திமுகவுடன் கூட்டணி வைத்துக்கொண்டே காங்கிரஸ் செய்த கழுத்தறுப்பு செயல்பாடுகள் ராகுல் காந்தியின் ஆசீர்வாதத்துடன் நடைபெற்றவை என திமுக மீண்டும் கடும் விமர்சனம் செய்துள்ளது. திமுகவின் அதிகாரப்பூர்வ நாளிதழான ‘முரசொலி’யில் நேற்று வெளியான கட்டுரையில் இந்த குற்றச்சாட்டு முன்வைக்கப்பட்டுள்ளது.

கட்டுரையில், “கடந்த 8ம் தேதி நடைபெற்ற இண்டி கூட்டணி கூட்டத்தில் ராகுல் பேசியதை 11ம் தேதி அவர் வெளியிட்டுள்ளார். இண்டி கூட்டணியில் உள்ள பல கட்சிகள் காங்கிரஸ் மீது குற்றச்சாட்டுகளை முன்வைத்துள்ளன. ஒவ்வொரு மாநிலத்திலும் இண்டி கூட்டணியின் ஒற்றுமையைக் கெடுத்தவர் ராகுல் தான். திமுகவுடன் கூட்டணி வைத்துக்கொண்டே காங்கிரஸ் செய்த துரோகங்களுக்கு ராகுல் ஆசீர்வாதம் உண்டு” எனக் குறிப்பிடப்பட்டுள்ளது.

இதற்கு உடனடி பதிலடி கொடுத்துள்ள தமிழக காங்கிரஸ் துணைத் தலைவர் விஜயன், “ராகுல் காந்தியை தொடர்ந்து கொச்சைப்படுத்தி, தரம் தாழ்த்தி எழுதுவது திமுகவின் ஆணவத்தையும் அகங்காரத்தையும் பறைசாற்றுகிறது. இரண்டு எம்எல்ஏக்கள் மட்டுமே உள்ள கட்சிக்கு அமைச்சர் பதவி கொடுத்தது முதல்வர் விஜயின் பெருந்தன்மையை காட்டுகிறது. அதனால்தான் திமுகவுடன் இருந்த பல கட்சிகள் இப்போது தவெகவுடன் கூட்டணி அமைத்துள்ளன” என அறிக்கை வெளியிட்டுள்ளார்.

இதையும் படிங்க: அல்வா மாதிரி வந்த வாய்ப்பு வீண்! ராஜ்யசபா சீட் அம்போ! காங்., உட்கட்சி பூசலால் ராகுல்காந்தி அப்செட்!

இரு கட்சிகளுக்கும் இடையேயான இந்த வார்த்தைப் போர் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. சட்டசபை தேர்தலுக்குப் பின் திமுக - காங்கிரஸ் உறவில் விரிசல் ஏற்பட்டுள்ள நிலையில், இண்டி கூட்டணியின் எதிர்காலம் குறித்தும் கேள்விகள் எழுந்துள்ளன. 

திமுக தரப்பில் காங்கிரஸ் மீது தொடர்ந்து விமர்சனங்கள் வைக்கப்படும் என எதிர்பார்க்கப்படுகிறது. அதேசமயம் காங்கிரஸும் தனது நிலைப்பாட்டை உறுதியாக முன்வைக்கும் என தெரிகிறது. இரு தரப்பு தாக்குதல்களும் வரும் நாட்களில் தீவிரமடையும் என அரசியல் பார்வையாளர்கள் கருதுகின்றனர்.

இந்த மோதல் தமிழக அரசியலில் புதிய சமன்பாடுகளை உருவாக்குமா அல்லது கூட்டணி அரசியலை பலவீனப்படுத்துமா என்பதை பொறுத்திருந்து பார்க்க வேண்டும். தற்போதைய சூழலில் இரு கட்சிகளும் தங்கள் அடுத்தகட்ட அரசியல் நகர்வுகளை தீவிரமாக திட்டமிட்டு வருவதாக தகவல்கள் வெளியாகியுள்ளன.

இதையும் படிங்க: அடுத்த வருஷம் 7 மாநிலங்களில் தேர்தல்! அசூர பலத்தில் பாஜக! என்ன செய்யப்போகிறார் ராகுல்காந்தி!