தமிழ்நாட்டில் தனியார் பள்ளிகளுக்கு நிரந்தர அங்கீகாரம், தரம் உயர்த்துதல், டிடிசிபி மற்றும் சிஎம்டிஏ அனுமதிகள் உள்ளிட்ட சட்டப்பூர்வ அனுமதிகளைப் பெற்றுத் தருவதாகக் கூறி பல கோடி ரூபாய் வசூலித்ததாக எழுந்த முறைகேடு வழக்கு தொடர்ந்து அரசியல் வட்டாரங்களில் பெரும் பரபரப்பை ஏற்படுத்தி வருகிறது. இந்த வழக்கில் முக்கிய குற்றவாளியாகக் குறிப்பிடப்படும் முன்னாள் எம்எல்ஏ முத்துக்குமார் தலைமறைவாக இருந்து வரும் நிலையில், அவரது முன்ஜாமீன் மனு தொடர்பான நடவடிக்கைகள் நீதிமன்றங்களில் இடம்பெற்றுள்ளன. 

அதேநேரம், இந்த வழக்கில் தொடர்புடையதாகக் குற்றம் சாட்டப்பட்ட திமுக முன்னாள் அமைச்சர் அன்பில் மகேஸ் பொய்யாமொழி கைது செய்யப்பட்டு நீதிமன்ற காவலில் அடைக்கப்பட்டுள்ளார்.கடந்த திமுக ஆட்சிக் காலத்தில் பள்ளிக் கல்வித் துறை அமைச்சராக இருந்த அன்பில் மகேஸ் பதவியில் இருந்தபோது, தனியார் பள்ளி நிர்வாகிகளிடம் அரசியல் செல்வாக்கைப் பயன்படுத்தி அனுமதிகளைப் பெற்றுத் தருவதாக வாக்குறுதி அளித்து பணம் வசூலிக்கப்பட்டதாக புகார்கள் எழுந்தன.

தமிழ்நாடு தனியார் பள்ளிகள் சங்கம் என்ற பெயரில் பதிவு செய்யப்படாத அமைப்பு மூலம் இந்த நடவடிக்கை நடைபெற்றதாகக் கூறப்படுகிறது. இந்த அமைப்பின் தலைவராக பி.டி. அரசகுமார் மற்றும் பொருளாளராக முத்துக்குமார் செயல்பட்டதாக விசாரணையில் தெரியவந்துள்ளது. முத்துக்குமார் முன்னாள் தேமுதிக எம்எல்ஏ ஆவார். விருதாச்சலம் தொகுதியில் இருந்து தேர்ந்தெடுக்கப்பட்டவர்.

இதையும் படிங்க: ஜம்முவை புறக்கணித்த ஒமர் அப்துல்லா அமைச்சரவை மாற்றம்!! இந்துக்களுக்கு பிரதிநிதித்துவம் இல்லை! கடும் விமர்சனம்!

அவர் அன்பில் மகேஸுக்கு நெருக்கமானவராக இருந்ததாகவும், பள்ளி நிர்வாகிகளிடம் பேச்சுவார்த்தை நடத்தி பணம் பெற்றதாகவும் காவல்துறை தரப்பில் தெரிவிக்கப்பட்டுள்ளது. முத்துக்குமார் சென்னை உயர் நீதிமன்றத்தில் முன்ஜாமீன் கோரி மனு தாக்கல் செய்தார். ஆனால் வழக்கின் தீவிரத்தன்மை மற்றும் விசாரணைக்கு அவர் தேவைப்படுவதைக் கருத்தில் கொண்டு உயர் நீதிமன்றம் அந்த மனுவைத் தள்ளுபடி செய்தது. இதைத்தொடர்ந்து அவர் உச்ச நீதிமன்றத்தை நாடினார். அவரது முன் ஜாமின் மனுவை உச்சநீதிமன்றமும் தற்போது தள்ளுபடி செய்துள்ளது.

இதையும் படிங்க: தேனி சிறை கைதிகள் எஸ்கேப்! தலைமறைவாக உள்ள 2 பேர் டூவிலரில் தப்பொயோட்டம்? போலீசார் தீவிர சோதனை!