விருதுநகரில் களமிறங்கும் விஜய பிரபாகரன்… கோயிலில் வழிபட்டு பிரச்சாரம்… உற்சாக வரவேற்பு..!!

தேசிய முற்போக்கு திராவிடக் கழகத்தின் நிறுவனர் விஜயகாந்தின் மகனான விஜய பிரபாகரன், தமிழக அரசியலில் இளம் தலைமுறையின் முக்கிய பிரமுகராக உருவெடுத்து வருகிறார். அவர் தே.மு.தி.கவின் மாநில இளைஞரணிச் செயலாளராகப் பொறுப்பு வகித்து வரும் நிலையில், 2026 சட்டமன்றத் தேர்தலில் விருதுநகர் சட்டமன்றத் தொகுதியில் தே.மு.தி.க சார்பில் போட்டியிடுகிறார். திமுக தலைமையிலான கூட்டணியில் இடம் பெற்றுள்ள தே.மு.தி.கவுக்கு இந்தத் தொகுதி ஒதுக்கப்பட்டுள்ளது.

இதன் மூலம், விஜயகாந்தின் குடும்பத்துடன் நெருக்கமான தொடர்புடைய விருதுநகர் மாவட்டத்தில் மீண்டும் ஒரு முக்கியமான அரசியல் அடியெடுத்து வைக்கும் முயற்சியாக இது பார்க்கப்படுகிறது. விருதுநகர் தொகுதி, விஜயகாந்தின் பிறப்பிடமான ராமானுஜபுரம் அருகில் அமைந்துள்ளதால், தே.மு.தி.கவுக்கு பாரம்பரிய பலம் கொண்ட இடமாகக் கருதப்படுகிறது. விஜய பிரபாகரன் இங்கு போட்டியிடுவது குறித்து கட்சியின் பொதுச் செயலாளர் பிரேமலதா விஜயகாந்த் பல முறை பேசியுள்ளார்.

முன்பே விருதுநகர் மாவட்டத்தில் ஏதேனும் ஒரு தொகுதியில் அவர் களமிறங்குவார் என்று அறிவித்திருந்தார். சட்டமன்றத் தேர்தலுக்கான தே.மு.தி.க வேட்பாளர் பட்டியலில் விருதுநகர் தொகுதிக்கு அவரது பெயர் இடம்பெற்றுள்ளது. இந்தத் தொகுதியின் தற்போதைய எம்.எல்.ஏ திமுகவைச் சேர்ந்தவர் என்றாலும், கூட்டணி ஒதுக்கீட்டின் படி தே.மு.தி.க இங்கு போட்டியிடுகிறது. கடந்த தேர்தல்களில் விஜய பிரபாகரனின் அனுபவம் முக்கியமாக 2024 நாடாளுமன்றத் தேர்தலில் விருதுநகர் மக்களவைத் தொகுதியில் தே.மு.தி.க சார்பில் (அ.தி.மு.க கூட்டணியில்) போட்டியிட்டதாகும். அப்போது அவர் காங்கிரஸ் வேட்பாளரான மாணிக்கம் தாகூரை எதிர்த்து கடுமையான போட்டியை நடத்தினார்.

இதையும் படிங்க: விருகம்பாக்கம், ரிஷிவந்தியம் தொகுதிகள்.. தேமுதிகவுக்கு NO சொன்ன திமுக..!! அப்செட்டில் பிரேமலதா..!!

வாக்கு எண்ணிக்கையின் போது பல சுற்றுகளில் முன்னிலை வகித்த விஜய பிரபாகரன், இறுதியில் 4,379 வாக்குகள் வித்தியாசத்தில் தோல்வியடைந்தார். இந்த முறை சட்டமன்ற தேர்தலில் விருதுநகர் தொகுதியில் விஜய பிரபாகரன் களம் காண்கிறார். அவர் தனது பரப்புரையை தொடங்கினார். விருதுநகர் தொகுதி தேமுதிக வேட்பாளர் விஜய பிரபாகரனுக்கு அக்கட்சி நிர்வாகிகள் உற்சாக வரவேற்பு அளித்துள்ளனர். முன்னதாக விருதுநகர் மாரியம்மன் கோயில் மற்றும் வெயிலுகந்த அம்மன் கோயில்களில் வழிபாடு நடத்தினார். தொடர்ந்து பிரச்சார வாகனத்தில் சென்று மக்களிடம் வாக்கு சேகரித்தார். 

இதையும் படிங்க: தேமுதிகவுக்கு எந்தெந்த தொகுதிகள்..? பிரேமலதா தலைமையில் மா.செ. கூட்டம் தொடக்கம்..!!