ஜெம் வீரமணி வழக்கைக் குறிப்பிட்டு தமிழக வெற்றிக் கழகம் கடும் கண்டனம் தெரிவிக்கப்பட்டுள்ளது. நாடே அதிர்ந்த அந்தக் கொடூர வழக்கில் கடந்த திமுக ஆட்சியில் முறையான விசாரணையே நடைபெறாமல் இறுதி அறிக்கை தாக்கல் செய்யப்பட்டதாக எழுந்துள்ள கேள்விகளுக்கு இன்றுவரை தெளிவான பதில் கிடைக்கவில்லை என்று கழகம் சுட்டிக்காட்டியுள்ளது.

இந்த வழக்கில் உண்மை வெளிவர வேண்டும் என்பதே அனைவரின் எதிர்பார்ப்பு. ஆனால் அதற்குப் பதிலாக விசாரணை முடக்கப்பட்டது போன்ற சூழல் உருவானது குறித்து தமிழக வெற்றிக் கழகம் கேள்வி எழுப்பியுள்ளது. யாரைக் காப்பாற்ற இந்த மௌனம் தொடர்கிறது என்றும், உங்கள் ஆட்சியில் ஏன் இந்த விசாரணை முடக்கப்பட்டது என்றும் கேள்விகளை முன்வைத்துள்ளது.

தொடர்பு இல்லை என்று சொல்வதானால் அதை வெளிப்படையாக அறிவிக்க வேண்டியதுதானே என்றும் கழகம் கேட்டிருக்கிறது.ஜெம் வீரமணி வழக்கு தொடர்பாக பொதுமக்களிடையே ஏற்பட்டுள்ள அதிருப்தியைப் பற்றி பேசிய தமிழக வெற்றிக் கழகம், நீதி கிடைக்க வேண்டும் என்பதே அடிப்படை எதிர்பார்ப்பு என்று வலியுறுத்தியுள்ளது.

இதையும் படிங்க: அரசியல், அதிகாரம், பணம்..! ஜெம் வீரமணி வலைப்பின்னல் என்ன.? சீமான் சரமாரி கேள்வி..!!

ஆட்சியில் இருந்தபோது விசாரணை முழுமையாக நடத்தப்படாமல் போனது குறித்து இன்னும் தெளிவு ஏற்படவில்லை என்பதைச் சுட்டிக்காட்டிய கழகம், இதுபோன்ற முக்கிய வழக்குகளில் மக்கள் நம்பிக்கையைப் பாதுகாக்க வேண்டிய பொறுப்பு ஆட்சியாளர்களுக்கு உண்டு என்று தெரிவித்துள்ளது.வாயைத் திறக்க வேண்டும் என்ற அழைப்புடன் தமிழக வெற்றிக் கழகம் இந்த அறிக்கையை வெளியிட்டுள்ளது. முக்கிய வழக்குகளில் வெளிப்படைத்தன்மை இல்லாதது மக்களிடையே சந்தேகங்களை மேலும் அதிகரிக்கும் என்றும், உண்மை வெளிவர வேண்டும் என்பதில் எவ்வித சமரசமும் இருக்கக் கூடாது என்றும் கழகம் வலியுறுத்தியுள்ளது.

இதையும் படிங்க: ஜெம் வீரமணி வழக்கை சிபிஐ விசாரிக்க வேண்டும்: பாஜக மூத்த தலைவர் எச்.ராஜா ஆவேசம்!