மேற்கு வங்காள அரசியலில் சமீபத்தில் ஏற்பட்ட பெரும் மாற்றங்களின் விளைவாக, மாநிலங்களவையின் மூன்று காலியான இடங்களுக்கு வரும் ஜூலை 24, 2026 அன்று இடைத்தேர்தல் நடைபெற உள்ளது. இந்த அறிவிப்பை இந்திய தேர்தல் ஆணையம் இன்று வெளியிட்டது. இந்தத் தேர்தல், திரிணமூல் காங்கிரஸ் கட்சியின் உள்கட்சி மோதல்கள் மற்றும் பாஜகவுக்கு ஏற்பட்டுள்ள வலுவான எழுச்சியுடன் நெருங்கிய தொடர்புடையது. 

2026 மே மாதத்தில் நடைபெற்ற மேற்கு வங்காள சட்டமன்றத் தேர்தலில் திரிணமூல் காங்கிரஸ் பெரும் தோல்வியை சந்தித்தது. பாஜக 294 இடங்களில் 207 இடங்களை கைப்பற்றி ஆட்சியமைத்தது. புதிய முதலமைச்சராக சுவேந்து அதிகாரி பொறுப்பேற்றார். இந்தத் தோல்விக்குப் பிறகு TMC கட்சியில் உள்கட்சி மோதல்கள் தீவிரமடைந்தன. மம்தா பானர்ஜியின் தலைமைக்கு எதிராக பல தலைவர்கள் குரல் எழுப்பினர். இந்தச் சூழலில், மூன்று ராஜ்ய சபா உறுப்பினர்கள் தங்கள் பதவியிலிருந்து விலகி பாஜகவுடன் இணைந்தனர். 

இந்த மூன்று உறுப்பினர்களும் மம்தா பானர்ஜியுடன் முரண்பட்டு விலகியவர்கள். சுகேந்து சேகர் ராய் ஜூன் 8 அன்று ராஜினாமா செய்தார். அவர் ஊழல், பெண்கள் மீதான வன்முறை உள்ளிட்ட குற்றச்சாட்டுகளை முன்வைத்து தலைமைக்கு எதிர்ப்பு தெரிவித்தார். சுஷ்மிதா தேவ் ஜூன் 10 அன்று ராஜினாமா செய்தார். அசாம் முதலமைச்சர் ஹிமந்தா பிஸ்வா சர்மாவை சந்தித்த பின்னர் இந்த முடிவை எடுத்ததாகக் கூறப்படுகிறது. பிரகாஷ் சிக் பராய்க் ஜூன் 11 அன்று ராஜினாமா செய்தார். அவர் மக்கள் தீர்ப்பு பாஜகவுக்கு சாதகமாக இருந்ததால் தொடர முடியாது என்று கூறினார். இந்த மூவரும் TMCவிலிருந்து விலகி பாஜகவுக்கு ஆதரவு அளித்தனர். 

இதையும் படிங்க: மம்தா பானர்ஜி நீக்கம்: திரிணாமூல் காங்கிரஸின் புதிய தலைவராக அரூப் ராய் நியமனம்!

இந்த ராஜினாமாக்களால் மேற்கு வங்காளத்தின் ராஜ்ய சபா இடங்கள் காலியாகின. மாநில சட்டமன்ற உறுப்பினர்களின் வாக்குகளின் அடிப்படையில் ராஜ்ய சபா உறுப்பினர்கள் தேர்ந்தெடுக்கப்படுவார்கள். தற்போது பாஜக சட்டமன்றத்தில் பெரும்பான்மை பெற்றுள்ளதால், இந்த மூன்று இடங்களையும் பாஜக எளிதில் கைப்பற்றும் என எதிர்பார்க்கப்படுகிறது. இதன் மூலம் தேசிய ஜனநாயக கூட்டணி மாநிலங்களவையில் தனது பலத்தை மேலும் அதிகரிக்கும். தேர்தல் முடிவுகள் அதே நாள் மாலையில் அறிவிக்கப்படும்

இதையும் படிங்க: பவானிபூர் தேர்தல் முடிவை எதிர்த்து நீதிமன்றத்தில் மமதா பானர்ஜி வழக்கு: கொல்கத்தாவில் பரபரப்பு!