நம் அனைவருக்கும் தெரிந்த கேஜிஎப் யாஷின் உண்மையான பெயர் நவீன் குமார் கவுடா, திரையுலகில் கடந்த 2007 ஆம் ஆண்டு வெளியான, கன்னட திரைப்படமான "ஜம்பதா ஹுடுகி" மூலம் அறிமுகமானவர். ஆனாலும் முதல் படத்தில் அவரை ஏற்று கொள்ளாத கன்னட ரசிகர்கள், 2008 ஆம் ஆண்டு இவர் நடிப்பில் வெளிவந்த "மொக்கினா மனசு" திரைப்படத்தில் இவரது நடிப்பை பார்த்து கதாநாயகனாக ஏற்றுக்கொள்ள ஆரம்பித்தனர். அதன் பிறகு ராஜதானி, மிஸ்டர் அண்ட் மிஸஸ் ராமாச்சாரி என பலப்படங்ககளில் நடித்து ஹிட் கொடுத்து வந்தார். 

இங்கு எப்படி நடிகர் சூர்யா அறக்கட்டளை மூலமாக மக்களுக்கு படிப்பு முதல் வாழ்க்கை தரத்தை உயர்த்தும் பல உதவிகளை செய்வது வருகிறோ, நடிகர் ராகவா லாரன்ஸ் மற்றும் சின்னத்திரை பாலா இணைந்து எப்படி மக்களுக்கு உதவி செய்து வருகிறார்களோ; அதே போல், நடிகர் யாஷும் "யாஷோ மார்கா" என்ற அறக்கட்டளை மூலமாக கல்வி,சுகாதாரம் மற்றும் விலங்கு நலன், அடித்தட்டு மக்களின் வாழ்க்கைக்கு தேவையான அத்தியாவசியங்கள் முதலானவைகளுக்கு தன்னால் முடிந்த உதவிகளை செய்து வருகின்றார். 

இதையும் படிங்க: ஹனிமூனில் முதல் படம் NEEK... மனம் திறந்த கீர்த்தி சுரேஷ்.. உற்சாக மழையில் தனுஷ்..!

இப்படி இருக்க பலராலும் கிண்டலுக்கும் கேலிகளுக்கும் தள்ளப்பட்ட யாஷ், தனது கடின உழைப்பால் முன்னேறி வந்து கொண்டிருந்த காலத்தில் கன்னடத்தில் மட்டும் அல்ல, உலகம் முழுவதும் அவரை தெரியப்படுத்த உதவியாக இருந்த படம் தான், ஒம்பாலே பிலிம்ஸ், விசய் கிரங்கண்டர் தயாரிப்பில், பிரசாந்த் நீல் இயக்கத்தில், இரவி பசுருரின் அமர்க்களமான இசையில், யாஷ், சிரீநிதி செட்டி,அனந்து நாகு, இராமச்சந்திர ராசூ, ரவீனா டாண்டன், ஸ்ரீநிதி ஷெட்டி, பிரகாஷ் ராஜ், அர்ச்சனா ஜோயிஸ், அச்சுத் குமார், வசிஷ்ட என். சிம்ஹா, ராவ் ரமேஷ், டி.எஸ். நாகபரணா, மாளவிகா அவினாஷ் முதலான முன்னணி நட்சித்திரங்களின் நடிப்பில் உருவான கேஜிஎப் திரைப்படம்.

தமிழ், தெலுங்கு, மலையாளம், கன்னடம், மற்றும் ஹிந்தி ஆகிய மொழிகளில் பான் இந்தியா படமாக வெளியான கேஜிஎப் ஒன்று மற்றும் இரண்டாம் பாகம் ஆயிரம் கோடிகளுக்கு மேல் வசூல் செய்த மாஸ் ஹிட் படமாக பார்க்கப்படுகிறது. இந்த படத்தினால் தென்இந்தியா முதல் வட இந்தியா வரை இவரது புகழ் பரவியது. இன்று பலரது கனவு நாயகனாக வலம் வரும் யாஷுக்கு, வெளிநாடுகளிலும் ரசிகர்கள் உருவாக்கியுள்ளனர். 

