கிராமப்புற மற்றும் ஏழை, எளிய மாணவர்களுக்குக் கேடு விளைவிக்கும் நீட் தேர்வு முழுமையாக ஒழிக்கப்பட வேண்டும் என்பதே பாமகவின் உறுதியான நிலைப்பாடு என்று பசுமைத்தாயகம் அமைப்பின் தலைவரும், பாமக சட்டமன்ற உறுப்பினருமான திருமதி சௌமியா அன்புமணி அவர்கள் அதிரடியாகத் தெரிவித்துள்ளார்.

பசுமைத்தாயகம் நாளை முன்னிட்டு, சென்னை மேடவாக்கத்தில் மரக்கன்றுகள் நடுதல் மற்றும் மாற்றுத்திறனாளிகளுக்கு நலத்திட்ட உதவிகள் வழங்கும் சிறப்பு நிகழ்ச்சி இனிதே நடைபெற்றது. இந்நிகழ்ச்சியில் சிறப்பு விருந்தினராகக் கலந்துகொண்ட சட்டமன்ற உறுப்பினர் சௌமியா அன்புமணி, மரக்கன்றுகளை நட்டதுடன், மாற்றுத்திறனாளிகளுக்குச் சக்கர நாற்காலிகள் மற்றும் அரிசி, பருப்பு, காய்கறி உள்ளிட்ட அத்தியாவசியப் பொருட்களை வழங்கிச் சிறப்பித்தார்.

நிகழ்ச்சிக்குப் பின்னர் செய்தியாளர்களைச் சந்தித்த சௌமியா அன்புமணி முன்வைத்த வாதங்களின் புள்ளிவிவர விபரங்கள் பின்வருமாறு நீட் தேர்வு கிராமப்புற மற்றும் ஏழை எளிய மாணவர்களின் மருத்துவக் கனவைச் சிதைக்கும் வகையில் அமைந்துள்ளது. இதில் குறைந்த மதிப்பெண் பெற்றவர்கள் கூட தனியார் கல்லூரிகளில் சேரும் சூழல் நிலவுவது சமவாய்ப்பற்ற நிலையைக் காட்டுகிறது. எம்.பி.பி.எஸ் மற்றும் பி.டி.எஸ் போன்ற மருத்துவப் படிப்புகளுக்கு மாணவர்கள் 12-ஆம் வகுப்பு பொதுத்தேர்வில் எடுக்கும் மதிப்பெண்களே போதுமானது. ஒரு மாணவர் எத்தனை முறைதான் தன் தகுதியை நிரூபித்துக் கொண்டே இருப்பது?

இதையும் படிங்க: மக்களுக்கு நீட் வேண்டாம் என்றால் ரத்து செய்ய வேண்டும்! பிரேமலதா விஜயகாந்த் அதிரடி பேட்டி!

மேலும், டெல்லியில் தன்னெழுச்சியாகத் திரண்டு போராடி வரும் மாணவர்கள் மீது தடியடி நடத்துவது, கைது செய்வது அல்லது வழக்குப்பதிவு செய்வது போன்ற அத்துமீறல்களில் ஈடுபடக் கூடாது. வழக்குகள் பதிவு செய்யப்பட்டால் அவர்களின் எதிர்கால வேலைவாய்ப்பு மற்றும் வெளிநாட்டுப் பயணங்கள் கடுமையாகப் பாதிக்கப்படும். மாற்றுத்திறனாளிகளுக்குச் சமூகத்தில் உரிய அங்கீகாரமும் மரியாதையும் வழங்கப்பட வேண்டும் என்று திட்டவட்டமாக தெரிவித்தார்.

இதையும் படிங்க: நியாயமற்ற நீட் தேர்வை ஒரேடியா தூக்கி எறியுங்க! மத்திய அரசுக்கு மு.க.ஸ்டாலின் ஓபன் சவால்!