தமிழ்நாட்டின் அரசியல் களம் தற்போது முக்கியமான திருப்பத்தை சந்தித்து வருகிறது. தமிழக வெற்றி கழக தலைவர் ஜோசப் விஜய் தலைமையில் அமைக்கப்பட்டுள்ள அரசு, கூட்டணி கட்சிகளுடன் வலுவான நிலையில் செயல்பட்டு வரும் நிலையில், அமைச்சரவை விரிவாக்கம் தொடர்பான பேச்சுவார்த்தைகள் தீவிரமடைந்துள்ளன. இந்த சூழலில், இந்திய யூனியன் முஸ்லிம் லீக் (ஐயூஎம்எல்) கட்சியை தவெக அமைச்சரவையில் இணைக்க அழைப்பு விடுக்கப்பட்டுள்ளது.

இதனைத் தொடர்ந்து, ஐயூஎம்எல் சார்பில் நாளை அவசர ஆலோசனை கூட்டம் நடைபெற இருப்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. சமீபத்திய சட்டமன்றத் தேர்தலில் தவெக 108 இடங்களில் வெற்றி பெற்று தனிப்பெரும் கட்சியாக உருவெடுத்தது. பெரும்பான்மைக்கு தேவையான எண்ணிக்கையை எட்ட காங்கிரஸ், சிபிஐ, சிபிஎம், விடுதலைச் சிறுத்தைகள் கட்சி மற்றும் ஐயூஎம்எல் உள்ளிட்ட கட்சிகளின் ஆதரவைப் பெற்று ஆட்சியை அமைத்தது.

ஐயூஎம்எல் தனது இரு எம்எல்ஏக்களுடன் நிபந்தனையற்ற ஆதரவை அளித்ததன் மூலம் தவெகவுக்கு 120-க்கும் மேற்பட்ட எம்எல்ஏக்களின் பலம் கிடைத்தது. இந்த ஆதரவு, அரசியல் சூழலில் முக்கியமானதாகக் கருதப்பட்டது. இன்று தவெக சார்பில் வெளியான அறிவிப்பு மேலும் முக்கியத்துவம் பெறுகிறது. பொதுப்பணி மற்றும் விளையாட்டு மேம்பாட்டுத் துறை அமைச்சர் ஆதவ் அர்ஜுனா, செய்தியாளர்களிடம் பேசியபோது, விசிக தலைவர் திருமாவளவனை அமைச்சரவையில் இணைக்க அழைப்பு விடுக்கப்பட்டுள்ளதாகவும், அதேபோல் ஐயூஎம்எல் கட்சியும் அமைச்சரவையில் பங்கேற்க வேண்டும் என்பது முதல்வர் விஜய்யின் விருப்பம் என்றும் தெரிவித்தார்.

இதையும் படிங்க: #BREAKING: விஜய்க்கு IUML கட்சி முழு ஆதரவு..! தவெக பலம் 120 ஆக உயர்வு..!

மதச்சார்பற்ற கட்சிகள் அமைச்சரவையில் இடம்பெற வேண்டும் என்பதில் தவெக உறுதியாக உள்ளது என்று அவர் வலியுறுத்தினார். இந்த அழைப்பு, தவெக அரசின் விரிவாக்கத் திட்டத்தின் ஒரு பகுதியாகக் கருதப்படுகிறது. இந்த அழைப்பு காரணமாக ஐயூஎம்எல் கட்சி நாளை அவசர ஆலோசனை கூட்டத்தை நடத்த முடிவு செய்துள்ளது. 

இதையும் படிங்க: சொல்லுங்க விஜய் சொல்லுங்க... முகத்தை மூடிக் கொண்டு வந்தது யாரு?... முதல்வரை விடாமல் விரட்டும் பிரேமலதா...!