பெரம்பலூர் தொகுதியில் தி.மு.க.வின் அதிகார மையமாகக் கருதப்படும் முன்னாள் அமைச்சர் ஆ.ராஜா ‘ஆடியோ’ விவகாரத்தில் சிக்கி பெரும் மன உளைச்சலில் உள்ளார். இதனால் அவர் தற்போது வெளியூரில் தங்கியிருக்கிறார். இந்த நிலையில், தி.மு.க. வேட்பாளர் ஜெயலட்சுமியின் தேர்தல் பிரசாரப் பணிகள் வேகம் இழந்து நத்தை வேகத்தில் நடைபெறுவதாகக் கூறப்படுகிறது.

ஆ.ராஜாவின் உறவினர் பரமேஷ்குமார் தனது கட்டுப்பாட்டில் அனைத்து பணிகளையும் மெதுவாகவே முடுக்கி வருவதால், மாவட்ட அமைப்பாளர் உள்ளிட்ட தி.மு.க. நிர்வாகிகளாலும் பிரசாரத்தை வேகப்படுத்த முடியவில்லை. தேர்தலுக்கு இன்னும் இரண்டு வாரங்களே உள்ள நிலையில், தி.மு.க.வின் தேர்தல் இயந்திரம் சரியாக இயங்காதது பெரும் கவலையை ஏற்படுத்தியுள்ளது.

இதற்கு நேர்மாறாக, அ.தி.மு.க. வேட்பாளர் தமிழ்செல்வன் தீவிரமாகக் களத்தில் இறங்கியுள்ளார். அதிக வாக்கு வித்தியாசத்தில் வெற்றி பெறுவதற்கான அனைத்து வியூகங்களையும் வகுத்து செயல்பட்டு வருகிறார். கிராமங்கள் தோறும் சென்று வாக்காளர்களை நேரடியாகச் சந்தித்து ஆதரவு திரட்டி வருகிறார்.

இதையும் படிங்க: பிரதமர் மோடி வரும் நேரமாச்சு!! பாஜக வேட்பாளர் பட்டியல் எப்போது?! நயினார் நாகேந்திரன் கொடுத்த அப்டேட்!

ஆனால் தி.மு.க. வேட்பாளர் ஜெயலட்சுமியோ, கிராமப்புற வாக்காளர்களை அணுகுவதற்குப் பதிலாக டாக்டர்கள், முக்கிய பிரமுகர்கள், கூட்டணி கட்சி நிர்வாகிகள் உள்ளிட்ட வி.ஐ.பி.க்களை மட்டுமே சந்திப்பதில் மும்முரமாக இருப்பதாகத் தெரிகிறது. இது கட்சிக்குள் அதிருப்தியை ஏற்படுத்தியுள்ளது.

ஆ.ராஜா ஆடியோ விவகாரம் வெளியான பிறகு பெரம்பலூர் தி.மு.க.வில் பெரும் குழப்பம் ஏற்பட்டுள்ளது. மாவட்டத்தில் ஆ.ராஜாவின் செல்வாக்கு அதிகம் என்பதால், அவரது இல்லாத நிலையில் பிரசாரம் சரியாக ஒருங்கிணைக்கப்படவில்லை. உறவினர் பரமேஷ்குமாரின் தலையீடு காரணமாக பணிகள் மெதுவாக நடைபெறுவதும் கட்சி நிர்வாகிகளிடையே பேசுபொருளாகியுள்ளது.

தேர்தல் நெருங்கி வரும் நிலையில், தி.மு.க.வின் பிரசாரம் வேகம் பெறவில்லை என்ற குற்றச்சாட்டு எழுந்துள்ளது. அ.தி.மு.க. வேட்பாளர் தமிழ்செல்வன் தீவிர பிரசாரத்தில் ஈடுபட்டு வரும் போது, தி.மு.க. வேட்பாளர் ஜெயலட்சுமி இன்னும் முழு வீச்சில் களமிறங்காதது பெரும் பின்னடைவாகப் பார்க்கப்படுகிறது.

பெரம்பலூர் தொகுதியில் இந்த முறை கடும் போட்டி நிலவும் என எதிர்பார்க்கப்படுகிறது. ஆ.ராஜா விவகாரம் தி.மு.க.வுக்கு பெரும் சவாலாக மாறியுள்ளது. அடுத்த சில நாட்களில் தி.மு.க. தனது பிரசார உத்தியை மாற்றியமைக்குமா என்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. 

இதையும் படிங்க: சாதி ஓட்டுகளை வளைக்க திட்டம்! ஸ்டாலின் ஸ்கெட்ச்! 14 முதலியார்! 15 தெலுங்கு வேட்பாளர்களை களமிறக்கும் திமுக!