திமுக மகளிரணி செஞ்சி சிறுமி காணாமல் போன விவகாரத்தில் கடும் கண்டனம் தெரிவித்துள்ளது. விழுப்புரம் மாவட்டம் செஞ்சி அருகே பிறந்தநாள் கொண்டாடிவிட்டு கடந்த 12ஆம் தேதி வீட்டிலிருந்து மாயமான ஏழு வயது சிறுமியை ஒன்பது நாட்கள் கடந்தும் கண்டுபிடிக்க முடியாத நிலையை சுட்டிக்காட்டிய அணி, தவெக அரசின் செயல்பாட்டை கடுமையாக விமர்சித்துள்ளது. தனிப்படைகள் அமைத்து தேடுதல் பணி நடத்தப்பட்டும் எந்தவொரு தடயமும் கிடைக்காமல் காவல்துறை திணறி வருவதாக மகளிரணி குறிப்பிட்டுள்ளது.

செஞ்சி பகுதியில் நடந்த இந்த சம்பவம் அப்பகுதி மக்களிடையே பெரும் அதிர்ச்சியையும் வேதனையையும் ஏற்படுத்தியுள்ள நிலையில், அரசின் மெத்தனப் போக்கு மேலும் அதை அதிகரித்துள்ளதாக திமுக மகளிரணி சுட்டிக்காட்டியுள்ளது. பிறந்தநாளை மகிழ்ச்சியுடன் கொண்டாடிய ஒரு சிறுமி மறுநாளே வீட்டிலிருந்து காணாமல் போனது குடும்பத்தினரை மட்டுமல்லாமல் ஒட்டுமொத்த சமூகத்தையும் அதிர்ச்சிக்குள்ளாக்கியுள்ளது. ஆனால் இந்த வேதனையான சூழலில் அரசு எடுக்கும் நடவடிக்கைகள் போதுமானதாக இல்லை என்றும், தேடுதல் பணியில் எந்த முன்னேற்றமும் இல்லாதது பெற்றோரின் துயரத்தை மேலும் ஆழமாக்குவதாகவும் அணி தெரிவித்துள்ளது.

தங்கள் உரிமைகளுக்காக அறவழியில் போராடும் அப்பாவி மக்கள் மீதும் இளைஞர்கள் மீதும் பாய்ந்து அடக்குமுறையை ஏவும் இந்த காவல்துறைக்கு, காணாமல் போன ஒரு பிஞ்சுக் குழந்தையைக் கண்டுபிடிக்க மட்டும் வக்கில்லையா என்று கேள்வி எழுப்பியுள்ளது திமுக மகளிரணி. பொதுமக்கள் அமைதியாக தங்கள் கோரிக்கைகளை முன்வைக்கும்போது காவல்துறை கடுமையான நடவடிக்கைகளை எடுக்கத் தயாராக இருப்பதாகவும், ஆனால் ஒரு சிறுமியின் உயிரைப் பாதுகாக்கும் அல்லது அவளை மீட்கும் பணியில் அதே உறுதியும் விரைவும் இல்லாதது ஏற்றுக்கொள்ள முடியாதது என்றும் அணி வலியுறுத்தியுள்ளது. இந்த இரட்டை நிலைப்பாடு அரசின் முன்னுரிமைகளை வெளிப்படுத்துவதாகவும், குழந்தைகளின் பாதுகாப்பு என்பது இரண்டாம் பட்சமாக பார்க்கப்படுவதாகவும் கண்டனம் தெரிவிக்கப்பட்டுள்ளது.

இதையும் படிங்க: காவல்துறையின் உச்சக்கட்ட அலட்சியம்... 15 வயது சிறுமி 15 நாட்களாக மாயம்... கதறித்துடிக்கும் பெற்றோர்...!

தமிழ்நாட்டில் என்ன நடக்கிறது என்றே தெரியாத ஒரு டம்மி முதலமைச்சரை வைத்துக்கொண்டு, காணாமல் போன ஒரு சிறுமியின் கதி என்னவென்றே தெரியாமல் ஒன்பது நாட்களாக கைகட்டி வேடிக்கை பார்க்கும் இந்தக் கையாலாகாத தவெக ஆட்சி தமிழ்நாட்டிற்கே மாபெரும் தலைகுனிவு என்று திமுக மகளிரணி குற்றம் சாட்டியுள்ளது. சோபா மாடல் அரசு என்று அழைக்கப்படும் இந்த நிர்வாகத்தால் சிறுமியை மீட்கும் திறன் இல்லை என்றும், அடிப்படை நிர்வாகப் பொறுப்புகளில் கூட தோல்வியடைந்துள்ளதாகவும் அணி சுட்டிக்காட்டியுள்ளது. முதலமைச்சர் பதவியில் இருப்பவர் மாநிலத்தின் நிகழ்வுகளைப் பற்றி அறிந்திருக்காத நிலை, ஆட்சியின் செயல்திறன் குறித்து பெரும் கேள்விகளை எழுப்புவதாக மகளிரணி தெரிவித்துள்ளது. 

இதையும் படிங்க: நாதக வேட்பாளர் கார்த்திகா கைது: தவெக அரசுக்கு திமுக எம்.பி கனிமொழி கண்டனம்!