சேலம் மாவட்டத்தில் நாம் தமிழர் தலைமை ஒருங்கிணைப்பாளர் சீமான் இன்று பரப்புரை மேற்கொண்டு வருகிறார். சேலம் மாநகர் பள்ளப்பட்டியில் , சேலம் வடக்கு சேலம் தெற்கு சேலம் மேற்கு வீரபாண்டி ஆகிய சட்டமன்ற தொகுதி வேட்பாளர்களை ஆதரித்து பரப்புரை மேற்கொண்டார்.  இதனை தொடர்ந்து சேலத்தில் செய்தியாளர்களுக்கு பேட்டியளித்த நாம் தமிழர் கட்சி ஒருங்கிணைப்பாளர் சீமான் ,  தமிழக வாழ்வுரிமைக் கட்சி  வேல்முருகன் அவர்களுக்குள்ளாக ஒரு அணி அமைத்து செயல்படுகிறார்.

 தமிழகத்தில் அக்கறையாக இருக்கக்கூடிய ஒரே மகன் நான் தான். அனைத்துக் கட்சிகளும் 1000, 2000 என பல இலவசங்கள் அறிவித்து ஏமாற்றுகின்றனர். நான் அந்த நிலையில் இருந்து மக்களை   மாற்ற வேண்டும் என நினைக்கிறேன். குடிக்கிற நீர் ,  படிக்கிற கல்வி  இலவசமாக கொடுப்பேன், கல்விக்கு தகுந்த வேலை, வேலைக்கு ஏற்ற ஊதியம் வழங்குவது தான் என்னுடைய லட்சியம். பெருமைமிகு வாழ்வியலை அளிப்பேன். நானே விவசாயம் செய்து நச்சு இல்லாத தூய உணவை அளிப்பேன். மின் உற்பத்தி, காற்றாலை நானே வழங்குவேன் ,  வேலை இல்லை என்ற சொல்லை மாற்றுவேன் என்றார். 

தொடர்ந்து செய்தியாளர்களின் கேள்விக்கு பதில் அளித்த அவர், அதிமுக திமுக மறைமுக புரிந்துணர்வு ஒப்பந்தம் செய்துள்ளனர். குறிப்பாக திமுக அமைச்சர்கள் போட்டியிடும் இடத்தில் பாஜக வேட்பாளரை நிறுத்தி உள்ளனர். திமுக அமைச்சர்கள் எங்கெல்லாம் போட்டியிடுகிறார்களோ அங்கெல்லாம் அதிமுக  கூட்டணி கட்சியான  தாமரை சின்னத்துக்கு ஒதுக்கப்பட்டுள்ளது. 

இதையும் படிங்க: அமைச்சர்களை ஜெயிக்க வைக்க டீலிங்... அதிமுக தொகுதி ஒதுக்கீட்டை விமர்சித்த சீமான்..!!

 திமுக , பாஜகவை  மதவாத கட்சி சொல்லி வாக்கு சேகரிப்பாங்க. ஆனா பாஜக  ,  காங்கிரஸ் பத்தி பேசுவாங்க.  இந்த நாட்டை அழிச்சதே காங்கிரஸ் தான். எதை வைத்து காங்கிரசை புனித படுத்துகிறார்கள் திமுக .  நாடு நாசமாக்கியதற்கு காரணம் காங்கிரஸ்தான் ; என்னுடைய  இனத்தை நாசமாக்கியது காங்கிரஸ். கச்சத்தீவை தாரை வார்த்தது, நச்சு ஆலைகளை விதைத்தது காங்கிரஸ். திமுக எந்த வகையில் காங்கிரசை நியாயப்படுத்தி பேச முடியும், ஜிஎஸ்டி, நீட், NIA போன்றவற்றை கொண்டு வந்தது யார் ; அனைத்தும் காங்கிரஸ் தான் என குற்றம் சாட்டினார்.

திமுகவும் அதிமுகவும் புரிந்துணர்வு என்பது  ஒன்றோடு ஒன்று இணைந்து மறைமுகமாக போடப்பட்டுள்ளது - திமுக காலத்தில் அதிமுக சாராய ஆலைகளை பயன்படுத்துகிறார்கள் ; அதிமுக காலத்தில் திமுக சாராய ஆலைகளை பயன்படுத்துகிறார்கள். மேலும் விஜய் இலவசங்கள் கூடாது எனக்கூறி தற்போது இலவசங்களை அறிவித்துள்ளார்.  இலவசம் என்பது திட்டமல்ல; அது வீழ்ச்சிக்கு வித்தாகும். திமுக, அதிமுக, விஜய்  யார் இலவசங்கள் அறிவித்தாலும் அந்த பணத்தை ஈடு செய்ய எங்கிருந்து எடுப்பீர்கள் இலவசங்களை எதிர்ப்பவன் நான் என சீமான் தெரிவித்தார்.

இதையும் படிங்க: கருணாநிதிக்கு காங்கிரசால் அழுத்தம்... பரப்புரையில் சீமான் பகிரங்க குற்றச்சாட்டு..!