வங்கக்கடலில் உருவான அர்னாப் புயல் அக்டோபர் 28 ஆம் தேதி அதிகாலையில் ஆந்திரப் பிரதேசக் கடற்கரையைக் கடந்தது. பாபட்லாவிற்கும் விசாகப்பட்டினத்திற்கும் இடையிலான கடல் பகுதியில், ஏனாமுக்குத் தெற்கே உள்ள பகுதியில் இந்த மிகத் தீவிர சூறாவளிப் புயல் கரையைத் தொட்டது. அதிகாலை சுமார் 1.20 மணிக்கு கரையைக் கடக்கும் செயல்முறை தொடங்கியது. அப்போது மணிக்கு 125 முதல் 135 கிலோமீட்டர் வேகத்தில் காற்று வீசியது.

இடையிடையே மணிக்கு 150 கிலோமீட்டர் வரை காற்றின் வேகம் அதிகரித்தது. புயல் கரையை கடந்து, வடக்கு-வடமேற்கு திசையில் மெதுவாக நகர்ந்து வருகிறது. இந்திய வானிலை ஆய்வு மையத்தின் கணிப்பின்படி, காலை 11.30 மணிக்குள் அது தீவிரப் புயலாக வலுவிழக்கும். அதன் பிறகு மேலும் வலுவிழந்து ஆழ்ந்த காற்றழுத்தத் தாழ்வுப் பகுதியாக மாறும் என எதிர்பார்க்கப்படுகிறது.

கரையைக் கடந்த பிறகும் சில மணி நேரங்களுக்கு கனமழையும் பலத்த காற்றும் தொடரும்.புயலின் தாக்கத்தால் ஆந்திரப் பிரதேசத்தின் கடலோர மாவட்டங்களில் கனமழை பெய்தது. விசாகப்பட்டினம், அனகாப்பள்ளி, காக்கிநாடா, கோனசீமா, மேற்கு கோதாவரி உள்ளிட்ட மாவட்டங்களில் அதிக மழை பதிவாகியுள்ளது.

இதையும் படிங்க: வங்கக்கடலில் தீவிர புயலாக மாறிய 'அர்னாப்': மணிக்கு 140 கி.மீ வேகத்தில் சூறைக்காற்று  எச்சரிக்கை!

சில இடங்களில் 200 மில்லிமீட்டருக்கும் அதிகமான மழை பெய்தது. விசாகப்பட்டினம் நகரத்திலும் சுற்றுவட்டாரப் பகுதிகளிலும் பல மரங்கள் வேரோடு சாய்ந்தன. மின்சாரக் கம்பிகள் துண்டிக்கப்பட்டு மின் விநியோகம் பாதிக்கப்பட்டது. சாலைகளில் மரக்கிளைகள் விழுந்து போக்குவரத்து தடைப்பட்டது. கடற்கரைப் பகுதிகளில் கடல் நீர் உள்நுழைந்து தாழ்வான இடங்களில் வெள்ளம் ஏற்பட்டது

இதையும் படிங்க: வார்னிங்..!! அர்னாப் புயல்..! 9 துறைமுகங்களில் 2 ஆம் எண் புயல் எச்சரிக்கை கூண்டு ஏற்றம்..!!