இந்திய தலைமை தேர்தல் ஆணையர் ஞானேஷ் குமாருக்கு எதிராக எதிர்க்கட்சிகள் பாராளுமன்றத்தில் பதவி நீக்க தீர்மானம் (இம்பீச்மென்ட் மோஷன்) கொண்டு வர திட்டமிட்டுள்ளனர். இது இந்திய வரலாற்றில் முதல் முறையாக இருக்கும் என்று எதிர்பார்க்கப்படுகிறது. 

தமிழகம், கேரளா, மேற்கு வங்கம் உள்ளிட்ட 5 மாநிலங்களில் தேர்தல் பணிகளை தீவிரமாக கண்காணித்து வரும் ஞானேஷ் குமார், பீகார் தொடங்கி நாடு முழுவதும் சிறப்பு தீவிர திருத்தம் (Special Intensive Revision - SIR) பணிகளை முடுக்கிவிட்டுள்ளார்.

மேற்கு வங்கத்தில் போலி வாக்காளர்களை நீக்கும் SIR பணியை எதிர்த்து ஆளும் திரிணாமுல் காங்கிரஸ் (டிஎம்சி) போராட்டம் தீவிரமடைந்துள்ளது. முதல்வர் மம்தா பானர்ஜி நேரடியாக களத்தில் இறங்கி தர்ணா, போராட்டங்களில் ஈடுபட்டுள்ளார். 

இதையும் படிங்க: தகுதி உள்ள வாக்காளர்களின் பெயர்கள் நீக்கப்படாது! தலைமைத் தேர்தல் ஆணையர் ஞானேஷ் குமார் பிராமிஸ்!!

எஸ்ஐஆர் தொடர்பான வழக்கில் சுப்ரீம் கோர்ட்டில் நேரில் ஆஜராகி வாதாடியுள்ளார். கொல்கத்தாவில் தேர்தல் ஆணையத்துக்கு எதிரான தர்ணாவிலும் பங்கேற்றுள்ளார். SIR-ஐ "AI உதவியுடன் நடக்கும் பெரும் மோசடி" என்று மம்தா குற்றம்சாட்டியுள்ளார்.

இந்நிலையில், ஞானேஷ் குமார் பாஜக மற்றும் அதன் கூட்டணி கட்சிகளுக்கு சாதகமாக செயல்படுவதாக காங்கிரஸ், டிஎம்சி உள்ளிட்ட எதிர்க்கட்சிகள் குற்றச்சாட்டியுள்ளன.

இதனால் இண்டி கூட்டணி தலைமையில் (காங்கிரஸ் முன்மொழிவுடன், டிஎம்சி முன்னிலை வகிக்க) லோக்சபாவில் பதவி நீக்க தீர்மானம் கொண்டு வர திட்டமிடப்பட்டுள்ளது. திரிணாமுல் காங்கிரஸ் இதற்கு முன்னணியில் உள்ளது. ஓம் பிர்லா தீர்மானத்துக்கு ஆதரவு அளித்ததற்கு பதிலாக டிஎம்சி இந்த முயற்சியை முன்னெடுத்துள்ளது.

நடப்பு பட்ஜெட் கூட்டத்தொடரின் இரண்டாம் அமர்வில் இத்தீர்மானத்தை கொண்டு வருவதற்கான பணிகள் நிறைவடைந்துள்ளன. குறைந்தபட்சம் லோக்சபாவில் 100 எம்பிக்கள், ராஜ்யசபாவில் 50 எம்பிக்கள் கையெழுத்து தேவை.

எதிர்க்கட்சிகள் இதை சாத்தியமாக்க தீவிரமாக பணியாற்றி வருகின்றன. இது நிறைவேறினால் இந்திய வரலாற்றில் முதல் முறையாக ஒரு தலைமை தேர்தல் ஆணையர் பதவி நீக்கம் செய்யப்படும்.

இதற்கிடையே லோக்சபா சபாநாயகர் ஓம் பிர்லாவுக்கு எதிரான நம்பிக்கையில்லா தீர்மான விவாதம் நடைபெற்று வருகிறது. எதிர்க்கட்சிகள் அமளியில் ஈடுபட்டு விவாதத்தை தடுத்து வருகின்றன. என்டிஏ தலைவர்கள் எதிர்க்கட்சிகளின் இந்த செயலை "விசித்திரமானது" என்று விமர்சித்துள்ளனர். தேர்தல் ஆணையத்தின் நடுநிலை குறித்த விவாதம் தீவிரமடைந்துள்ளது.

இதையும் படிங்க: தமிழக சட்டசபை தேர்தல்! வேலையெல்லாம் எப்படி நடக்குது?! தலைமை தேர்தல் கமிஷ்னர் ஆலோசனை!