தமிழகத்தில் அண்மையில் நடைபெற்ற இடைத்தேர்தலில் தாராபுரம் மற்றும் மதுராந்தகம் ஆகிய இரு தொகுதிகளிலும் தமிழக வெற்றிக் கழகம் அமோக வெற்றி பெற்றுள்ளது. கடந்த ஏப்ரல் மாதம் நடைபெற்ற சட்டப்பேரவைத் தேர்தலில் அதிமுக சார்பில் வெற்றிபெற்ற மரகதம் குமரவேல் மற்றும் சத்யபாமா ஆகியோர் பின்னர் தங்கள் பதவியை ராஜினாமா செய்து தமிழக வெற்றிக் கழகத்தில் இணைந்தனர். இதையடுத்து காலியான இந்த இரு தொகுதிகளுக்கும் அக்டோபர் 6ஆம் தேதி இடைத்தேர்தல் நடைபெற்றது.

வாக்கு எண்ணிக்கை அக்டோபர் 9ஆம் தேதி நடைபெற்றதில் இரு தொகுதிகளிலும் தமிழக வெற்றிக் கழக வேட்பாளர்கள் பெரும்பான்மை வாக்குகளுடன் வெற்றிபெற்றனர். மதுராந்தகத்தில் மரகதம் குமரவேலும் தாராபுரத்தில் சத்யபாமாவும் மீண்டும் சட்டப்பேரவைக்குத் தேர்ந்தெடுக்கப்பட்டனர். இந்த வெற்றியால் தமிழக வெற்றிக் கழகத்தின் சட்டப்பேரவைப் பலம் மேலும் உயர்ந்துள்ளது.இந்த வெற்றி தமிழக வெற்றிக் கழக ஆட்சிக்கு முக்கியத்துவம் வாய்ந்ததாகக் கருதப்படுகிறது. ஏனெனில் இது ஆட்சி அமைத்த பிறகு நடைபெற்ற முதல் இடைத்தேர்தலாகும்.

அதிமுகவின் பாரம்பரிய கோட்டைகளாகக் கருதப்பட்ட தொகுதிகளில் பெறப்பட்ட இந்த வெற்றி, மக்கள் ஆதரவை உறுதிப்படுத்தும் வகையில் அமைந்துள்ளது எனக் கட்சி வட்டாரங்கள் தெரிவிக்கின்றன. தேர்தல் முடிவுகள் வெளியானதைத் தொடர்ந்து கட்சித் தொண்டர்கள் பல்வேறு இடங்களில் கொண்டாட்டங்களில் ஈடுபட்டனர்.இந்த வெற்றியைத் தொடர்ந்து முதல்வர் விஜய் தலைமைச் செயலகத்திற்கு வருகை தந்தார்.

இதையும் படிங்க: செம்ம ஹாப்பி..! தவெக முன்னிலை.. விஜய் ஆட்சியை மக்கள் ஏற்றதாக அமைச்சர் ஷாஜகான் கருத்து.!!

வெற்றிச் செய்திகளைத் தொடர்ந்து அவர் அலுவலகப் பணிகளைத் தொடர்வதற்காகச் செயலகத்திற்குச் சென்றார். அங்கு உயர் அதிகாரிகளுடன் ஆலோசனை நடத்தினார். இடைத்தேர்தல் முடிவுகள் குறித்தும் அரசு நிர்வாகம் தொடர்பான பல்வேறு விவகாரங்கள் குறித்தும் விவாதிக்கப்பட்டதாகத் தகவல்கள் தெரிவிக்கின்றன. முதல்வர் விஜய்யின் இந்த வருகை, வெற்றியைக் கொண்டாடும் அதேவேளையில் நிர்வாகப் பணிகளில் தொடர்ச்சியான கவனம் செலுத்தப்படும் என்பதை வெளிப்படுத்துவதாக அமைந்துள்ளது. தலைமைச் செயலகத்தில் அமைச்சர்கள் நிர்மல் குமார், ஆனந்த், ஆதவ் அர்ஜுனா, அருண் ராஜ் ஆகியோருடன் வெற்றி கொண்டாட்டத்தில் ஈடுபட்டார் முதல்வர் விஜய். சட்டப்பேரவையில் செய்ததைப் போல தனது ட்ரெண்டிங்கான செய்கையை செய்து அமைச்சர்களும் முதல்வர் விஜயும் மகிழ்ந்தனர்.

இதையும் படிங்க: விண்ணை முட்டும் விலைவாசி உயர்வு.. தவெக ஆட்சியில் தள்ளாடும் மக்கள்... ஆர்.பி.உதயகுமார் கடும் விமர்சனம்...!