நாடாளுமன்றக் கூட்டத்தொடரில் நாட்டையே உற்றுநோக்கச் செய்த வந்தே மாதரம் தேசியப் பாடல் மசோதா மாநிலங்களவையிலும், தேர்வு சீர்திருத்த சட்ட மசோதா மக்களவையிலும் குரல் வாக்கெடுப்பு மூலம் வெற்றிகரமாக நிறைவேற்றப்பட்டுள்ளன.

நாடாளுமன்றத்தின் மழைக்காலக் கூட்டத்தொடர் விறுவிறுப்பாக நடைபெற்று வரும் சூழலில், இரு அவைகளிலும் முக்கியச் சட்ட மசோதாக்கள் தாக்கல் செய்யப்பட்டு விவாதத்திற்கு எடுத்துக் கொள்ளப்பட்டன. அதில், வந்தே மாதரம் தேசியப் பாடல் தொடர்பான புதிய மசோதா நாடாளுமன்ற மாநிலங்களவையில் இன்று குரல் வாக்கெடுப்பு மூலம் நிறைவேற்றப்பட்டது.

இப்புதிய மசோதாவின்படி, இந்தியாவின் தேசியப் பாடலான 'வந்தே மாதரத்திற்கு' தேசியக் கீதமான 'ஜன கண மன'வுக்கு இணையான சம அந்தஸ்து மற்றும் கௌரவம் அதிகாரப்பூர்வமாக வழங்கப்படுகிறது. மேலும், பொது இடங்களிலோ அல்லது நிகழ்வுகளிலோ வந்தே மாதரம் பாடலைத் திட்டமிட்டே அவமதிப்பவர்கள் மீது கடுமையான நடவடிக்கை எடுக்கவும், தவறு இழைப்போருக்கு 3 ஆண்டுகள் வரை சிறை தண்டனை மற்றும் அபராதம் விதிக்கவும் இந்த மசோதா வழிவகை செய்கிறது.

இதையும் படிங்க: தமிழ்நாடு முதல்வர் விஜய்க்காக ஹெலிகாப்டர் தயார்! மேகதாதுவை நேரில் பார்க்க டி.கே.சிவகுமார் அழைப்பு!

அதேவேளையில், போட்டித் தேர்வுகளில் நடக்கும் முறைகேடுகளைத் தடுப்பதற்கான வரலாற்றுச் சிறப்புமிக்க தேர்வு சீர்திருத்த மசோதா நாடாளுமன்ற மக்களவையில் குரல் வாக்கெடுப்பு மூலம் நிறைவேறியது. நாடு முழுவதும் அரசுப் பணிகள் மற்றும் உயர்கல்விக்கான நுழைவுத் தேர்வுகளில் வினாத்தாள் கசிவு மற்றும் ஆள்மாறாட்டம் போன்ற முறைகேடுகளில் ஈடுபடுவோருக்குப் பூட்டு போடும் வகையில் இச்சட்டம் வடிவமைக்கப்பட்டுள்ளது.

இச்சட்டத்தின் கீழ், வினாத்தாள் கசிவு மற்றும் முறைகேடுகளில் ஈடுபடும் நபர்கள் அல்லது கும்பலுக்குக் குறைந்தபட்சம் 10 ஆண்டுகள் வரை கடுங்காவல் சிறை தண்டனையும், ரூ. 10 கோடி வரை கடுமையான அபராதமும் விதிக்கப்படும். மேலும், தேர்வு முறைகேடு தொடர்பான வழக்குகளைக் காலதாமதமின்றி விரைந்து விசாரித்துத் தீர்ப்பு வழங்க ஏதுவாகச் சிறப்பு நீதிமன்றங்கள் அமைக்கப்படும் என்றும் மசோதாவில் தெரிவிக்கப்பட்டுள்ளது.

இதையும் படிங்க: டிக்கெட் எடுத்து மெட்ரோவில் பயணித்த முதல்வர விஜய்..! ஆர்ப்பரித்த மக்கள்... உற்சாக வரவேற்பு..!!