தமிழ்நாட்டின் அரசியல் வட்டாரத்தில் திருவள்ளுவர் படத்துடன் தொடர்புடைய சர்ச்சைகள் புதிதல்ல. ஆனால், உலக தாய்மொழி தினமான இன்று அதிமுக பொதுச்செயலாளர் எடப்பாடி கே. பழனிச்சாமி பதிவிட்ட ஒரு வாழ்த்துப் பதிவு சமீபத்தில் கவனம் ஈர்த்தது. அந்த நாளில் தமிழ் மொழியின் முக்கியத்துவத்தை வலியுறுத்தி, தாய்மொழி நாள் வாழ்த்துகளைத் தெரிவிக்கும் வகையில் அவர் ஒரு புகைப்படத்தை பதிவேற்றினார்.

அந்தப் படத்தில் திருவள்ளுவர் காவி நிற உடை அணிந்த நிலையில் காட்டப்பட்டிருந்தது. இது வெளியான சில நிமிடங்களுக்குள் சமூக வலைதளங்களில் பலரது கவனத்தை ஈர்த்தது. திருவள்ளுவரைப் பொறுத்தவரை தமிழக அரசால் அங்கீகரிக்கப்பட்ட அதிகாரப்பூர்வ உருவம் வெள்ளை வஸ்திரம் அணிந்த, எளிமையான தோற்றத்தில் இருப்பது வழக்கம்.

அதனால், காவி நிறம் போன்றது சிலருக்கு "சனாதன மத அடையாளத்தை" திணிப்பது போலத் தோன்றியது. இதனால், "திருவள்ளுவரை காவிமயமாக்க முயற்சி" என்ற விமர்சனங்கள் எழுந்தன. சிலர் இதை அரசியல் நோக்கமாகவும், தமிழ் பாரம்பரியத்துக்கு எதிரான முயற்சியாகவும் கருதினர். இந்த எதிர்ப்பு அலையும், விவாதங்களும் வேகமெடுத்ததால், பதிவேற்றப்பட்ட சிறிது நேரத்திலேயே அது நீக்கப்பட்டுவிட்டது. 

இதையும் படிங்க: அம்பலப்பட்ட தந்தை - மகன் கமிஷன் கூட்டணி...!! முகத்திரை கிழிக்கப்படும்... தோலுரித்த அதிமுக..!!

இது போன்ற சம்பவங்கள் தமிழ்நாட்டில் அரசியல் கட்சிகளிடையே திருவள்ளுவரின் உருவத்தைச் சுற்றி ஏற்படும் உணர்வுபூர்வமான விவாதங்களை மீண்டும் எடுத்துக்காட்டுகின்றன. இதற்கு முன்பும் வெங்கய்யா நாயுடு, ஆளுநர் ஆர்.என். ரவி உள்ளிட்டோர் இதே போன்ற படங்களைப் பயன்படுத்தியபோது எதிர்ப்பு எழுந்து, பதிவுகள் நீக்கப்பட்ட சம்பவங்கள் நடந்திருக்கின்றன.

இதையும் படிங்க: OPS- காக உயிரை விட முடியுமா ? வாழ்நாளை வீணடிக்க முடியாது... பண்ருட்டி ராமச்சந்திரன் திட்டவட்டம்..!!