தமிழக அரசியலின் புதிய அலை என்று அழைக்கப்படும் நடிகர் விஜய், தனது தமிழக வெற்றிக் கழகம் மூலம் 2026 சட்டமன்றத் தேர்தலுக்கான சுற்றுப்பயணத்தைத் தொடங்கியுள்ளார். செப்டம்பர் 13 அன்று திருச்சியில் தொடங்கிய இந்தப் பயணம், மாநிலம் முழுவதும் பரவும் ஒரு பெரிய அரசியல் இயக்கமாக மாறியுள்ளது. நான் வருகிறேன் என்ற மக்கள் நோக்குடன் வெளியிட்ட இந்தச் சுற்றுப்பயணத்தில், விஜய் தனது பேச்சுகளில் அரசியலின் பழைய முறைகளைத் துறந்து, மக்களின் அடிப்படைப் பிரச்சினைகளை மையமாகக் கொண்டு பேசி வருகிறார். இது அவரது ரசிகர்களையும், இளைஞர்களையும், பெண்களையும் கவர்ந்துள்ளது.

அதேசமயம் ஆளும் திமுக அரசையும், பாஜகவையும் கடுமையாக விமர்சித்து வருகிறது. திருச்சியில் நடந்த முதல் பொதுக்கூட்டத்தில், விஜய் தனது பேச்சைத் தொடங்கினார். அங்கு ஏற்கனவே 1956இல் அண்ணா திராவிட முன்னேற்றக் கழகத்தைத் தொடங்கிய சி.என். அண்ணாதுரை, 1977இல் அதிமுகவின் முதல் மாநாட்டை நடத்திய எம்.ஜி.ஆர். ஆகியோரின் பாரம்பரியத்தை நினைவுகூர்ந்தார். திருச்சி சமாதானத்தின் நகரம், கல்வியின் மையம். இங்கு இருந்து தொடங்குவது பொருத்தமானது என்று அவர் கூறினார். திமுக அரசு தனது வாக்குறுதிகளை நிறைவேற்றியதா., மக்களின் பிரச்சினைகளுக்கு தீர்வு கண்டதா., என்று அவர் கேட்டார். இந்தப் பேச்சு, அவரது சுற்றுப்பயணத்தின் திசையைத் தெளிவுபடுத்தியது.

தமிழகத்தின் சமூக நீதி, மதச்சார்பின்மை, சமத்துவம் ஆகியவற்றை அடிப்படையாகக் கொண்டு எல்லோருக்கும் எல்லாம் என்ற கொள்கையை அறிமுகப்படுத்தினார். நான் என் திரைப்பட வாழ்க்கையை உச்சத்தில் விட்டுவிட்டு அரசியலில் இறங்கியுள்ளேன்., இது உங்களுக்காக மட்டுமே என்று அவர் கூறினார். பெண்களின் பாதுகாப்பு, குழந்தைகள் மற்றும் முதியோர்களின் நலன் ஆகியவற்றை முதன்மையாக அவர் வலியுறுத்தினார். பெண்கள் பாதுகாப்பின்றி இருக்கும் தமிழகத்தில், நாங்கள் புதிய அத்தியாயத்தை எழுதுவோம் என்று அவர் உறுதியளித்தார்.

இதையும் படிங்க: கொள்கையே இல்லாத கூட்டம்.. லெப்ட் ரைட் வாங்கிய முதல்வர்..!

திமுகவை கடுமையாக விஜய் சாடி வரும் நிலையில், அவருக்கு அமைச்சர் எம் ஆர் கே பன்னீர்செல்வம் பதிலடி கொடுத்தார். கொரோனா காலத்தில் பல கட்சி தலைவர்கள் மக்களுக்கு உதவி செய்து கொண்டிருந்த நேரத்தில், தவெக தலைவர் எங்கே பதுங்கியிருந்தார் என்று கேள்வி எழுப்பினார். நாங்கள் நடிகர் வடிவேலை வைத்து கூட்டம் நடத்தியபோது கூட லட்சக்கணக்கான மக்கள் திரண்டார்களே தவிர, அது வாக்குகளாக மாறவில்லை என்றும் விமர்சித்தார்.

இதையும் படிங்க: கிருஷ்ணகிரிக்கு 5 மாஸ் அறிவிப்புகள்! எதிர்க் கட்சிகளுக்கு வைத்தெரிச்சல்... சூறையாடிய முதல்வர்