ஜம்மு காஷ்மீரில் ஒரு பெரிய அதிரடி முடிவு எடுக்கப்பட்டிருக்கு! 25 புத்தகங்களை வெளியிடவோ, விநியோகிக்கவோ தடை விதிச்சு, ஜம்மு காஷ்மீர் அரசு ஒரு உத்தரவு போட்டிருக்கு. இந்த புத்தகங்கள் பிரிவினைவாதத்தை தூண்டுற மாதிரியும், இந்தியாவோட இறையாண்மைக்கு ஆபத்து விளைவிக்கிற மாதிரியும் இருக்குனு சொல்லி, பாரதிய நியாய சன்ஹிதா 2023 பிரிவு 98-ன்கீழ் இவை பறிமுதல் செய்யப்பட்டிருக்கு. 

இதுல பிரபல எழுத்தாளர் அருந்ததி ராயோட ‘ஆசாதி’, அரசியல் ஆய்வாளர் சுமந்திர போஸோட ‘காஷ்மீர் அட் தி க்ராஸ்ரோட்ஸ்’ மாதிரியான புத்தகங்களும் தடை பட்டியலில் இருக்கு. இந்த முடிவு இப்போ பெரிய சர்ச்சையை கிளப்பியிருக்கு. 

ஜம்மு காஷ்மீர் உள்துறை, துணைநிலை ஆளுநர் மனோஜ் சின்ஹா தலைமையில் ஆகஸ்ட் 5, 2025-ல ஒரு உத்தரவு போட்டிருக்கு. இந்த உத்தரவுல, இந்த 25 புத்தகங்கள் ஜம்மு காஷ்மீர் பற்றி “தவறான கதைகளை” பரப்புது, இளைஞர்களை வன்முறை, பயங்கரவாதத்துக்கு தூண்டுதுனு குற்றம் சாட்டியிருக்காங்க. இந்த புத்தகங்கள், பாரதிய நியாய சன்ஹிதா பிரிவு 152, 196, 197-ன்கீழ் வருதுனு சொல்லியிருக்காங்க. 

இதையும் படிங்க: ஒரே நாளில் ரெண்டு விஷயம்!! அத்வானி சாதனையை முறியடித்த அமித் ஷா!!

இந்த பிரிவுகள், இந்தியாவோட ஒருமைப்பாட்டுக்கு எதிரான செயல்கள், மதம்-ஜாதி அடிப்படையில் பிரிவினையை தூண்டுதல், தேச ஒருமைப்பாட்டுக்கு எதிரான பரப்புரைகளை கையாளுது. இதனால, இந்த புத்தகங்களோட எல்லா பிரதிகள், ஆவணங்கள், தொடர்புடைய பொருட்களை பறிமுதல் செய்ய அரசு உத்தரவு போட்டிருக்கு.

எந்தெந்த புத்தகங்கள் இந்த தடை பட்டியலில் இருக்கு? அருந்ததி ராயோட ‘ஆசாதி’, சுமந்திர போஸோட ‘காஷ்மீர் அட் தி க்ராஸ்ரோட்ஸ்’ மற்றும் ‘கான்டெஸ்டட் லேண்ட்ஸ்’, பிரபல இந்திய சட்ட அறிஞர் ஏ.ஜி. நூரானியோட ‘தி காஷ்மீர் டிஸ்ப்யூட் 1947-2012’, பிரிட்டிஷ் வரலாற்றாசிரியர் விக்டோரியா ஸ்கோஃபீல்டோட ‘காஷ்மீர் இன் கான்ஃபிளிக்ட்’, ஆஸ்திரேலிய ஆய்வாளர் கிறிஸ்டோஃபர் ஸ்னெடனோட ‘இன்டிபென்டன்ட் காஷ்மீர்’, பத்திரிகையாளர் அனுராதா பாசினோட ‘எ டிஸ்மேன்ட்டில்டு ஸ்டேட்’ மாதிரியான புத்தகங்கள் இதில் அடங்குது. 

இவை எல்லாமே காஷ்மீர் பிரச்சனையை வரலாற்று, அரசியல், சமூக கோணத்தில் ஆராய்ந்த புத்தகங்கள். ஆனா, இவை இளைஞர்களை “பிரிவினைவாதத்துக்கு தூண்டுது, பயங்கரவாதிகளை புகழுது, பாதுகாப்பு படைகளை இழிவு பண்ணுது”னு அரசு குற்றம் சாட்டுது.

இந்த தடை உத்தரவு, ஆர்ட்டிக்கிள் 370 நீக்கப்பட்டதோட ஆறாவது ஆண்டு நினைவு நாளான ஆகஸ்ட் 5-ல வந்திருக்கு. இந்த நேரத்துல, ஜம்மு காஷ்மீரில் ஒரு இலக்கிய திருவிழாவும் நடந்துக்கிட்டு இருக்கு, இது ஒரு முரண்பாடா பார்க்கப்படுது. இந்த புத்தகங்கள், உலகளவில் பல பல்கலைக்கழக பாடத்திட்டங்களில் இருக்கு, ஆனா இப்போ ஜம்மு காஷ்மீரில் இவற்றை வெளியிடவோ, விற்கவோ முடியாது. இந்த தடை, காஷ்மீரில் கருத்து சுதந்திரத்துக்கு எதிரான ஒரு நடவடிக்கையா விமர்சிக்கப்படுது. ஆனா, உள்துறை சொல்றது, “இந்த புத்தகங்கள் இளைஞர்களை தவறாக வழிநடத்தி, வன்முறைக்கு தூண்டுது”னு.

இந்தியாவோட பொருளாதார, பாதுகாப்பு நலன்களை பொறுத்தவரை, இந்த தடை ஒரு உள்நாட்டு முடிவு மட்டுமே. ஆனா, இது காஷ்மீரில் அரசியல், சமூக பதற்றத்தை அதிகரிக்கலாம். இந்த புத்தகங்களை தடை செய்யுறது, காஷ்மீர் பற்றிய விவாதங்களை முடக்குற முயற்சியா பார்க்கப்படுது.

இதையும் படிங்க: 5வது நாளாக தொடரும் ஆபரேஷன் அகல்!! ஜம்மு காஷ்மீரில் சல்லடை போடும் ராணுவம்..!