மதுராந்தகம் மற்றும் தாராபுரம் சட்டமன்றத் தொகுதிகளில் நடைபெறவிருக்கும் இடைத்தேர்தலில் திராவிட முன்னேற்றக் கழகம் தலைமையிலான மதச்சார்பற்ற முற்போக்குக் கூட்டணிக்கு தேசிய சிறுபான்மையினர் மக்கள் இயக்கம் முழுமையான ஆதரவு அளிப்பதாக அறிவித்துள்ளது. இன்று அண்ணா அறிவாலயத்தில் உள்ள கழக அலுவலகத்தில் கழகத் தலைவர் மு.க.ஸ்டாலினை தேசிய சிறுபான்மையினர் மக்கள் இயக்கத்தின் நிறுவனர் மற்றும் தேசியத் தலைவர் ஜோயல் சுந்தர்சிங் தலைமையிலான மாநில நிர்வாகிகள் நேரில் சந்தித்தனர்.

இந்த சந்திப்பின்போது இடைத்தேர்தலில் கழக வேட்பாளர்களின் வெற்றிக்காக தங்கள் இயக்கத்தின் நிர்வாகிகளும் தோழர்களும் முழுமையாக உழைப்பார்கள் என உறுதியளித்தனர். ஜோயல் சுந்தர்சிங் தலைமையில் வந்த குழுவினர் மு.க.ஸ்டாலினை சந்தித்து, சிறுபான்மையினர் நலன்களைப் பாதுகாக்கும் தி.மு.க. அரசின் கொள்கைகளுக்குத் தங்கள் ஆதரவை வெளிப்படுத்தினர்.

மதச்சார்பற்ற கொள்கைகளையும் முற்போக்கான நிலைப்பாட்டையும் முன்னிறுத்தி வரும் தி.மு.க. தலைமையிலான கூட்டணியே மக்களின் நம்பிக்கையைப் பெறத் தகுதியானது என்றும், அதற்காக தங்கள் இயக்கம் முழு வலிமையுடன் செயல்படும் என்றும் தெரிவித்தனர். இந்தச் சந்திப்பின்போது செய்தித் தொடர்புத் தலைவர் டி.கே.எஸ்.இளங்கோவன் மற்றும் மாநில சிறுபான்மையினர் நல உரிமைப் பிரிவுச் செயலாளர் சுபேர்கான் ஆகியோர் உடனிருந்தனர்.

இதையும் படிங்க: பெற்றோர்களே கவனம்! 14 வயது மகள்களுக்கு இலவச HPV தடுப்பூசி – தமிழகத்திலும் தீவிரப்படுத்தப்படும் திட்டம்!!

தேசிய சிறுபான்மையினர் மக்கள் இயக்கம், தமிழகத்தில் உள்ள சிறுபான்மைச் சமூகங்களின் உரிமைகளைப் பாதுகாப்பதையும், அவர்களின் முன்னேற்றத்திற்காகப் பாடுபடுவதையும் தனது முக்கிய நோக்கமாகக் கொண்டு செயல்பட்டு வருகிறது. இடைத்தேர்தல் நடைபெறும் இரு தொகுதிகளிலும் கழக வேட்பாளர்களுக்கு ஆதரவு திரட்டுவதற்காக மாவட்ட மற்றும் தொகுதி அளவிலான நிர்வாகிகள் ஏற்கனவே தயாராகி வருகின்றனர். 

இதையும் படிங்க: மதுராந்தகம், தாராபுரம் இடைத்தேர்தல்..! விறுவிறு ஏற்பாடுகள்... தீவிர வாகனச் சோதனை..!!