திமுகவின் 2026 சட்டமன்றத் தேர்தலுக்கான தேர்தல் அறிக்கை மார்ச் 29, 2026 அன்று சென்னை அண்ணா அறிவாலயத்தில் திமுக தலைவரும் தமிழ்நாடு முதலமைச்சருமான மு.க. ஸ்டாலின் அவர்களால் வெளியிடப்பட்டது. இந்த அறிக்கையை அவர் “சூப்பர் ஸ்டார்” என்று வர்ணித்தார். இதில் மகளிர் நலன், கல்வி, விவசாயம், சுகாதாரம், இளைஞர் மேம்பாடு உள்ளிட்ட பல்வேறு துறைகளில் விரிவான வாக்குறுதிகள் இடம்பெற்றுள்ளன.

மொத்தம் 500க்கும் மேற்பட்ட வாக்குறுதிகள் 50 தலைப்புகளின் கீழ் அறிவிக்கப்பட்டுள்ளன. இந்த அறிக்கை திராவிட மாடல் ஆட்சியின் அடுத்த கட்டத்தை வலியுறுத்துகிறது என்று கூறப்படுகிறது. தற்போது வழங்கப்பட்டு வரும் மகளிர் உரிமைத்தொகை ஆயிரம் ரூபாயிலிருந்து 2000 ரூபாயாக உயர்த்து வழங்கப்படும் என ஏற்கனவே தெரிவிக்கப்பட்டது. 

இந்த நிலையில், சென்னை விமான நிலையத்தில் நாம் தமிழர் கட்சியின் தலைமை ஒருங்கிணைப்பாளர் சீமான் செய்தியாளர்களை சந்தித்து பேசினார். அப்போது, சொந்த நாட்டு மக்களுக்கு கடனை வைத்துவிட்டு செல்பவர்கள் நல்ல தலைவரா என்ற கேள்வி எழுப்பினார்.

இதையும் படிங்க: நெருங்கும் தேர்தல்..! திமுக தேர்தல் மேற்பார்வையாளர்கள் நியமனம்... முழு விவரம்..!!

பாஜகவின் A TEAM தான் திமுக என்றும் தமிழகத்தில் பாஜகவை வேரூன்ற விட்டது யார் எனவும் கேள்வி எழுப்பினார். கல்வி மானுட உரிமை என்றும் அதை கொடுக்க வேண்டியது அரசின் கடமை எனவும் சீமான் கூறியுள்ளார். கல்வி கடன் கொடுக்கிறேன் எனக் கூற வட்டிக்கடையா வைத்திருக்கிறார்கள் என்று சீமான் கேள்வி எழுப்பினார். ஆறு லட்சம் பேர் தாலி அறுத்துவிட்டு குடும்பத்திற்கு 2000 ரூபாய் தருவேன் என்பது எப்படி என்றும் கேட்டுள்ளார்.  

இதையும் படிங்க: திருவாரூருக்கு வரேன்...! முதல்வரின் பரப்புரை தொடக்கம்..! திமுகவினர் செம குஷி..!!