கோவை விமான நிலையத்தில் அமைச்சர் ஆதவ் அர்ஜுனா செய்தியாளர்களை சந்தித்து பேசினார். அப்போது, எதிர்க்கட்சித் தலைவர் உதயநிதி மீது குற்றச்சாட்டை முன்வைத்துள்ளார். தேர்தல் பரப்புரையில் உதயநிதி ஸ்டாலின் மிகவும் ஆபாசமாக பேசுவதாக தெரிவித்தார். வெறும் பத்து சதவீதம் வாக்கு வங்கி உள்ள கட்சியாக மட்டுமே அதிமுக தற்போது இருக்கிறது என்று கூறியுள்ளார்.

எம்ஜிஆர் மற்றும் ஜெயலலிதா கட்டிக் காப்பாற்றிய அதிமுக தற்போது இல்லை எனவும் கூறியுள்ளார். எடப்பாடி பழனிச்சாமியை விட்டு அதிமுக முன்னாள் அமைச்சர்களில் பெரும்பாலானவர்கள் விலகியது ஏன் என்ற கேள்வி எழுப்பினார். கடந்த சட்டமன்றத் தேர்தலில் எடப்பாடி பழனிச்சாமியின் நடவடிக்கையை அதிமுகவினர் ஏற்கவில்லை என்று குறிப்பிட்டு பேசினார்.

கொங்கு பகுதி மக்கள் அனைவரும் ஊழலற்ற நிர்வாகம் வேண்டும் என்று எண்ணுவதாக தெரிவித்தார். கூட்டணியில் பாமக இல்லை என்றால் எடப்பாடி பழனிச்சாமி கூட வென்று இருக்க முடியாது என தெரிவித்துள்ளார். திமுகவின் பொதுச் செயலாளர் போல் எடப்பாடி பழனிச்சாமி பேசி வருவதாகவும் முதல்வர் விஜய் குறித்து திமுக போன்று தனிப்பட்ட விமர்சனங்களை எடப்பாடி பழனிச்சாமி தொகுத்து வருவதாகவும் குற்றம் சாட்டினார்.

இதையும் படிங்க: நகையை திருடி பைக் பரிசு..! கம்பி எண்ணும் காதலி... தலைமறைவான காதலன்..!!

அதிமுகவின் தற்போது இருப்பது எடப்பாடி பழனிச்சாமியும் அவரது மகன் மிதுன் மட்டும் தான் என்று விமர்சித்தார். தேர்தலுக்கு முன்பே வேலுமினியும் தங்கமணியும் ஒதுக்கப்பட்டதற்கு எடப்பாடி பழனிச்சாமியின் மகன் மிதுனே காரணம் என குற்றம் சாட்டினார். எடப்பாடி பழனிச்சாமியை பொதுச்செயலாளராக பாடுபட்ட வேலுமணி, தங்கமணி, விஜயபாஸ்கரையை அவர் தூக்கி எறிந்து விட்டார் என்று தெரிவித்துள்ளார். 

இதையும் படிங்க: கோவையில் அடுத்தடுத்து சிலிண்டர்கள் வெடித்து விபத்து... சுக்குநூறாகிய வீடுகள்..! பெரும் பரபரப்பு..!!