கு பேர் போக்சோ சட்டத்தின் கீழ் கைது செய்யப்பட்டுள்ளனர். வெள்ளிச்சந்தை போலீஸ் நிலையத்திற்கு உட்பட்ட பகுதியைச் சேர்ந்த இந்த மாணவி இன்ஸ்டாகிராமில் அதிக நேரம் செலவிட்டு வந்தார். அப்போது தடிக்காரன்கோணம் பகுதியைச் சேர்ந்த 20 வயது அஜன் என்பவருடன் பழக்கம் ஏற்பட்டது. இருவருக்கும் இடையே காதல் உறவு உருவானது.அஜன் ஆசை வார்த்தைகள் கூறி மாணவியை பூங்கா, கடற்கரை உள்ளிட்ட இடங்களுக்கு அழைத்துச் சென்றார்.

ஒருநாள் விடுதியில் அறை எடுத்து அவரை பலவந்தப்படுத்தி பாலியல் வன்கொடுமை செய்தார். அந்த காட்சிகளை வீடியோவாகப் பதிவு செய்து கொண்ட அவர், பின்னர் அந்த ஆபாச வீடியோவைக் காட்டி மீண்டும் தன்னுடன் தனிமையில் வரும்படி மிரட்டினார். மாணவி மறுத்ததால் அந்த வீடியோவை இன்ஸ்டாகிராமில் வெளியிட்டதாகத் தெரிகிறது. இதனால் மனவேதனையடைந்த மாணவி தனது உறவுமுறையான வேம்பனூரைச் சேர்ந்த 32 வயது விவேக்கிடம் நடந்ததைக் கூறி அழுதார்.உதவி செய்வது போல் நடித்த விவேக் மாணவியை பாலியல் வன்கொடுமை செய்தார்.

பின்னர் இந்த விவரத்தை தனது நண்பரான பரப்புவிளையைச் சேர்ந்த 29 வயது தினேஷிடம் தெரிவித்தார். மாணவியின் பலவீனத்தை உணர்ந்த தினேஷ், பிரச்சினைகளைத் தீர்த்து வைப்பதாகக் கூறி அவளை அழைத்துச் சென்றார். மாணவி வீட்டை விட்டு வெளியேறி தினேஷுடன் சென்றார். தினேஷ் அவளை அடுக்குமாடிக் குடியிருப்பில் உள்ள வீட்டில் ஒரு வாரம் அடைத்து வைத்து மது கொடுத்து மிரட்டி பாலியல் வன்கொடுமை செய்தார். மேலும் தனது நண்பரான நாகர்கோவிலைச் சேர்ந்த 24 வயது ஆண்டோ ஜெர்ரிஸுக்கும் மாணவியை அழைத்துச் சென்று கொடுமைப்படுத்தியுள்ளார்.ஒரு வாரம் சித்ரவதைக்கு ஆளான மாணவி அங்கிருந்து தப்பி வீடு திரும்பினார்.

இதையும் படிங்க: கனிம சுரங்கத்திற்காக குமரியை அழிப்பதா.? செப்.26 ல் ஆர்ப்பாட்டம்..! தமிழக வாழ்வுரிமைக் கட்சி அறிவிப்பு.!

பெற்றோரிடம் நடந்ததை விவரித்தார். இதையடுத்து குளச்சல் அனைத்து மகளிர் போலீஸ் நிலையத்தில் புகார் அளிக்கப்பட்டது. மாணவியின் வாக்குமூலத்தின் அடிப்படையில் அஜன், விவேக், தினேஷ், ஆண்டோ ஜெர்ரிஸ் ஆகிய நான்கு பேர் மீதும் போக்சோ உள்ளிட்ட ஆறு பிரிவுகளின் கீழ் வழக்குப் பதிவு செய்யப்பட்டது. மாணவி மருத்துவப் பரிசோதனைக்காக ஆசாரிப்பள்ளம் அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டார்.தலைமறைவாக இருந்த நான்கு பேரையும் போலீசார் தீவிரமாகத் தேடினர்.

முதலில் அஜன் மற்றும் விவேக் கைது செய்யப்பட்டு நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர். மீதமுள்ள இருவரின் செல்போன் இருப்பிடத்தை கண்காணித்து சென்னையில் வைத்து கைது செய்தனர். அவர்களையும் நாகர்கோவில் போக்சோ சிறப்பு நீதிமன்றத்தில் ஆஜர்படுத்தி சிறையில் அடைத்தனர். இந்த சம்பவம் கன்னியாகுமரி மாவட்டத்தில் பெரும் அதிர்ச்சியை ஏற்படுத்தியுள்ளது.

இதையும் படிங்க: அரபி பாடசாலையில் கொடூரம்.. 6 வயது சிறுமிக்கு பாலியல் தொல்லை..! பரபரப்பு..!