இஸ்ரேல் பிரதமர் பெஞ்சமின் நெதன்யாகு, காசா நகரத்தை முழுமையா கைப்பற்றி தன்னோட கட்டுப்பாட்டுக்குள்ள கொண்டு வரணும்னு முடிவு எடுத்து, இஸ்ரேலிய அமைச்சரவையோட ஒப்புதலை ஆகஸ்ட் 8, 2025-ல பெற்ருக்காரு. ஆனா, இந்த முடிவு உலக அளவுல பெரிய புயலை கிளப்பியிருக்கு. 

ஐக்கிய நாடுகள் சபையோட பொதுச் செயலாளர் அன்டோனியோ குட்டரெஸ், “இது ஆபத்தான ஆக்கிரமிப்பு, காசாவுல இருக்குற லட்சக்கணக்கான பாலஸ்தீனியர்களோட வாழ்க்கையை இன்னும் மோசமாக்கும்”னு கடுமையா எச்சரிச்சிருக்காரு. சீனா, துருக்கி, பிரிட்டன் மாதிரியான நாடுகளும் இதுக்கு கடுமையான கண்டனத்தை தெரிவிச்சிருக்காங்க.

குட்டரெஸ் தன்னோட அறிக்கையில, “காசாவை முழுசா கைப்பற்றுற இஸ்ரேலோட முடிவு என்னை ரொம்ப கவலையடைய வச்சிருக்கு. இது ஒரு ஆபத்தான ஆக்கிரமிப்பு. ஏற்கனவே பேரழிவுல சிக்கியிருக்குற பாலஸ்தீனிய மக்களோட வாழ்க்கையை இன்னும் ஆபத்துல தள்ளும். பணயக் கைதிகள் உட்பட இன்னும் நிறைய உயிர்களுக்கு ஆபத்து வரலாம். 

இதையும் படிங்க: ஆக்கிரமிப்பு இல்லை! விடுதலை!! காசாவை கைப்பற்றுவதை நியாப்படுத்தும் நெதன்யாகு!!

இஸ்ரேல் உடனே நிரந்தர போர்நிறுத்தம் பண்ணணும், காசாவுக்கு தடையில்லாம மனிதாபிமான உதவிகளை அனுப்பணும், பணயக் கைதிகளை நிபந்தனையில்லாம விடுவிக்கணும். இஸ்ரேல் சர்வதேச சட்டத்தை மதிக்கணும். இந்த சட்டவிரோத ஆக்கிரமிப்பை முடிவுக்கு கொண்டு வரலேன்னா, இந்த மோதலுக்கு நிலையான தீர்வு கிடைக்காது. காசா பாலஸ்தீன அரசோட ஒரு பகுதியா இருக்கணும்”னு தெளிவா சொல்லியிருக்காரு.

இந்த முடிவுக்கு இஸ்ரேலுக்குள்ளயும் எதிர்ப்பு இருக்கு. 2023 அக்டோபர் 7-ல ஹமாஸ் 1,200 பேரை கொன்னு, 251 பேரை பணயக் கைதிகளா பிடிச்சதுக்கு பதிலடியா இஸ்ரேல் இந்தப் போரை ஆரம்பிச்சது. இப்போ வரை, காசாவுல 61,000 பேர் இறந்ததா ஹமாஸ் நடத்துற சுகாதார அமைச்சு சொல்றது. 

ஆனா, இஸ்ரேல் இப்போ முழு காசாவையும் கைப்பற்ற முடிவு பண்ணிருக்கு, இது பணயக் கைதிகளோட உயிருக்கு ஆபத்து ஏற்படுத்தும்னு இஸ்ரேல் மக்களே போராட்டம் பண்ணுறாங்க. “இது கைதிகளை காப்பாத்த உதவாது, இன்னும் ஆபத்தை அதிகரிக்கும்”னு பணயக் கைதிகளோட குடும்பங்கள் டெல் அவிவுல போராட்டம் பண்ணுறாங்க.

சீன வெளியுறவு அமைச்சர் வாங் யி, “இது பாலஸ்தீனியர்களுக்கு எதிரான இன அழிப்பு”னு குற்றம்சாட்டியிருக்காரு. துருக்கி அதிபர் எர்டோகன், “இஸ்ரேல் சர்வதேச சட்டத்தை மீறுது, இதை நிறுத்தணும்”னு சொல்லியிருக்காரு. பிரிட்டன் பிரதமர் கெய்ர் ஸ்டார்மர், “இது மனிதாபிமான பேரழிவை ஏற்படுத்தும்”னு எச்சரிச்சிருக்காரு. இதையெல்லாம் விவாதிக்க, ஐநா பாதுகாப்பு கவுன்சில் ஆகஸ்ட் 10-ல அவசர கூட்டத்துக்கு ஏற்பாடு பண்ணியிருக்கு.

காசாவுல 2 மில்லியன் மக்கள்ல பெரும்பாலானவங்க இப்போ இடம்பெயர்ந்து, முகாம்களில் தஞ்சமடைஞ்சிருக்காங்க. இஸ்ரேல் இப்போ காசா நகரத்தை கைப்பற்றி, மக்களை தெற்கு பகுதிக்கு இடம்பெயரச் சொல்றது பெரிய மனிதாபிமான பிரச்னையை உருவாக்குது. ஹமாஸ், “இது புது போர் குற்றம், இஸ்ரேலுக்கு இதுக்கு பெரிய விலை கொடுக்க வேண்டியிருக்கும்”னு எச்சரிச்சிருக்கு. ஆனா, நெதன்யாகு, “இது காசாவை ஹமாஸ் ஆதிக்கத்துல இருந்து விடுவிக்கும், இஸ்ரேலுக்கு பாதுகாப்பு கொடுக்கும்”னு உறுதியா சொல்றாரு.
 

இதையும் படிங்க: மொத்தமாக முடியப்போகும் ஹமாஸ்!! நெதன்யாகு திட்டத்திற்கு கிரீன் சிக்னல்!! காசாதான் டார்கெட்!!