தமிழக சட்டமன்றத் தேர்தலில் தமிழக வெற்றிக் கழகத் தலைவர் விஜய் தனது சவாலை உறுதியாக நிரூபித்துள்ளார். தேர்தல் பிரசாரம் முழுவதும் “தி.மு.க.வுக்கும் தவெக-வுக்கும் இடையில்தான் உண்மையான போட்டி” என்று ஆணித்தரமாகக் கூறி வந்த விஜய், இறுதியில் வரலாறு காணாத வெற்றியைப் பெற்று ஆளும் கட்சியான தி.மு.க.வை தோற்கடித்துள்ளார்.

கரூரில் அவரது பிரசாரக் கூட்டத்தில் ஏற்பட்ட நெரிசலில் 41 பேர், அதில் பல குழந்தைகள் மற்றும் பெண்கள் உயிரிழந்த சம்பவம் தவெக தொண்டர்களைப் பெரும் துயரத்தில் ஆழ்த்தியது. அந்தச் சம்பவத்துக்குப் பிறகு ஒரு மாதம் முழுவதும் வீட்டுக்குள் முடங்கியிருந்த விஜய், துக்கத்திலிருந்து மீண்டு வந்தார். இந்தச் சம்பவத்தை தி.மு.க. சதி எனக் குற்றம் சாட்டிய தவெக தரப்பு, சி.பி.ஐ. விசாரணையின்போதும் இந்தக் குற்றச்சாட்டை முன்வைத்தது.

அந்தச் சம்பவத்துக்குப் பிறகு முதலமைச்சர் ஸ்டாலினுக்கு நேரடியாக சவால் விட்ட விஜய், “விஜயை ஏன் தொட்டோம் என தேர்தலுக்குப் பிறகு வருத்தப்படுவீர்கள்” என்று பல மேடைகளில் தெரிவித்திருந்தார்.

இதையும் படிங்க: இம்மி பிசறாத கணிப்பு!! சொல்லி அடித்த செய்கை!! விஜய் Good Book-கில் இடம்பிடித்தார் ஓய்வு பெற்ற டிஜிபி ரவி!!

அந்த வார்த்தைகள் இப்போது நிறைவேறியுள்ளன. தி.மு.க. தோல்வியடைந்ததோடு, ‘தி.மு.க. 2.0’ எனக் கூறி வந்த ஸ்டாலின் தானே போட்டியிட்ட கொளத்தூர் தொகுதியிலும் படுதோல்வியைச் சந்தித்தார்.

தவெக 108 இடங்களில் வெற்றி பெற்று தனிப்பெரும் கட்சியாக உருவெடுத்துள்ளது. இந்த வெற்றி தவெக தொண்டர்களிடையே பெரும் பெருமிதத்தை ஏற்படுத்தியுள்ளது. “எங்கள் தலைவர் கொடுத்த சவாலை வெற்றிகரமாக நிரூபித்துவிட்டார்” என்று தொண்டர்கள் உற்சாகத்தில் இருக்கின்றனர்.

கரூர் சம்பவத்தால் ஏற்பட்ட உணர்ச்சிகரமான சூழலும், விஜய்யின் உறுதியான நிலைப்பாடும், தி.மு.க. ஆட்சியின் மீதான மக்கள் அதிருப்தியும் இணைந்து இந்த வரலாற்று வெற்றியைத் தந்துள்ளன. தி.மு.க.வுக்கு இது பெரும் அதிர்ச்சியாக அமைந்துள்ளது. 

இந்தத் தேர்தல் முடிவுகள் தமிழக அரசியலில் புதிய அத்தியாயத்தைத் தொடங்கியுள்ளன. விஜய்யின் தலைமையில் தவெக எப்படி அடுத்தக் கட்ட அரசியலை முன்னெடுக்கும் என்பதை அனைவரும் உன்னிப்பாகக் கவனித்து வருகின்றனர். 

இதையும் படிங்க: ஜெயித்தது கருணாநிதி சென்டிமெண்ட்!! ஆட்சியை தக்க வைப்பதில் தடுமாறும் திமுக!! தொடரும் தோல்விகள்!