தமிழக வெற்றிக் கழகம் ஆட்சி பொறுப்பு ஏற்றதில் இருந்து அதிமுகவினர் பலர் அக்கட்சியில் இணைந்து வருகின்றனர். 2021 தேர்தலில் பெரும்பான்மையுடன் வெற்றி பெற்று ஆட்சியமைத்த மு.க. ஸ்டாலின் தலைமையிலான அரசு, 2026 சட்டமன்ற தேர்தலில் கடும் வீழ்ச்சியை சந்தித்து உள்ளது.

இதற்கிடையில் மூன்றாம் இடத்திற்கு தள்ளப்பட்ட அதிமுக கட்சியின் பிளவு மற்றும் அதிருப்தி உள்ளிட்டவை காரணமாக பிளவுபட்டு வருகிறது. பல்வேறு அதிமுகவினர் தமிழக வெற்றி கழகத்தில் ஐக்கியமாகி வருகின்றனர். இந்த நிலையில் அதிமுகவின் முன்னாள் சட்டமன்ற உறுப்பினர்கள் மற்றும் முன்னாள் அமைச்சர்கள் பலர் தமிழக வெற்றி கழகத்தில் இணைந்தனர்.

அதிமுக முன்னாள் அமைச்சர்கள் கடம்பூர் ராஜு, எம்.சி. சம்பத், உடுமலை ராதாகிருஷ்ணன் ஆகியோர் தமிழக வெற்றி கழகத்தில் ஐக்கியம் ஆகினர். மேலும் ஏராளமான அதிமுகவினர் தங்களை தமிழக வெற்றிக் கழகத்தில் இணைத்துக் கொண்டுள்ளனர். அமைச்சர்கள் ஆனந்த், ஆதவ் அர்ஜுனா, வெங்கட்ரமணன், மரிய வில்சன் ஆகியோர் முன்னிலையில் சென்னை பனையூர் கட்சி அலுவலகத்தில் இந்த நிகழ்ச்சி நடைபெற்றது. 

இதையும் படிங்க: திக்கு தெரியாமல் இருந்தோம்..! நன்றி விஜய்..!! முதல்வருக்கு புகழாரம் சூட்டிய உடுமலை ராதாகிருஷ்ணன்..!

இந்த நிலையில், நிகழ்ச்சியில் பேசிய போது, ஆட்சி மாற்றம் ஏற்படுத்திய விஜய் வாழ்கின்ற காலம் வரை முதலமைச்சராக வாழ்வார் என அதிமுக முன்னாள் அமைச்சர் கடம்பூர் ராஜூ தெரிவித்தார். தமிழக வெற்றி கழகத்தில் இணையே தாய் உள்ளத்தோடு ஒப்புதல் அளித்த பொற்கால முதல்வர் விஜய்க்கு நன்றி என்றும் கூறியுள்ளார். 

இதையும் படிங்க: என்ன பேச்சு இதெல்லாம்..? அமைச்சர் நிர்மல் குமார் கருத்து..! போர்க்கொடி தூக்கிய தமிழிசை..!!