தூத்துக்குடி விமான நிலையத்தில் திமுக எம்பி கனிமொழி பத்திரிகையாளர் சந்திப்பில் பேசியபோது, தவெக ஆட்சி குறித்து பல்வேறு குற்றச்சாட்டுகளை முன்வைத்தார்.
தவெக ஆட்சி பொறுப்பேற்ற பிறகு தமிழ்நாடு முழுவதும் கிட்டத்தட்ட 50 கைதிகளுக்கு மேல் சிறைகளில் இருந்து தப்பித்து ஓடியுள்ளனர் என்று பத்திரிகைச் செய்திகள் தெரிவிக்கின்றன. ஒரே நாளில் 17 கைதிகள் தப்பித்துச் செல்லக்கூடிய அவலமான சூழ்நிலை இன்று தமிழ்நாட்டில் உள்ளது என அவர் குறிப்பிட்டார்.
காவல்துறையில் நடக்கக்கூடிய தவறுகளைச் சுட்டிக்காட்டும்போது ஏதோ ஆளுங்கட்சியின் வாய் பேசியாக, அவர்களுக்குக் குரல் கொடுப்பவர்களாக, அரசியல் தலைவர்களுக்குப் பதில் சொல்லக்கூடிய தலைவர்களாக மாறியிருப்பது மிகவும் வருந்தத்தக்கது என்றார். காவல்துறை அவர்களுடைய பணிகளைச் செய்ய வேண்டும். ஆளும் கட்சியினுடைய ஐடி விங்க் போன்று செயல்படக்கூடாது என வலியுறுத்தினார்.
இதையும் படிங்க: கைதிகள் தப்பியோட்டம்..! என்ன சால்ஜாப்பு சொல்ல போறீங்க.? கனிமொழி எம்பி கண்டனம்.!
தவெக ஆட்சிக்கு வந்த பிறகு எல்லாப் பொருட்களின் விலைவாசியும் உயர்ந்து கொண்டே இருக்கிறது. தொடர்ந்து இதைத்தான் எதிர்க்கட்சிகள் சொல்லிக் கொண்டிருக்கிறோம். திமுக சார்பில் தலைவர் அவர்கள் மகளிர் அணியின் சார்பில் எல்லா மாவட்டத் தலைநகரங்களிலும் அக்டோபர் 31ஆம் தேதி சட்டம் ஒழுங்கு குறித்தும், விலைவாசி ஏற்றத்தைக் குறித்தும் ஆர்ப்பாட்டத்தை அறிவித்துள்ளார் எனத் தெரிவித்தார்.
எல்லா விலையும் ஏறிக் கொண்டிருக்கும்போது அரசின் நேரடிக் கட்டுப்பாட்டில் இருக்கக்கூடிய ஆவின் பொருட்கள் விலையையாவது அவர்கள் கட்டுப்பாட்டில் வைத்திருக்கலாம். அதையும் செய்யவில்லை. இந்த ஆட்சிக்கு நேரடியாகக் கட்டுப்பாட்டில் இருக்கக்கூடிய எதுவுமே இந்த அரசாங்கத்தின் கட்டுப்பாட்டில் இல்லை எனக் கனிமொழி கூறினார்.
அரசு நேரடியாகக் கட்டுப்படுத்தக்கூடிய ஆவின் பொருட்களின் விலையைக் கூட கட்டுப்படுத்தாத நிலையில், பொதுமக்கள் விலைவாசி உயர்வால் பாதிக்கப்படுவதாக அவர் சுட்டிக்காட்டினார். சிறைத் தப்பிப்புகள், காவல்துறை செயல்பாடுகள் மற்றும் பொருளாதாரச் சிக்கல்கள் குறித்து தொடர்ந்து கேள்வி எழுப்பப்படும் எனவும் அவர் குறிப்பிட்டார்.
இதையும் படிங்க: ரீல்ஸ் அதிரடி படை..! ஓட்டு போட்ட பெண்களுக்கு பரிசா.? தவெக அரசை கிழித்து தொங்கவிட்ட கனிமொழி..!!