நாகை மாவட்டத்தில் தமிழக வெற்றிக் கழக மாவட்ட நிர்வாகியாக பணியாற்றி வரும் பூபாலன் வீட்டில் சர்வதேச போதைப்பொருள் கடத்தல் தொடர்பான குற்றச்சாட்டின் பேரில் வருவாய் புலனாய்வுத் துறை அதிகாரிகள் அதிரடி சோதனை மேற்கொண்டுள்ளனர். இந்தச் சோதனை இன்று காலையில் தொடங்கியது. டெல்லியில் இருந்து வந்த அதிகாரிகள் குழு நாகையைச் சேர்ந்த பூபாலனின் வீட்டில் தீவிர ஆய்வை மேற்கொண்டு வருகிறது.இலங்கையில் இருந்து மெத்தபெட்டமைன் எனப்படும் ஆபத்தான போதைப்பொருளை கடத்தியதாக எழுந்துள்ள புகாரின் அடிப்படையில் இந்த நடவடிக்கை மேற்கொள்ளப்பட்டுள்ளது.

மெத்தம்பெட்டமைன் சர்வதேச அளவில் தடை செய்யப்பட்ட மிகவும் ஆபத்தான போதைப்பொருளாகக் கருதப்படுகிறது. இது இளைஞர்களிடையே பரவி பெரும் சமூகப் பிரச்சினையாக மாறியுள்ளது. தமிழகத்தின் கடலோரப் பகுதிகள் வழியாக இத்தகைய போதைப்பொருட்கள் கடத்தப்படுவதாக அதிகாரிகள் நீண்ட காலமாக விசாரணை நடத்தி வருகின்றனர்.

பூபாலனின் வீட்டில் மட்டுமல்லாமல், அவரது நண்பர்களின் வீடுகளிலும் சோதனை நடைபெற்று வருகிறது. கீழையூர் அருகே உள்ள சிந்தாமணி பகுதியில் உள்ள வீட்டிலும் அதிகாரிகள் ஆய்வு செய்து வருகின்றனர். இந்தச் சோதனையின் போது ஆவணங்கள், மின்னணு சாதனங்கள் மற்றும் சந்தேகத்திற்குரிய பொருட்கள் ஆகியவை பரிசீலிக்கப்பட்டு வருகின்றன. அதிகாரிகள் குழு மிகவும் ரகசியமாகவும் திட்டமிட்டும் இந்த நடவடிக்கையை மேற்கொண்டுள்ளதாகத் தெரிகிறது.

இதையும் படிங்க: கோவைக்கு ரூ.408 கோடி மதிப்பில் திட்டங்கள்..! முடிவுற்ற பணிகளை தொடங்கி வைத்த முதல்வர் விஜய்..!!

நாகை மாவட்டம் கடற்கரையோரப் பகுதியாக இருப்பதால், போதைப்பொருள் கடத்தல் நடவடிக்கைகளுக்கு இலக்காக இருந்து வருகிறது. கடந்த சில ஆண்டுகளாக இப்பகுதியில் பல போதைப்பொருள் கடத்தல் வழக்குகள் பதிவாகியுள்ளன. இலங்கைக்கும் இந்தியாவுக்கும் இடையிலான கடல் எல்லை வழியாக போதைப்பொருட்கள் கடத்தப்படுவதாக அதிகாரிகள் கண்டுபிடித்துள்ளனர். இத்தகைய சர்வதேச கடத்தல் வலையமைப்புகளை முறியடிப்பதற்காக மத்திய அரசு நிறுவனங்கள் தொடர்ந்து கண்காணிப்பு நடவடிக்கைகளை மேற்கொண்டு வருகின்றன.

இதையும் படிங்க: கோவையின் பெருமை..! "ரூ.300 கோடியில் பிரம்மாண்டம்..!! பெரியார் அறிவுலகத்தை திறந்து வைத்த முதல்வர் விஜய்..!!