தமிழக சட்டசபை தேர்தல் முடிவுகள் வெளியாகியுள்ள நிலையில், சென்னை நகரில் வாக்கு வங்கி மாற்றங்கள் குறித்து புதிய விவாதங்கள் எழுந்துள்ளன. மொத்தம் 59 தொகுதிகளில் வெற்றி பெற்ற திராவிட முன்னேற்ற கழகம் (Dravida Munnetra Kazhagam0, தலைநகர் சென்னை பகுதியில் எதிர்பார்த்த அளவிற்கு வெற்றி பெறவில்லை. 16 தொகுதிகளில் 14 இடங்களை தமிழக வெற்றிக் கழகம் கைப்பற்றிய நிலையில், சில முக்கிய தொகுதிகளில் மட்டும் திமுக வெற்றி பெற்றது கவனத்தை ஈர்த்துள்ளது.

சென்னை கொளத்தூர் தொகுதியில் நான்காவது முறையாக போட்டியிட்ட  மு.க.ஸ்டாலின் (M. K. Stalin), 8,795 ஓட்டுகள் வித்தியாசத்தில் தோல்வி அடைந்தது முக்கிய அரசியல் செய்தியாக அமைந்தது. இதே நேரத்தில், சேப்பாக்கம்–திருவல்லிக்கேணி தொகுதியில் உதயநிதி ஸ்டாலின் (Udhayanidhi Stalin0 மற்றும் துறைமுகம் தொகுதியில் சேகர்பாபு (P. K. Sekarbabu) வெற்றி பெற்றனர்.

இந்த வெற்றிக்கு பின்னணி காரணங்களை ஆய்வு செய்த திமுகவினர், சென்னை வாக்கு வங்கியில் ஏற்பட்ட மாற்றங்களையே சுட்டிக்காட்டுகின்றனர். குறிப்பாக, கிறிஸ்துவர்கள் மற்றும் பட்டியலின மக்களின் ஓட்டுகளில் ஒரு பெரிய பகுதி தமிழக வெற்றிக் கழகத்திற்கு மாறியதாக அவர்கள் கூறுகின்றனர். இதன் தாக்கமாக, திமுக வலுவாக இருந்த பகுதிகளிலும் எதிர்பாராத தோல்விகள் ஏற்பட்டதாக அரசியல் வட்டாரங்கள் மதிப்பிடுகின்றன.

இதையும் படிங்க: திமுக அமைச்சர்களை வீழ்த்தியவர்களுக்கு அதே துறையில் மந்திரி பதவி! சிக்ஸர் அடித்து ஆடும் விஜய்!!

ஆனால், அதே சமயம் முஸ்லிம் வாக்காளர்கள் திமுகக்கு பெரும்பான்மையாக ஆதரவு அளித்ததாக கட்சியினர் விளக்குகின்றனர். இதன் காரணமாகவே முஸ்லிம் வாக்குகள் கணிசமாக உள்ள சேப்பாக்கம்–திருவல்லிக்கேணி மற்றும் துறைமுகம் போன்ற தொகுதிகளில் திமுக வெற்றி பெற முடிந்ததாக கூறப்படுகிறது.

இதே போன்று, ஆம்பூர், வந்தவாசி, விழுப்புரம், அரவக்குறிச்சி, நாகை, திருவாரூர், திருவையாறு, ராமநாதபுரம், கடையநல்லூர், தென்காசி மற்றும் பாளையங்கோட்டை உள்ளிட்ட பல பகுதிகளிலும் திமுகவின் வெற்றிக்கு முஸ்லிம் வாக்குகள் முக்கிய பங்கு வகித்ததாக கட்சியினர் தெரிவிக்கின்றனர்.

இந்த தேர்தல் முடிவுகள், தமிழக அரசியலில் வாக்கு வங்கி மாற்றங்கள் எவ்வாறு அரசியல் சமநிலையை மாற்றுகின்றன என்பதற்கு ஒரு எடுத்துக்காட்டாக பார்க்கப்படுகிறது. எதிர்காலத்தில் இந்த மாற்றங்கள் எந்த திசையில் நகரும் என்பது அரசியல் கட்சிகளுக்கு புதிய சவாலாக மாறியுள்ளது.

இதையும் படிங்க: தவெக ஆதரவு நிலைப்பாடு! கொந்தளிக்கும் திமுக! காங்., மீது சரமாரி தாக்கு! கிழி! கிழி!!