2026 சட்டமன்றத் தேர்தலில் படுதோல்வியைச் சந்தித்த அதிமுகவில் உட்கட்சி பூசல் தீவிரமடைந்துள்ளது. தோல்விக்கான காரணங்களை ஆராய பொதுக்குழு கூட்ட வலியுறுத்திய எஸ்.பி. வேலுமணி தலைமையிலான முன்னாள் அமைச்சர்கள் அணி, கட்சி பொறுப்புகளில் இருந்து நீக்கப்பட்டுள்ளது. தேர்தல் முடிவுகளுக்குப் பின், அதிமுகவின் முக்கிய நிர்வாகிகளான எஸ்.பி. வேலுமணி, சி.வி. சண்முகம், விஜயபாஸ்கர், காமராஜ் உள்ளிட்ட 25 சட்டமன்ற உறுப்பினர்கள் தோல்வியின் பின்னணியை விரிவாக ஆராய பொதுக்குழுவைக் கூட்ட வேண்டும் எனக் கோரிக்கை வைத்தனர். இந்தக் கோரிக்கையை முன்வைத்து அவர்கள் தீவிரமாகக் களமிறங்கினர். இதனால் கட்சியில் பிளவு ஏற்படும் அபாயம் உருவானது. 

இந்த நிலையில், அதிமுக பொதுச்செயலாளர் எடப்பாடி பழனிச்சாமி, எதிர்ப்பு தெரிவித்த அனைத்து முன்னாள் அமைச்சர்கள் மற்றும் எம்.எல்.ஏக்களையும் கட்சிப் பொறுப்புகளில் இருந்து உடனடியாக நீக்கி உத்தரவிட்டார். இந்த நடவடிக்கை கட்சியில் பெரும் பரபரப்பை ஏற்படுத்தியது. வேலுமணி அணியினர், தமிழக வெற்றிக் கழகம் அமைச்சரவையில் தங்களுக்கு முக்கிய இடம் கிடைக்கும் என எதிர்பார்த்தனர். ஆனால் அந்த எதிர்பார்ப்பும் நிறைவேறவில்லை. இதனால் அவர்களது அதிருப்தி மேலும் அதிகரித்தது. 

தொடர்ந்து பொதுக்குழு கூட்டத்தைக் கோரி வந்த இந்த அணி, தற்போது அந்தக் கோரிக்கையைக் கைவிட்டு, சமரசப் பேச்சு வார்த்தைக்கு அழைப்பு விடுக்க முன்வந்துள்ளதாக தகவல்கள் வெளியாகியுள்ளன. இது கட்சியின் உள் மோதலைத் தற்காலிகமாக குறைக்கும் முயற்சியாகக் கருதப்படுகிறது. நேற்று எஸ்.பி. வேலுமணி தரப்பினர், 1,400 பொதுக்குழு உறுப்பினர்கள் தங்களுக்கு ஆதரவாக உள்ளதாகப் பெருமிதம் தெரிவித்தனர். 

இதையும் படிங்க: அதிமுகவில் என்னதான் நடக்குது..!! மீட்டிங்கில் மிஸ்ஸான முக்கியப்புள்ளிகள்..!! பரபரக்கும் சூழல்..!!

இன்று நடைபெற்ற செய்தியாளர் சந்திப்பின்போது, பொதுக்குழு கூட்டுவதற்கான கையொப்பமிட்ட படிவத்தை எப்போது பொதுச் செயலாளரிடம் ஒப்படைக்கப் போகிறீர்கள் என செய்தியாளர்கள் எழுப்பிய கேள்விக்கு எஸ்.பி. வேலுமணி பதில் அளிக்க மறுத்துவிட்டு விரைவாக அங்கிருந்து அகன்றார். இந்தச் சம்பவம் அரசியல் வட்டாரத்தில் பலத்த விவாதத்தை ஏற்படுத்தியுள்ளது.

அதிமுகவின் இந்த உட்கட்சி மோதல், எதிர்கால அரசியல் களத்தில் கட்சியின் ஒற்றுமையைப் பாதிக்கும் என அரசியல் பார்வையாளர்கள் அஞ்சுகின்றனர். தற்போது இரு தரப்பினரும் பேச்சுவார்த்தைக்குத் தயாராக இருப்பதால், விரைவில் பிரச்னை தீர்வுக்கு வரும் என எதிர்பார்க்கப்படுகிறது. ஆனால், எடப்பாடி தலைமையில் கட்சியின் ஒற்றுமை எந்த அளவுக்கு நிலைநிறுத்தப்படும் என்பது இன்னும் தெளிவாகவில்லை.

இதையும் படிங்க: ஸ்டாலின் அதிரடி Move... திமுகவில் மீள் கட்டமைப்பு..! தோல்வியை ஆராயும் குழுவுடன் தீவிர ஆலோசனை..!