தமிழ்நாட்டின் அரசியல் களத்தில் சமீப காலமாக நிகழ்ந்துள்ள மாற்றங்கள் பலரையும் ஆச்சரியப்படுத்தியுள்ளன. நடிகரும் தமிழக வெற்றிக் கழகம் தலைவருமான ஜோசப் விஜய் தலைமையில் உருவான கூட்டணி 2026 சட்டமன்றத் தேர்தலில் பெரும் வெற்றி பெற்று ஆட்சியமைத்த பிறகு, காங்கிரஸ் கட்சிக்கு ராஜ்யசபா இடம் ஒதுக்கப்பட்டது ஒரு முக்கிய அரசியல் நிகழ்வாக அமைந்துள்ளது. இந்த இடத்திற்கு காங்கிரஸ் சார்பில் பிரவீன் சக்ரவர்த்தி வேட்பாளராக அறிவிக்கப்பட்டுள்ளார்.

இந்த வாய்ப்பு குறித்து அவர் பேசிய வார்த்தைகள், முதலமைச்சர் விஜயின் பெருந்தன்மை மற்றும் கருணையை சுட்டிக்காட்டுகின்றன. பிரவீன் சக்ரவர்த்தி, காங்கிரஸ் கட்சியின் முக்கிய தலைவர்களில் ஒருவர். அகில இந்திய தொழில்முறை காங்கிரஸ் தலைவராகவும், தேர்தல் உத்தி வல்லுநராகவும் அறியப்படுபவர். ராகுல் காந்திக்கு நெருக்கமானவராகக் கருதப்படும் அவர், தமிழ்நாட்டு அரசியலில் தவெக-காங்கிரஸ் உறவை வலுப்படுத்துவதில் முக்கியப் பங்கு வகித்தார்.

தேர்தல் முடிவுகளுக்குப் பிறகு, தவெக தலைமையிலான “தமிழ்நாடு சமூக நீதி முற்போக்குக் கூட்டணி” உருவாகியபோது, இந்த உறவு மேலும் பலப்படுத்தப்பட்டது. காலியாக உள்ள ராஜ்யசபா இடத்தை காங்கிரஸுக்கு ஒதுக்க முதலமைச்சர் விஜய் முடிவு செய்தார். இதைத் தொடர்ந்து, ஜூன் 4 அன்று பிரவீன் சக்ரவர்த்தி வேட்பாளராக அதிகாரப்பூர்வமாக அறிவிக்கப்பட்டார்.

இதையும் படிங்க: விறுவிறு தேர்தல்..! ராஜ்யசபா பதவி யாருக்கு..? காங்கிரஸ் சார்பில் பிரவீன் சக்கரவர்த்தி வேட்பு மனுத் தாக்கல்..!!

இன்று முதல்வர் விஜய் முன்னிலையில் தனது வேட்பு மனுவை தாக்கல் செய்தார். இடைத்தொடர்ந்து செய்தியாளர்களை சந்தித்த பிரவீன் சக்கரவர்த்தி முதல்வர் விஜயை புகழ்ந்து பேசினார். முதலமைச்சர் ஜோசப் விஜயின் பெருந்தன்மை, கருணை மூலம் எனக்கு கிடைத்து வாய்ப்பு இது என்றும் கூறினார். தமிழ்நாட்டின் உரிமைகளை பாதுகாக்க நாடாளுமன்றத்தில் எனது குரல் ஒலிக்கும் என பிரவீன் சக்ரவர்த்தி தெரிவித்தார். 

இதையும் படிங்க: விறுவிறு தேர்தல்..! ராஜ்யசபா பதவி யாருக்கு..? காங்கிரஸ் சார்பில் பிரவீன் சக்கரவர்த்தி வேட்பு மனுத் தாக்கல்..!!