ஜெம் கிரானைட்ஸ் நிறுவனத்தின் தலைவரும் பிரபல கிரானைட் தொழிலதிபருமான எண்பத்து நான்கு வயது வீரமணி மீதான போக்சோ வழக்கு தமிழக அரசியலில் பெரும் சர்ச்சையை ஏற்படுத்தியுள்ளது. 2025 அக்டோபர் 6 ஆம் தேதி சென்னையைச் சேர்ந்த ஒரு தன்னார்வலர் மத்திய குற்றப்பிரிவு விபச்சார தடுப்புப் பிரிவில் ஒரு பென்டிரைவைக் கொடுத்து புகார் அளித்தார். அதில் வயதான ஒருவர் சிறுமியுடன் பாலியல் குற்றத்தில் ஈடுபடும் காட்சிகள் இருந்தன. அடுத்த நாளே அக்டோபர் 7 ஆம் தேதி வழக்குப் பதிவு செய்யப்பட்டது.

விசாரணையில் அந்த நபர் வீரமணி என அடையாளம் காணப்பட்டாலும், அப்போதைய திமுக ஆட்சியில் உடனடி கைது நடவடிக்கை எடுக்கப்படவில்லை.பின்னர் நீதிமன்ற உத்தரவின் பேரில் விசாரணை தீவிரமடைந்தது. 2026 ஆகஸ்ட் இறுதியில் வீரமணி, அவருக்கு உதவிய சாந்தி மற்றும் அவரது கணவர் மகேந்திர சிம்ஹன் ஆகியோர் கைது செய்யப்பட்டு சிறையில் அடைக்கப்பட்டனர். சமீபத்தில் கணேசன் என்பவர் கைது செய்யப்பட்டார். 

விசாரணையில் குறைந்தபட்சம் ஒன்பது சிறுமிகள் பாதிக்கப்பட்டுள்ளதாக தகவல்கள் வெளிவந்தன. வீரமணி தேனாம்பேட்டையில் வாடகைக்கு எடுத்த சொகுசு பங்களாவில் சிறுமிகளை அழைத்து வந்து குற்றங்களில் ஈடுபட்டதாகக் கூறப்படுகிறது. மதுராந்தகம் தொகுதியில் அதிமுக பொதுச்செயலாளர் எடப்பாடி பழனிச்சாமி செய்தியாளர்களை சந்தித்து பேசினார். அப்போது, முதல்வர் உத்தரவின் பேரில் ஜெம் வீரமணி கைது செய்யப்பட்டதாக கூறியது தவறு என பல்வேறு செய்திகள் வெளியாகி இருப்பதாக தெரிவித்தார்.

இதையும் படிங்க: திமுக "கொரோனா"..! தவெக "உருமாறிய கொரோனா"..! அதிமுக இன்பதுரை விமர்சனம்.!!

முதலமைச்சரின் உத்தரவால் வீரமணி கைது செய்யப்பட்டதாக கூறுவது தவறு என்றும் கூறியுள்ளார். போக்சோ நீதிமன்ற நீதிபதி கண்டித்ததால் தான் இந்த வழக்கில் விசாரணை தீவிரமானது என்றும் வீரமணியை கைது செய்ய நீதிபதி பிறப்பித்த உத்தரவை எடுத்து அவர் கைது செய்யப்பட்டதாகவும் தெரிவித்தார். தனது உத்தரவின் பெயரில் தான் வீரமணி கைதானதாக முதல்வர் கூறியது தவறு என்றார். 

இதையும் படிங்க: பள்ளி மாணவி கூட்டுப் பாலியல் வன்கொடுமை.! இதுதான் காவல்துறை லட்சணமா.? EPS காட்டம்..!