தமிழ்நாட்டில் அரசு ஊழியர்கள் மற்றும் ஆசிரியர்களின் நீண்டகாலக் கோரிக்கையாக இருந்து வரும் பழைய ஓய்வூதியத் திட்டம் தொடர்பான பேச்சுவார்த்தைகள், ஜாக்டோ-ஜியோ அமைப்புடன் தமிழக அரசு நடத்தி வரும் முயற்சிகளின் ஒரு முக்கியமான அங்கம். 

தமிழக அரசு ஊழியர்கள் மற்றும் ஆசிரியர்களின் கூட்டு நடவடிக்கைக் குழுவான ஜாக்டோ-ஜியோ அமைப்பு, பழைய ஓய்வூதியத் திட்டத்தை (Old Pension Scheme) மீண்டும் அமல்படுத்த வேண்டும் என்ற கோரிக்கையை முதன்மையாக வைத்து பல ஆண்டுகளாக போராடி வருகிறது. இந்தக் கோரிக்கை, 2021 சட்டமன்றத் தேர்தலின்போது திமுக வெளியிட்ட தேர்தல் அறிக்கையில் அளிக்கப்பட்ட வாக்குறுதியின் அடிப்படையில் எழுந்தது. அப்போது எதிர்க்கட்சித் தலைவராக இருந்த மு.க. ஸ்டாலின், ஆட்சிக்கு வந்தால் பழைய ஓய்வூதியத் திட்டத்தை அமல்படுத்துவோம் என்று உறுதியளித்திருந்தார். ஆனால், ஆட்சிக்கு வந்து நான்கு ஆண்டுகளுக்குப் பிறகும் இந்த வாக்குறுதி நிறைவேற்றப்படவில்லை என்பதே ஜாக்டோ-ஜியோவின் முக்கிய குற்றச்சாட்டு.

2003-க்கு முன்பு நடைமுறையில் இருந்த பழைய ஓய்வூதியத் திட்டம், அரசு ஊழியர்களின் கடைசி சம்பளத்தில் 50 சதவீதத்தை ஓய்வூதியமாக வழங்குவதாகும். இது அரசின் நிதிப் பொறுப்பாக இருந்தது. 2004 முதல் அமல்படுத்தப்பட்ட புதிய பங்களிப்பு ஓய்வூதியத் திட்டம் சந்தை அபாயங்களை ஊழியர்களே ஏற்க வேண்டியதாக இருப்பதால், ஊழியர்கள் இதனை எதிர்க்கின்றனர். மத்திய அரசு 2025-ல் அறிமுகப்படுத்திய ஒருங்கிணைந்த ஓய்வூதியத் திட்டம் போன்ற மாற்று வழிகளையும் ஜாக்டோ-ஜியோ ஏற்க மறுக்கிறது; அவர்களுக்கு பழைய திட்டமே வேண்டும் என்பதில் உறுதியாக உள்ளது.இந்தக் கோரிக்கையை வலியுறுத்தி, ஜாக்டோ-ஜியோ பல கட்ட போராட்டங்களை நடத்தி வந்துள்ளது. 

இதையும் படிங்க: பழைய ஓய்வூதியம்..! அரசு ஊழியர்களின் கோரிக்கை... அமைச்சர்கள் முக்கிய ஆலோசனை...!

இந்த நிலையில் தமிழக அரசு சார்பில் பேச்சுவார்த்தைக்கு அழைப்பு விடுக்கப்பட்டது. சென்னை தலைமைச் செயலகத்தில் அமைச்சர்கள் தங்கம் தென்னரசு, அன்பில் மகேஷ் பொய்யாமொழி, நிதிச் செயலாளர் உள்ளிட்ட ஒரு ஜாக்டோ ஜியோ அமைப்பினருடன் பழைய ஓய்வூதிய திட்டம் கோரிக்கை தொடர்பாக பேச்சுவார்த்தை நடத்தி வருகின்றனர். 

இதையும் படிங்க: ஜன.4,5 ஆம் தேதிகளில் அதிமுக பொதுக்கூட்டம்... "EPS" பங்கேற்பு... முக்கிய அறிவிப்பு...!