மதுரையில் இந்து முன்னணி சார்பில் நேற்று முருக பக்தர்கள் மாநாடு நடத்தப்பட்டது. இந்த மாநாட்டில் ஹிந்து மதத்தை முன்னிறுத்தி பேசினார்கள். மேலும் அறநிலையத்துறையை கடுமையாக விமர்சித்து இருந்தார்கள். அது மட்டுமல்லாது இந்த மாநாட்டில் பெரியார், அண்ணா குறித்த வீடியோ வெளியிடப்பட்டதற்கு கடும் எதிர்ப்பு எழுந்துள்ளது. இந்த மாநாட்டில் அதிமுக முன்னாள் அமைச்சர்களும் பங்கேற்று இருந்தனர். இதற்கு திமுகவினர் கடும் விமர்சனங்களை முன்வைத்து வருகின்றனர். 

இந்த நிலையில் புதுக்கோட்டையில் கனிமவளத் துறை அமைச்சர் ரகுபதி செய்தியாளர்களிடம் பேசினார். அப்போது மாநாட்டில் பங்கேற்று அதிமுகவினரை கடுமையாக விமர்சித்து இருந்தார். ஹிந்து முன்னணி நடத்திய மாநாட்டில் அதிமுக முன்னாள் அமைச்சர்கள் பங்கேற்றது வெட்கக்கேடானது என்றும் தமிழகத்தில் பாஜகவினருக்கு கிடைத்துள்ள அருமையான அடிமைகள் அதிமுகவினர் எனவும் விமர்சித்தார்.

இதையும் படிங்க: இதெல்லாம் நீங்க பேசலாமா? எடப்பாடி ஒரு டெல்லி அடிமை.. நார் நாராக கிழித்த ரகுபதி..!

பாஜகவின் கொத்தடிமைகளாக அதிமுகவினர் மாறி இருப்பதாகவும், திராவிடம் என்ற சொல் அதிமுக பெயரிலே இருப்பதை எடப்பாடி பழனிச்சாமி மறந்துவிட்டதாகவும் கூறினார்.

அண்ணா மற்றும் பெரியாரை பற்றி வீடியோ வெளிப்படும் போது அமைதியாக அதிமுகவினர் இருந்த நிலையில் அண்ணா என்ற பெயரை பயன்படுத்தும் தகுதியே அதிமுக இழந்துவிட்டதாக சாடினார். மேலும், ஹிந்துதுவாவினரையே முருகன் புகழ் பாட வைத்தது திராவிடத்தின் சாதனை என்றும் அமைச்சர் ரகுபதி தெரிவித்துள்ளார்.

இதையும் படிங்க: உறுதி! அறுதி! தாய் மீது சத்தியம் சொல்லி கமலாலயம் பக்கம் U-TURN அடிச்ச இபிஎஸ்! ரகுபதி விளாசல்