அமைச்சர் மா. சுப்பிரமணியன் தமிழக அரசியலில் நீண்டகால அனுபவம் கொண்ட மூத்த தலைவர்களில் ஒருவர். அவரது அரசியல் பயணம் 1970களில் தொடங்கியது. திராவிட முன்னேற்றக் கழகத்தில் இணைந்த அவர், கட்சியின் இளைஞர் அணியில் துணைப் பொதுச் செயலாளராகப் பொறுப்பு வகித்து வருகிறார். முதலமைச்சர் மு.க. ஸ்டாலினுக்கு நெருக்கமானவராக அறியப்படும் இவர், சென்னை உயர்நீதிமன்றத்தில் 1999 முதல் வழக்கறிஞராகப் பணியாற்றி வரும் பின்னணியுடன், உள்ளூர் அரசியலில் இருந்து மாநில அளவில் உயர்ந்துள்ளார்.
அவரது தேர்தல் அனுபவம் மிகவும் விரிவானது. 2006-2011 காலகட்டத்தில் சென்னை மாநகர மேயராகப் பதவி வகித்தார். இதைத் தொடர்ந்து 2016 தமிழ்நாடு சட்டமன்றத் தேர்தலில் மா. சுப்பிரமணியன் சைதாப்பேட்டை தொகுதியில் திமுக வேட்பாளராகக் களமிறங்கினார். 2021 சட்டமன்றத் தேர்தலில் மா. சுப்பிரமணியன் மீண்டும் சைதாப்பேட்டை தொகுதியில் திமுக சார்பில் போட்டியிட்டார்.
அப்போது அதிமுகவின் முன்னாள் மேயர் சைதை சா. துரைசாமியுடன் நேரடி மோதல் ஏற்பட்டது. இரு முன்னாள் மேயர்களுக்கும் இடையிலான இந்தப் போட்டி பெரும் கவனத்தை ஈர்த்தது. மா. சுப்பிரமணியன் சுமார் 80,194 வாக்குகள் பெற்று, எதிராளியை விட 29,408 வாக்குகள் அதிகம் பெற்று அபார வெற்றி பெற்றார்.
இதையும் படிங்க: காப்பி அடிச்சது ADMK தான்... திமுக ஆட்சியில் 404 வாக்குறுதிகள் நிறைவேற்றம்... கனிமொழி MP பிரஸ்மீட்..!!
2026 சட்டமன்றத் தேர்தலிலும் மா. சுப்பிரமணியன் சைதாப்பேட்டை தொகுதியில் களம் காண்கிறார். சுகாதாரத்துறை அமைச்சர் மா. சுப்பிரமணியன் இன்று வேட்பு மனுதாக்கல் செய்தார். சைதாப்பேட்டை தொகுதியில் மீண்டும் போட்டியிடும் அமைச்சர் மா. சுப்பிரமணியன் கிண்டி வருவாய் கோட்டாட்சியர் அலுவலகத்தில் தனது வேட்பு மனுவை தாக்கல் செய்துள்ளார்.
இதையும் படிங்க: சூடு பிடித்த அரசியல் களம்.. கூட்டணி தலைவர்களுக்கு தேநீர் விருந்து..! முதல்வர் ஸ்டாலின் இன்று முக்கிய ஆலோசனை..!!