தாராபுரம் சட்டமன்றத் தொகுதி இடைத்தேர்தல் தமிழக அரசியலில் பெரும் கவனத்தை ஈர்த்த நிகழ்வாக அமைந்தது. 2026 ஆம் ஆண்டு நடைபெற்ற சட்டப்பேரவைத் தேர்தலில் அதிமுக சார்பில் வெற்றி பெற்ற சத்தியபாமா, பின்னர் தனது பதவியை ராஜிநாமா செய்து தமிழக வெற்றிக் கழகத்தில் இணைந்ததால் இந்தத் தொகுதி காலியானது. அதனைத் தொடர்ந்து அக்டோபர் 6 ஆம் தேதி நடைபெற்ற இடைத்தேர்தலில் தவெக, அதிமுக, திமுக உள்ளிட்ட கட்சிகள் கடுமையான போட்டியில் ஈடுபட்டன.

கடந்த பொதுத்தேர்தலில் தவெக இங்கு மூன்றாம் இடத்திலேயே நின்றது. ஆனால் ஆட்சி அமைத்த பின்னர் நடைபெறும் முதல் இடைத்தேர்தல் என்பதால், இது ஆளும் கட்சியின் மதிப்பீடாகவே பார்க்கப்பட்டது.இந்தச் சூழலில் கைத்தறி மற்றும் கதர் துறை அமைச்சர் விஜய் பாலாஜி பேட்டியளித்து தனது நம்பிக்கையை வெளிப்படுத்தினார். மக்கள் முன்பு பொய் பிரசாரங்களை நம்பி வாக்களித்திருந்தனர் என்றும், இப்போது அந்த நிலை மாறிவிட்டது என்றும் அவர் குறிப்பிட்டார். அதிமுகவையும் திமுகவையும் புறக்கணித்துவிட்டு மக்கள் தவெகவை ஏற்றுக்கொள்ளத் தொடங்கியுள்ளனர் என அவர் தெரிவித்தார்.

கடந்த தேர்தலில் மூன்றாம் இடத்தில் இருந்த தவெக, இன்று முதல் இடத்திற்கு வந்துள்ளது என்றும், நகர்ப்புறப் பகுதிகளின் வாக்குகள் எண்ணப்படும்போது அந்த மாற்றம் தெளிவாகத் தெரியும் என்றும் அவர் நம்பிக்கை தெரிவித்தார். அதிமுக, திமுகவின் பாரம்பரிய கோட்டைகளை மக்கள் சக்தியால் உடைத்து தவெக முன்னிலை பெறும் என்று அவர் உறுதியாகப் பேசினார்.

இதையும் படிங்க: IAS அதிகாரிகள் அதிரடி பணியிட மாற்றம்... உள்துறை செயலராக கார்த்திக் நியமனம்..! தமிழக அரசு அறிவிப்பு..!!

அமைச்சர் மேலும் கூறியதாவது, இடைத்தேர்தல் என்றாலே திருமங்கலம் ஃபார்முலா என்று பலரும் பேசுவர். ஆனால் இம்முறை அதை உடைத்து ஆளும் கட்சியாக இருந்தபோதிலும் ஒரு ரூபாய் கூட பணம் கொடுக்காமல் மிகப்பெரிய வெற்றியை அடையப்போகிறோம். தாராபுரத்தில் தவெக கூட்டணி ஒரு லட்சம் வாக்கு வித்தியாசத்தில் வெற்றி பெறும் என்ற நம்பிக்கை தங்களுக்கு உள்ளது என அவர் தெரிவித்தார். 

இதையும் படிங்க: டாஸ்மாக் பாரில் கடனா..? அமைச்சர் விக்னேஷ் சொன்னது என்ன.? தமிழ்நாடு அரசு விளக்கம்.!