தமிழக அரசியலின் புதிய அலைகளைத் தாண்டி, நடிகர் விஜய்யின் தமிழக வெற்றிக்கழகம் மக்களுடன் நேரடி தொடர்பைப் பேணி வருகிறது. கரூர் துயரச் சம்பவத்தைத் தொடர்ந்து ஓரளவு தாமதமான இந்தப் பயணங்கள், தற்போது மீண்டும் தீவிரமடைகின்றன. இந்நிலையில், வரும் டிசம்பர் 16-ஆம் தேதி ஈரோடு மாவட்டத்தில் நடைபெறவிருக்கும் பொதுக்கூட்டம், விஜய்யின் மக்கள் சந்திப்பு தொடர்ச்சியின் முக்கிய அங்கமாகத் திகழ்கிறது.

இந்த நிகழ்ச்சி, அரசியல் ரீதியாக ஈரோடு மாவட்ட மக்களின் எதிர்பார்ப்புகளைப் பூர்த்தி செய்யும் அதேவேளை, த.வெ.க.வின் அமைப்பு வலிமையை வெளிப்படுத்தும் ஒரு பெரிய தளமாக அமைய உள்ளது. ஈரோடு, தமிழகத்தின் மேற்குருவான இந்த மாவட்டம், தொழில் மற்றும் விவசாய அடிப்படையிலான பொருளாதார வளத்துடன், அரசியல் ரீதியாகவும் எப்போதும் உயர்ந்த கவனத்தைப் பெறுவது வழக்கம். இங்கு விஜய்யின் வருகை, குறிப்பாக பவளத்தாம்பாளை பகுதியில் நடைபெறும் இந்தப் பொதுக்கூட்டம், மாவட்ட மக்களிடையே ஏற்கனவே பெரும் உற்சாகத்தை ஏற்படுத்தியுள்ளது.

த.வெ.க.வின் தலைமை நிர்வாகக் குழு ஒருங்கிணைப்பாளரும், அமைப்புச் செயலாளருமான கே.ஏ.செங்கோட்டையன் தலைமையில் நடைபெறும் இந்த ஏற்பாடுகள், அக்கட்சியின் அண்மையிலான சேர்க்கைக்குப் பிறகு இன்னும் வலுவடைந்துள்ளன. 

இதையும் படிங்க: நம்ப வைத்து ஏமாத்துறது தான் திமுகவின் வேலையே... WARNING கொடுத்த விஜய்...!

இந்தப் பொதுக்கூட்டம், பெருந்துறை அருகே பவளத்தாம்பாளையில் அமைந்துள்ள 7 ஏக்கர் பரப்பளவு இடத்தில் ஏற்பாடு செய்யப்பட்டுள்ளது. விஜய் பொதுக்கூட்டம் நடத்தும் இடத்தில் தமிழக வெற்றி கழகத்தின் தலைமை நிர்வாக குழு ஒருங்கிணைப்பாளரும் அமைப்புச் செயலாளருமான செங்கோட்டையன் ஆய்வு செய்தார். நிகழ்ச்சிக்கான இடத்தை பார்வையிட்டதுடன் பல்வேறு அறிவுரைகளை வழங்கினார். பணிகளை தீவிர படுத்தவும் அறிவுறுத்தினார். 

இதையும் படிங்க: தமிழ்நாட்டிற்கு மட்டுமல்ல புதுச்சேரிக்கும் சேர்த்து குரல் கொடுப்பேன்., தொண்டர்கள் புடை சூழ விஜய் உரை…!