சென்னை மாநகராட்சி மேயர் பிரியா ராஜன், பொது மேடைகளிலும் மாமன்றக் கூட்டங்களிலும் பாரம்பரிய சேலை அணிந்து எளிமையான அலங்காரத்துடன் தோன்றுவதே வழக்கம். ஆனால் சமீபத்திய மாமன்றக் கூட்டத்துக்கு வந்தபோது அவரது தோற்றத்தில் சிறிய மாற்றம் காணப்பட்டது. ஷார்ட்டான முடியுடன் புதிய ஹேர்ஸ்டைலில் ஸ்டைலான தோற்றத்தில் வந்திருந்தார். 

கேமராக்கள் அவரைச் சுற்றி பளிச்சிட்டபோது முகத்தில் சிரிப்பு மலர்ந்தது. மீடியா கவனத்தைக் கண்டு லேசாக வெட்கப்பட்டு, ஒரு கட்டத்தில் கையால் முகத்தை மறைத்துக்கொண்டு உள்ளே நுழைந்தார். பின்னர் மேயருக்குரிய கருப்பு அங்கியை அணிந்து கூட்டத்தை நடத்தினார். இந்த வித்தியாசமான லுக் சமூக வலைதளங்களில் கவனம் ஈர்த்து வருகிறது.

1993 நவம்பர் 20 அன்று பிறந்த பிரியா, 2022 மார்ச் மாதம் 28 வயதில் மேயராகத் தேர்ந்தெடுக்கப்பட்டார். சென்னை மாநகராட்சியின் 49வது மேயரும், மூன்றாவது பெண் மேயரும், பட்டியலினத்தைச் சேர்ந்த முதல் பெண் மேயரும் ஆவார். வடசென்னை திரு.வி.க. நகர் பகுதியைச் சேர்ந்த இவர், 74வது வார்டில் கவுன்சிலராக வெற்றிபெற்று மேயர் பொறுப்பேற்றார். வணிகவியல் முதுகலைப் பட்டதாரி ஆன இவர், இளம் வயதிலேயே திமுகவில் இணைந்து அரசியலில் ஈடுபட்டார்.

இதையும் படிங்க: வங்கக்கடல் காற்றழுத்தம் கரையை கடந்தது! சென்னை உள்ளிட்ட மாவட்டங்களில் மழைக்கு வாய்ப்பு!

மேயராகப் பொறுப்பேற்றதிலிருந்து மழைநீர் வடிகால் பணிகள், மாநகராட்சிப் பள்ளிகளின் உள்கட்டமைப்பு மேம்பாடு, பூங்காக்கள் மற்றும் சுகாதார நிலையங்களின் மேம்பாடு உள்ளிட்ட பணிகளில் அவர் கவனம் செலுத்தி வருகிறார். பல்வேறு வளர்ச்சித் திட்டங்களைத் திறந்து வைத்தும், புதிய வாகனங்கள் மற்றும் மகளிர் உடற்பயிற்சிக் கூடங்களைத் தொடங்கி வைத்தும் செயல்பட்டு வருகிறார். அதேநேரம் பதவிக்காலத்தில் சில சர்ச்சைகளையும் எதிர்கொண்டார். 

சமூக ஊடகங்களில் அவதூறான தகவல்கள் பரப்பப்படுவதாகக் கூறி கமிஷனரிடம் புகார் அளித்தது, முன்னாள் அமைச்சர் சேகர்பாபுவுக்கு குடை பிடித்த காட்சி, முன்னாள் அமைச்சர் கே.என். நேரு ஒருமையில் அழைத்த காட்சி, முதல்வரின் பாதுகாப்பு வாகனத்தில் தொங்கியபடி பயணித்த காட்சி ஆகியவை விவாதங்களை ஏற்படுத்தியுள்ளன. இவற்றுக்கு அவர் முறையான விளக்கங்களை அளித்துள்ளார்.

அரசியல் பணிகள், மாநகராட்சி நிர்வாகம், சர்ச்சைகள் எனப் பல தலைப்புகளில் தொடர்ந்து பேசப்படும் பிரியாவின் இந்தப் புதிய ஹேர்ஸ்டைல், அவரது வழக்கமான எளிமையான தோற்றத்திற்கு மாற்றாக ஸ்டைலான பரிமாணத்தைச் சேர்த்துள்ளது. சமூக ஊடகங்களில் இந்தத் தோற்றம் குறித்த புகைப்படங்களும் காணொளிகளும் பரவி, நேர்மறையான கவனத்தைப் பெற்று வருகின்றன.

இதையும் படிங்க: மருத்துவமனையில் கொளத்தூர் எம்எல்ஏ வி.எஸ்.பாபு: நேரில் நலம் விசாரித்தார் முதல்வர் விஜய்!