இந்திய கிரிக்கெட் கட்டுப்பாட்டு வாரியம் (பிசிசிஐ) ஆடவர் அணியின் தேர்வுக் குழுவில் முக்கியமான மாற்றத்தை அறிவித்துள்ளது. முன்னாள் இந்திய இடது கை சுழற்பந்து வீச்சாளர் பிரக்யான் ஓஜா தேர்வுக் குழுவின் தலைவராக நியமிக்கப்பட்டுள்ளார். அஜித் அகர்கரின் பதவிக்காலம் முடிவடைந்ததைத் தொடர்ந்து, அனுபவ அடிப்படையில் அதாவது அதிக டெஸ்ட் போட்டிகளில் விளையாடியதன் அடிப்படையில் ஓஜாவுக்கு இந்தப் பொறுப்பு வழங்கப்பட்டுள்ளது.தேர்வுக் குழுவில் முன்னாள் இந்திய சுழற்பந்து வீச்சாளர் ரமேஷ் போவார் புதிய உறுப்பினராகச் சேர்க்கப்பட்டுள்ளார்.

அகர்கருக்குப் பதிலாக போவார் நியமிக்கப்பட்டுள்ளார். தற்போதைய ஆடவர் தேர்வுக் குழுவில் பிரக்யான் ஓஜா தலைவராகவும், ஷிவ் சுந்தர் தாஸ், ஆர்பி சிங், அஜய் ராத்ரா மற்றும் ரமேஷ் போவார் ஆகியோர் உறுப்பினர்களாகவும் இடம்பெற்றுள்ளனர்.பிரக்யான் ஓஜா இந்தியாவுக்காக 24 டெஸ்ட் போட்டிகளில் விளையாடி 113 விக்கெட்டுகளைக் கைப்பற்றியுள்ளார். அவரது அனுபவமே அவரைத் தேர்வுக் குழுவின் தலைவராக ஆக்கியுள்ளது. அகர்கர் விலகிய பிறகு இடைக்காலத் தலைவராகச் செயல்பட்டு வந்த ஓஜா, இப்போது முழுமையான தலைமைப் பொறுப்பை ஏற்றுள்ளார்.

அகர்கரின் பங்களிப்பைப் பாராட்டி பிசிசிஐ நன்றி தெரிவித்துள்ளது.ரமேஷ் போவார் இந்தியாவுக்காக இரண்டு டெஸ்ட் போட்டிகளிலும் 31 ஒருநாள் போட்டிகளிலும் விளையாடியுள்ளார். விளையாட்டு வாழ்க்கைக்குப் பிறகு இந்திய மகளிர் அணியின் தலைமைப் பயிற்சியாளராகவும், மும்பை மற்றும் குஜராத் அணிகளின் பயிற்சியாளராகவும் பணியாற்றிய அனுபவம் கொண்டவர். பிசிசிஐ மையத் திறன் மேம்பாட்டு மையத்தில் பந்துவீச்சுப் பயிற்சியாளராகவும் இருந்துள்ளார். அவரது இந்த அனுபவம் தேர்வுக் குழுவுக்குப் பலனளிக்கும் என எதிர்பார்க்கப்படுகிறது.

இதையும் படிங்க: ஆசிய விளையாட்டு..! ஆடவர் கிரிக்கெட்டில் தங்கம்..! வாஷிங்டன் சுந்தருக்கு ஊக்கத்தொகை அறிவித்த முதல்வர் விஜய்..!!

இந்த மாற்றம் இந்திய அணியின் எதிர்கால அணித் தேர்வுகளில் முக்கியத் தாக்கத்தை ஏற்படுத்தும். வரவிருக்கும் சர்வதேச தொடர்கள் மற்றும் 2027 ஒருநாள் உலகக் கோப்பை போன்ற முக்கியப் போட்டிகளுக்கான அணித் தேர்வில் புதிய குழுவின் பங்கு முக்கியமானதாக இருக்கும். ஓஜாவின் தலைமையில் அனுபவமும் இளைஞர் ஆற்றலும் இணைந்த அணியை உருவாக்கும் முயற்சி தொடரும் என கிரிக்கெட் வட்டாரங்கள் நம்புகின்றன.

இதையும் படிங்க: சாதித்த இளம் கிரிக்கெட் வீராங்கனை கமலினி..!! ரூ.75 லட்சம் ஊக்கத்தொகை அறிவித்த முதல்வர் விஜய்!!