தமிழகத்தில் சட்டமன்றத் தேர்தல் ஏப்ரல் 23ஆம் தேதி நடக்கிறது. NDA கூட்டணியில் இடம்பிடித்துள்ள பாஜகவிற்கு 27 தொகுதிகள் ஒதுக்கப்பட்டு வேட்பாளர்களும் அறிவிக்கப்பட்டனர். தற்போது தீவிர வாக்குச் சேகரிப்பில் ஈடுபட்டு வருகின்றனர்.
தமிழ்நாடு சட்டமன்றத் தேர்தலுக்கான பாஜக தேர்தல் அறிக்கை வெளியிடப்பட்டுள்ளது. சென்னை கிண்டியில் உள்ள நட்சத்திர விடுதியில் பாஜக தேர்தல் அறிக்கையை மத்திய அமைச்சர் ஜே.பி நட்டா வெளியிட்டார். தமிழக பாஜக தலைவர் நயினார் நாகேந்திரன், அண்ணாமலை, தமிழிசை சௌந்தரராஜன் உள்ளிட்டோர் உடன் இருந்தனர்.
பொங்கல், தமிழ் புத்தாண்டு, தீபாவளி பண்டிகை முன்னிட்டு மூன்று கேஸ் சிலிண்டர்கள் இலவசமாக வழங்கப்படும் என்று வாக்குறுதி கொடுக்கப்பட்டுள்ளது. மகளிருக்கு மாதம் 2000 ரூபாய் அனைத்து குடும்பத்திற்கும் பத்தாயிரம் ரூபாய் வழங்கப்படும் என்று வாக்குறுதி கொடுக்கப்பட்டுள்ளது முருகனின் தைப்பூச திருவிழா அரசு விழாவாக கொண்டாடப்படும் என பாஜக வாக்குறுதி கொடுத்துள்ளது.
இதையும் படிங்க: உதயநிதி டயப்பர் போட்ட காலத்தில் இபிஎஸ் MLA..! அண்ணாமலை விமர்சனம்..!
மகளிர் சுய உதவி குழுக்களுக்கு 50 லட்சம் வரை பட்டியில்லா கடன் வழங்கப்படும் என அறிவிக்கப்பட்டது. தேனீ வளர்ப்பு, கோழி வளர்ப்பிற்கு சிறுகுறு விவசாயிகளுக்கு 50 ஆயிரம் ரூபாய் மானியம் ஒருமுறை வழங்கப்படும் என வாக்குறுதி கொடுக்கப்பட்டுள்ளது. மீனவர்களுக்கான மீன்பிடி தடைக்கால உதவித் தொகை 8000 ரூபாயிலிருந்து 12 ஆயிரம் ரூபாயாக உயர்த்தி வழங்கப்படும் என அறிவிக்கப்பட்டுள்ளது. கொள்முதல் நடவடிக்கையில் 20% ஒதுக்கீடு செய்யப்படும் உள்ளிட்ட பல வாக்குறுதிகள் கொடுக்கப்பட்டிருக்கிறது.
இதையும் படிங்க: 41 பேர் இறந்ததற்கு வீட்டிற்கு அழைத்து துக்கம் விசாரிப்பதா? விஜய்யை கடுமையாக சாடிய சரத்குமார்!