தமிழ் அகதிகளுக்கு திமுக தன் முதுகை காட்டியுள்ளது. திமுக எம்.பி.க்கள் ஒருபோதும் தமிழ் அகதிகள் பிரச்சினையை எழுப்பியதில்லை என மத்திய உள்துறை அமைச்சர் கடுமையாக குற்றம்சாட்டியுள்ளார்.
இலங்கை அகதிகள் பிரச்னையில் 10 ஆண்டுகளாக என்ன செய்து கொண்டிருந்தீர்கள்? என கனிமொழிக்கு அமித் ஷா கேள்வி எழுப்பினார். மத்திய அமைச்சரவையில் திமுக அங்கம் வகித்தபோது திமுக எந்த நடவடிக்கையும் எடுக்கவில்லை எனவும் அமித் ஷா தெரிவித்தார்.
நாடாளுமன்றத்தின் மக்களவையில் குடிபெயர்வு, வெளிநாட்டினர் மசோதா தொடர்பான விவாதத்தின்போது திமுக எம்.பி. கனிமொழி பேசுகையில், ''இலங்கை தமிழ் அகதிகளை நீண்ட கால அகதிகளாக சட்டத்தில் தனித்துவமான வகையாக அங்கீகரிக்க வேண்டும். 20 ஆண்டுகளுக்கு மேல் இந்தியாவில் வாழ்ந்தவர்கள், இங்கு பிறந்தவர்களுக்கு விதி விலக்கு அளிக்க வேண்டும். இலங்கை தமிழ் அகதிகளுக்கு விரைவான குடியுரிமைக்கு சட்டப்பூர்வ வழியை மத்திய அரசு உருவாக்க வேண்டும்" எனக் கேட்டுக்கொண்டார்.
இதையும் படிங்க: இந்தியாவில் கடுமையாகும் விசா விதிகள்: மீறினால் 7 ஆண்டுகள் சிறை 10 லட்சம் அபராதம்… கழுதை பாதை!
இதற்கு பதிலளித்த அமித்ஷா, "கனிமொழி இத்தனை தமிழ் அகதிகள் வந்துள்ளனர் என்று தெரிவித்தார். அவர்களுக்கான இந்திய அரசின் கொள்கை என்ன? என்றும் கேட்கிறார் அவர் மிகவும் நன்றாகத்தான் பேசினார். இலங்கை அகதிகள் விஷயத்தில் கனிமொழிக்கு இதயம் எப்படி வலிக்கிறதோ, அதே மாதிரிதான் எனது இதயமும் வலிக்கிறது. அகதிகளுக்கான எங்கள் கொள்கை என்ன? என்று கனிமொழி கேட்கிறார். இலங்கை அகதிகளுக்கான 1986-ம் ஆண்டின் இந்திய அரசின் கொள்கை அப்படியேத்தான் இப்போதும் உள்ளது. திமுக 10 ஆண்டுகள் ஐக்கிய முற்போக்கு கூட்டணி அரசில் இருந்தபோதும் கொள்கை அப்படியே இருந்திருக்கிறது.
10 ஆண்டுகளாக தயாநிதி மாறன் அமைச்சராக இருந்தார். டி.ஆர்.பாலுவும் அமைச்சராக இருந்தார். ஆனால் அவர்கள் எதுவும் செய்யவில்லை. இப்போது நீங்கள் என்ன செய்தீர்கள்? என்று எங்களிடம் கேள்வி கேட்கிறீர்களா? அப்போது நீங்கள் நடவடிக்கை எடுத்திருந்தால், எங்களிடம் கேட்க வேண்டிய அவசியமே ஏற்பட்டிருக்காது.
தமிழ் அகதிகளுக்கான நீங்கள் வகுத்த கொள்கையில் நாங்கள் ஒரு 'கமா'வைக் கூட மாற்றவில்லை. திமுக அங்கம் வகித்த அரசில் இருந்தபோது பின்பற்றப்பட்ட அதே கொள்கையை நாங்கள் அப்படியே ஏற்றுக்கொண்டு இருக்கிறோம். நீங்கள் ஏதாவது மாற்றங்களை விரும்பினால், அவற்றை என்னிடம் கொடுங்கள். அதை நாங்கள் பரிசீலிப்போம்.
அப்போது திமுக எம்.பி., கலாநிதி வீராசாமி எழுந்து, ''நீங்கள் ஏதாவது செய்யுங்கள் என்று அமித்ஷாவை பார்த்து கோரிக்கை விடுத்தார். அதற்கு பதில் அளித்த அமித்ஷா, இதுவரை திமுக., எம்.பி.க்கள் அனைவரும் வெவ்வேறு பிரச்சினைகள் தொடர்பாக 4 முறை என்னை சந்தித்துள்ளனர். ஆனால் ஒரு முறை கூட அவர்கள் தமிழ் அகதிகளைப் பற்றி எதுவுமே குறிப்பிடவில்லை. ஆனால், இப்போது ''ஏதாவது செய்யுங்கள், ஏதாவது செய்யுங்கள்'' என்று கூறுகிறார்கள். நீங்கள் தமிழ் அகதிகள் தொடர்பான பிரச்சினையை ஒருபோதும் எழுப்பவில்லை. உங்கள் கொள்கை நல்லதாகத்தான் இருக்கும் என்று கருதி, நாங்கள் அதை பின்பற்றி வருகிறோம். இப்போதும் கூட, நீங்கள் ஏதாவது பரிந்துரைத்தால், நாங்கள் அதைப் பரிசீலிப்போம்"எனத் தெரிவித்தார்.
"கனிமொழிக்கு இதயம் எப்படி வலிக்கிறதோ, அதே மாதிரிதான் எனக்கும் வலிக்கிறது.. இலங்கை அகதிகள் விஷயத்தில் ஆட்சியில் இருந்த 10 ஆண்டுகளில் என்ன செய்தீர்கள்?" என்று தி.மு.க.வுக்கு சரமாரியான கேள்விகளை அமித்ஷா எழுப்பினார். மேலும் தமிழ் அகதிகளுக்கான நீங்கள் வகுத்த கொள்கையில் நாங்கள் ஒரு 'கமா'வைக் கூட மாற்றவில்லை. தி.மு.க. அங்கம் வகித்த அரசாங்கத்தில் இருந்தபோது பின்பற்றப்பட்ட அதே கொள்கையை நாங்கள் அப்படியே ஏற்றுக்கொண்டோம் என்றும் அமித் ஷா கூறினார்.
இதையும் படிங்க: இது வாயா? இல்ல வடை சுடற இடமா? இந்தியவின் இரும்பு மனிதர்: வாழும் வல்லபாய் அமித்ஷா..! RBU புகழராம்..!