அதிமுக பொதுச்செயலாளர் எடப்பாடி பழனிசாமி, பட்டினப்பாக்கத்தில் புதிய தலைமைச் செயலகம் அமைக்கும் திட்டம் குறித்து கடும் கண்டனம் தெரிவித்துள்ளார். அவர் தனது அறிக்கையில், தேர்ந்தெடுக்கப்பட்ட இடம் மிகவும் நெருக்கடியான பகுதி என்பதை சுட்டிக்காட்டியுள்ளார். புதிய தலைமைச் செயலகம் கட்டுவதற்காக தேர்வு செய்யப்பட்டுள்ள பட்டினப்பாக்கம் கடற்கரையை ஒட்டிய சாந்தோம் சாலை பகுதி, காலம் காலமாக மீனவர்கள் வசித்து வரும் இடமாகும். இங்கு பொதுமக்களின் குடியிருப்புகளும், பள்ளிகளும் அமைந்துள்ளன.

மேலும் வாகனப் போக்குவரத்து நெரிசல் அதிகமாக இருக்கும் இடமாகவும் இது திகழ்கிறது. இத்தகைய நெருக்கடியான பகுதியில் புதிய தலைமைச் செயலகம் அமைப்பது சரியானதல்ல என்பது அவரது கருத்தாகும். இடநெருக்கடி மற்றும் வாகனப் போக்குவரத்து நெரிசல் இல்லாத இடத்தில் புதிய தலைமைச் செயலகம் அமைக்கப்பட வேண்டும் என்று அனைத்திந்திய அண்ணா திராவிட முன்னேற்றக் கழகம் ஆட்சியில் இருந்த காலங்களில் எம்.ஜி.ஆர். ஜெயலலிதா ஆகியோரும் பல்வேறு முயற்சிகளை மேற்கொண்டனர் என்பதை எடப்பாடி பழனிசாமி நினைவுபடுத்தியுள்ளார்.

தற்போதைய சூழலில் விவசாயிகள் பிரச்சனைகளும், பொதுமக்களின் சமூக நலப் பிரச்சனைகளும் தொடர்ந்து இருப்பதாக அவர் சுட்டிக்காட்டியுள்ளார். கடுமையான நிதி நெருக்கடியிலும், கடன் சுமையிலும் சிக்கித் தவிக்கும் நிலையில், கடன் வாங்கி ரூ.1,200 கோடி செலவு செய்து பட்டினப்பாக்கத்தில் புதிய தலைமைச் செயலகம் கட்டுவது தற்போது அவசியமற்றது என்று அவர் தெரிவித்துள்ளார்.

இதையும் படிங்க: குதிரை பேரம்... அரசியல் அநாகரிகத்தை எப்படி ஏற்க முடியும்.? ஆர். பி. உதயகுமார் கேள்வி.!!

புதிய தலைமைச் செயலகம் கட்டவேண்டாம் என்று அதிமுக கூறவில்லை என்பதையும் அவர் தெளிவுபடுத்தியுள்ளார். தமிழகத்தின் நிதிநிலை சீரான பின்பு, போக்குவரத்து நெரிசலற்ற மற்றும் மக்களுக்கு பாதிப்பு ஏற்படாத இடத்தில் புதிய தலைமைச் செயலகம் கட்ட உத்தேசிக்கலாம். ஆனால் தற்போதைய நிலையில் இத்திட்டம் தேவையற்றது. எனவே இத்திட்டத்தைக் கைவிட வேண்டும் என்று முதல்வர் ஜோசப் விஜயை அவர் வலியுறுத்தியுள்ளார்.

இதையும் படிங்க: மனைவிக்கு தெரியாமல் செய்த விபரீதம்... அதிமுக முன்னாள் எம்.பி.க்கு 2 ஆண்டுகள் சிறை தண்டனை... திருவள்ளூர் நீதிமன்றம் அதிரடி...!