காங்கிரஸ் கட்சியின் தேசியத் தலைவர் மல்லிகார்ஜுன் கார்கே, மகாத்மா காந்தி தேசிய ஊரக வேலைவாய்ப்பு உறுதித் திட்டம் (எம்.ஜி.என்.ஆர்.இ.ஜி.ஏ) ரத்து செய்யப்பட்டதற்கு எதிராக நாடு தழுவிய மக்கள் இயக்கம் தேவை என்று வலியுறுத்தியுள்ளார். காங்கிரஸ் கட்சியின் செயற்குழு கூட்டம் டெல்லியில் நடைபெற்றது. இந்தக் கூட்டத்தில் ராகுல் காந்தி, சோனியா காந்தி உள்ளிட்ட முக்கியத் தலைவர்கள் கலந்துகொண்டனர்.

கூட்டத்தில் பேசிய கார்கே, யு.பி.ஏ. அரசு கொண்டுவந்த எம்.ஜி.என்.ஆர்.இ.ஜி.ஏ. திட்டம் உலக நாடுகளால் பாராட்டப்பட்டது என்று கூறினார். இந்தத் திட்டத்தின் தாக்கத்தால் மகாத்மா காந்தியின் பெயர் சூட்டப்பட்டது என்றும் அவர் நினைவுகூர்ந்தார்.

மோடி அரசு எந்த ஆய்வும் இல்லாமல், மாநிலங்களுடனோ அரசியல் கட்சிகளுடனோ ஆலோசனை செய்யாமல் இந்தச் சட்டத்தை ரத்து செய்துவிட்டது என்று கடுமையாக விமர்சித்தார். இது மூன்று வேளாண் சட்டங்களைப் போன்ற செயல் என்றும் ஒப்பிட்டார்.

இதையும் படிங்க: விஜய்க்காக என் ரத்தம் சிந்துவேன்! மேடையிலேயே கண் கலங்கிய செங்கோட்டையன்! 

இந்த ரத்துக்கு எதிராக நாடு முழுவதும் போராட்டம் நடத்த வேண்டும் என்று கார்கே அழைப்பு விடுத்தார். 2015இல் நிலம் கையப்படுத்தல் சட்டத்துக்கு எதிராக நடத்திய போராட்டம் போன்று இப்போதும் இயக்கம் தேவை என்று கூறினார். எம்.ஜி.என்.ஆர்.இ.ஜி.ஏ. திட்டத்தைப் பாதுகாக்க உறுதியான திட்டங்கள் வகுக்க வேண்டும், நாடு தழுவிய மக்கள் பிரசாரத்தைத் தொடங்க வேண்டும் என்று கட்சியினருக்கு அறிவுறுத்தினார்.

மேலும், வாக்காளர் பட்டியல் சிறப்பு தீவிர திருத்தம் ஜனநாயக உரிமைகளை கட்டுப்படுத்தும் சதி என்று கார்கே குற்றம்சாட்டினார். ஜனநாயகம், அரசியலமைப்பு, மக்கள் உரிமைகள் கடும் அச்சுறுத்தலுக்கு உள்ளாகியுள்ள நிலையில் இந்தக் கூட்டம் நடைபெற்றது என்று கூறினார்.

வங்கதேசத்தில் ஹிந்து சிறுபான்மையினர் தாக்கப்படுவதற்கு கண்டனம் தெரிவித்த கார்கே, இது நாட்டையே கவலையில் ஆழ்த்தியுள்ளது என்றார். கிறிஸ்துமஸ் அன்று நடந்த தாக்குதல்கள் சமூக நல்லிணக்கத்தை குலைத்து, உலக அளவில் இந்தியாவின் நற்பெயருக்கு கலங்கம் ஏற்படுத்தியுள்ளது என்றும் விமர்சித்தார்.

காங்கிரஸ் கட்சி இந்தப் பிரச்னைகளுக்கு எதிராக தொடர்ந்து போராடும் என்று கார்கே உறுதி அளித்தார். இந்தக் கூட்டம் காங்கிரஸின் எதிர்க்கட்சி உத்திகளை வலுப்படுத்தும் வகையில் அமைந்துள்ளது.

இதையும் படிங்க: 'NEW YEAR' கொண்டாட்டம்..!! களத்தில் இறங்கிய போலீஸ்..!! டெல்லியில் 285 பேர் அதிரடி கைது..!!