சட்டமன்றத் தேர்தல்..! எல்லாரும் ஓட்டுப் போடுங்க..! நாளை நகைக்கடைகள் இயங்காது என அறிவிப்பு..!

தமிழகத்தில் நாளை, அதாவது ஏப்ரல் 23 அன்று, சட்டமன்றப் பொதுத் தேர்தல் ஒரே கட்டமாக நடைபெற உள்ளது. மாநிலத்தின் 234 தொகுதிகளிலும் உள்ள வாக்காளர்கள் தங்கள் வாக்குரிமையைப் பயன்படுத்தி, அடுத்த ஐந்து ஆண்டுகளுக்கு சட்டமன்ற உறுப்பினர்களைத் தேர்ந்தெடுக்கும் முக்கிய நிகழ்வாக இது கருதப்படுகிறது. வாக்குப்பதிவு காலை 7 மணி முதல் மாலை 6 மணி வரை நடைபெறும் என அறிவிக்கப்பட்டுள்ளது.

வாக்குகள் எண்ணிக்கை மே 4 அன்று நடைபெற்று, அதன் முடிவுகள் அதே நாளில் அறிவிக்கப்படும். இந்தத் தேர்தல் குறித்து தமிழகம் முழுவதும் பெரும் எதிர்பார்ப்பு நிலவுகிறது. தேர்தல் ஆணையம், அரசியல் கட்சிகள், ஊடகங்கள் மற்றும் சமூக அமைப்புகள் உள்ளிட்ட பல தரப்பினரும், “அனைவரும் வாக்களிக்க வேண்டும்” என்பதை வலியுறுத்தி தீவிர பிரசாரத்தில் ஈடுபட்டு வந்தனர்.

வாக்காளர் பட்டியலில் பெயர் இருந்தும், பலர் வாக்களிக்காமல் இருப்பதைத் தவிர்க்க, சமூக ஊடகங்கள், பள்ளிகள், கல்லூரிகள், அலுவலகங்கள் மற்றும் கிராமப் பகுதிகளில் சிறப்பு முகாம்கள், பேரணிகள், விழிப்புணர்வு நிகழ்ச்சிகள் ஏற்பாடு செய்யப்பட்டுள்ளன. தேர்தல் அதிகாரிகள், “ஜனநாயகத்தின் அடிப்படை உரிமையான வாக்குரிமையைப் பயன்படுத்தி, ஒவ்வொரு குடிமகனும் தன் பங்கை ஆற்ற வேண்டும்” என வலியுறுத்தி வருகின்றனர்.

இதையும் படிங்க: கேள்வியா கேக்குற..? பணப்பட்டுவாடாவை தட்டி கேட்ட அதிமுக நிர்வாகிக்கு அரிவாள் வெட்டு..!

இந்த நிலையில் அனைவரும் வாக்களிப்பதை உறுதி செய்யும் வகையில் நகைக்கடை உரிமையாளர்கள் முக்கிய அறிவிப்பை வெளியிட்டுள்ளனர். தமிழ்நாடு சட்டமன்ற தேர்தலை முன்னிட்டு சென்னையில் உள்ள நகைக்கடைகள் நாளை இயங்காது என அறிவிக்கப்பட்டுள்ளது. நகை வியாபாரிகள், பணியாளர்கள் என அனைவரும் வாக்களிப்பதை உறுதி செய்யும் வகையில் நகைக்கடைகளுக்கு நாளை விடுமுறை அறிவிக்கப்பட்டிருக்கிறது. 

இதையும் படிங்க: ராயபுரம் தொகுதியில் ஓட்டுக்கு 1000 ரூபாய்.? அதிகாரிகள் கண்டு கொள்ளவில்லை என குற்றச்சாட்டு..!!