தமிழக பட்ஜெட் தயாரிப்புப் பணிகள் தீவிரமடைந்துள்ள நிலையில், முதலமைச்சர் மு.க.ஸ்டாலின் முக்கிய முடிவை எடுத்துள்ளார். ஜூலை 2ஆம் தேதி முதல் 22ஆம் தேதி வரை ஒவ்வொரு நாளும் முதலமைச்சர் தலைமையில் வீடியோ கான்பரன்ஸ் மூலம் அமைச்சர்கள் மற்றும் உயர் அதிகாரிகளுடன் தீவிர ஆலோசனை நடத்தவுள்ளார்.

நிதிநிலை அறிக்கையில் இடம்பெறக் கூடிய முக்கிய திட்டங்கள், துறை ரீதியான முன்னுரிமைகள், மக்கள் நலத் திட்டங்களின் செயல்பாடு மற்றும் புதிய திட்டங்களின் தேவை உள்ளிட்டவை குறித்து விரிவான விவாதம் நடைபெறும் என எதிர்பார்க்கப்படுகிறது. ஒவ்வொரு துறையின் அமைச்சர்களும் தங்கள் துறை சார்ந்த திட்டங்கள், நிதி தேவைகள் மற்றும் எதிர்கால செயல்திட்டங்கள் குறித்து முதலமைச்சரிடம் நேரடியாக விளக்கமளிக்க உள்ளனர்.

இந்த ஆலோசனை கூட்டங்கள் மூலம் தமிழகத்தின் அடுத்த நிதிநிலை அறிக்கை மக்கள் நலன் சார்ந்ததாகவும், வளர்ச்சியை மையப்படுத்தியதாகவும் அமையும் வகையில் திட்டமிடப்படும் என முதலமைச்சர் அலுவலக வட்டாரங்கள் தெரிவிக்கின்றன. ஜூலை மாதத்தின் முதல் மூன்று வாரங்கள் முழுக்க இந்த ஆலோசனைக்கே ஒதுக்கப்பட்டுள்ளது என்பது குறிப்பிடத்தக்கது.

இதையும் படிங்க: போதைப்பொருள் தடுப்புப் படையின் முதல் அதிரடி நடவடிக்கை...! உயர்ரக போதை வஸ்துக்கள் பறிமுதல்..!!

இந்த நடவடிக்கை தமிழக அரசின் பட்ஜெட் தயாரிப்பை மிகவும் வெளிப்படையானதாகவும், அனைத்து தரப்பு கருத்துக்களையும் உள்ளடக்கியதாகவும் மாற்றும் என அரசியல் பார்வையாளர்கள் கருதுகின்றனர். ஜூலை மாதத்தின் முதல் மூன்று வாரங்கள் முழுவதும் முதலமைச்சரின் அலுவலகத்தில் இந்த முக்கிய ஆலோசனை கூட்டங்கள் தொடர்ந்து நடைபெற உள்ளன. தமிழக அரசின் நிர்வாகம், திட்டங்கள் மற்றும் மக்கள் நலன் சார்ந்த பல்வேறு விஷயங்கள் இதில் விரிவாகப் பேசப்படும் என எதிர்பார்க்கப்படுகிறது.

இதையும் படிங்க: "கஞ்சாவுக்கு ஓட்டம்... டாஸ்மாக்குக்கு மௌனமா? CM விஜயை கேள்விகளால் துளைத்த கிருஷ்ணசாமி..!!