இப்படி இருக்க கேஜிஎப் மூன்றாம் அத்தியாயத்திற்காக ரசிகர்கள் காத்துக்கொண்டிருக்கும் நிலையில், இயக்குநர் பிரசாந்த் நீல் திடீரென சலார் படத்தை இயக்கி வெளியிட்டார், சரி அதிலாவது இரண்டாம் பாகம் இயக்கி வெளியிடுவார் என்று பார்த்தால், அடுத்த ஆண்டு ஜனவரி 9ம் தேதி தியேட்டரில் வெளியாகவுள்ள "பான் இந்தியா" படமான "NTR31" படத்தின் முதல் நாள் சூட்டிங்கின் கலவரக்காட்சியின் புகைப்படத்தை  நடிகர் ஜுனியர் என்டிஆர் மற்றும் பிரஷாந்த் நீல் ஆகியோர் வெளியிட்டு அதிர்ச்சி கொடுத்தனர்.

இப்படி பட்ட சூழ்நிலையில், நடிகர் யாஷ் இராமாயத்தின் படப்பிடிப்பில் இணைந்திருப்பது ரசிகர்களுக்கு கொண்டாட்டத்தை கொடுத்துள்ளது. நிதிஷ் திவாரி இயக்கத்தில், ஏ.ஆர்.ரகுமானின் மிரட்டும் இசையில், நடிகர்கள் ரன்பீர் கபூர், யாஷ் மற்றும் சாய்ப்பல்லவி ஆகியோர் நடிப்பில் தயாராகி வரும் திரைப்படம் "ராமாயணம்". ராமாயணம் கதையை மையமாக வைத்து உருவாகி வரும் இப்படத்தில் ராமராக  ரன்பீர் கபூரும், சீதையாக சாய் பல்லவியும்,  நடித்து வரும் நிலையில் தற்பொழுது ராவணனாக நடிகர் யாஷும் நடிப்பதாக தகவல் வெளியாகி இருக்கிறது.

இந்த படத்தில் கும்பகர்ணனாக பாபிதியோல், அனுமானாக சன்னி தியோல், முக்கிய கதாபாத்திரத்தில் நடிகை ஷோபனாவும் நடித்து வருகின்றனர். இரண்டு பாகங்களாக வெளியாக இருக்கும் ராமாயணத்தின் முதல் பாகம் முடிவடைந்த நிலையில் எடிட்டிங் எல்லாம் முடிந்து அடுத்த ஆண்டு தீபாவளி அன்று வெளியாகும் என படக்குழுவினாரால் கூறப்படுகிறது.

தற்பொழுது மும்பையில் படமாக்கப்பட்டு வரும் ராமாயணம் இரண்டாம் பாகத்தில் தான் நடிகர் யாஷ் ராவணனாக களம் இறங்குகிறார். இப்பொழுது நடித்து வரும் இரண்டாம் பாகம் 2027ம் ஆண்டு தீபாவளிக்கு வெளியாகும் என அதிகார பூர்வமாக படக்குழுவினர் தெரிவித்து உள்ளனர். அடுத்த இரண்டு வருட தீபாவளி இராமாயண கொண்டாட்டத்தில் சென்றாலும், கேஜிஎப் மூன்றாம் அத்தியாயத்தை மறந்து விடாதீர்கள் இயக்குநர் என ரசிகர்கள் கலங்கி வருகின்றனர். 

ஏற்கனவே, தமிழில் ரூ.700 கோடி ரூபாய் பட்ஜெட்டில் மகாபாரதம் எடுக்க உள்ளதாக இயக்குனர் லிங்குசாமி கூறியிருந்த நிலையில் ராமாயணமும் தயாராகி வருவது ரசிகர்கள் மத்தில் டபுள் ட்ரீட்டாக பார்க்கப்படுகிறது.

இதையும் படிங்க: என்ன சிம்பு சார் மனசுலாயோ... ஃபர்ஸ்ட் இவர் படத்துல தான் நடிக்கனும்.. ரசிகர்கள் போட்ட கண்டிஷன்..!