தமிழகச் சட்டமன்றத் தேர்தல் 2026-க்கு இன்னும் சில மாதங்களே உள்ள நிலையில், தமிழக அரசியலில் ஒரு மிகப்பெரிய மாற்றமாக மதுரையில் இன்று பிரம்மாண்டமான 'தாய்க் கழகத்தில் இணையும் விழா' நடைபெற்று வருகிறது. முன்னாள் முதலமைச்சர் ஓ. பன்னீர்செல்வம் (OPS) அவர்களின் ஏற்பாட்டில் நடைபெறும் இந்த விழாவில், சுமார் 50,000-க்கும் மேற்பட்ட அவரது ஆதரவாளர்கள் மற்றும் அதிமுக நிர்வாகிகள், தமிழக முதலமைச்சர் மற்றும் திமுக தலைவர் மு.க. ஸ்டாலின் முன்னிலையில் தங்களை திமுகவில் இணைத்துக் கொண்டுள்ளனர்.
ஒரே மேடையில் ஸ்டாலின் - ஓபிஎஸ்: கடந்த பிப்ரவரி 27-ஆம் தேதி ஓ. பன்னீர்செல்வம் அவர்கள் திமுகவில் இணைந்ததைத் தொடர்ந்து, இன்று மதுரையில் தனது செல்வாக்கை நிரூபிக்கும் வகையில் இந்த மாபெரும் இணைப்பு விழாவிற்கு அவர் ஏற்பாடு செய்துள்ளார்.
திமுகவில் இணைய உள்ளவர்களில் 80 சதவீதத்தினர் அதிமுகவின் அடிமட்டத் தொண்டர்கள்" என ஓபிஎஸ் ஏற்கனவே அறிவித்திருந்தார். மதுரை திருமங்கலம் அருகே இதற்காக அமைக்கப்பட்டுள்ள பிரம்மாண்ட மேடையில், தேனி, மதுரை உள்ளிட்ட தென் மாவட்டங்களிலிருந்து ஆயிரக்கணக்கானோர் திரண்டுள்ளனர்.
இதையும் படிங்க: கட்சி தாவியதும் மாறிய ஓபிஎஸ்.. சட்டை பாக்கெட், காரில் நடந்த மாற்றம்..!! ஒரே நாளில் இப்படி ஒரு சேன்ஜ்-ஆ..!!
மேடையில் உரையாற்றிய முதலமைச்சர் மு.க. ஸ்டாலின், ஓபிஎஸ் மற்றும் அவரது ஆதரவாளர்களை "தாய் கழகத்திற்குத் திரும்பிய அன்புக்குரிய உடன்பிறப்புகள்" எனப் பாராட்டி, அவர்களைப் பொன்னாடை போர்த்தி வரவேற்றார்.
2026 தேர்தலுக்கு முன்னதாக, தென் தமிழகத்தில் அதிமுகவின் கோட்டையாகக் கருதப்படும் மதுரையில் இவ்வளவு பெரிய அளவில் நிர்வாகிகள் விலகி திமுகவில் இணைவது, எடப்பாடி பழனிசாமி தலைமையிலான அதிமுகவிற்குப் பெரும் பின்னடைவாகப் பார்க்கப்படுகிறது.
ஓபிஎஸ் அவர்களின் இந்த நகர்வு, தென் மாவட்டங்களில் உள்ள முக்குலத்தோர் சமூக வாக்குகளை திமுகவிற்குச் சாதகமாக ஒருங்கிணைக்க உதவும் என அரசியல் ஆய்வாளர்கள் கருதுகின்றனர்.
இந்த விழாவை ஒட்டி மதுரை முழுவதும் திமுக மற்றும் ஓபிஎஸ் ஆதரவாளர்களின் பேனர்கள் மற்றும் கொடிகளால் களைகட்டியுள்ளது. பாதுகாப்புப் பணிகளுக்காக ஆயிரக்கணக்கான போலீசார் குவிக்கப்பட்டுள்ளனர்.
இதையும் படிங்க: மீண்டும் தாய் கழகத்தில் வெல்லமண்டி நடராஜன்! எடப்பாடி பழனிசாமி முன்னிலையில் அதிமுக-வில் இணைவு!